(Веган) Төгс Гэгээрсэн Их Багш Чин Хай махны хор уршигт үр дагаварын тухай, 15-р хэсэг - Ариун шүтээн үхэрт ёс бусаар хандаж байна

Египет, Грек, Энэтхэг, Хятад, Ау Лак (Вьетнам) зэрэг эртний олон соёл хийгээд шашинд үхрийг ариун гэгээн амьтан хэмээн хүндэтгэн үздэг байжээ. Хиндуизмд Кришна Бурхан багадаа үхэр хариулдаг байв. Түүнийг мөн Говинда, Гопала хэмээн нэрлэдэг байсан нь “үхрийн анд, хамгаалагч” гэсэн утгатай. Өнөөдөр ч гэсэн Балбад болон Энэтхэгийн зарим хэсэгт энэхүү номхон дөлгөөн амьтныг хөнөөх нь хууль бус юм. Төгс Гэгээрсэн Их Багш Чин Хай олон удаагийн сургаал яриандаа үхрийн онцгой шинж чанар болон яагаад тэдэнд хайр, хүндэтгэлтэй хандах учиртайг илчлэн өгүүлсэн билээ.

Үхэр бол 5-р түвшнийх. Тэр ийм байдлаар, энэ амьтан шиг харагдан, зарим асуудалд туслахаар бууж ирэхийн тулд өөрийгөө золиосолдог. Эсвэл дээр үед бидэнд талбайгаа хагалах машин байгаагүй учраас үхэр, бух туслахаар бууж ирсэн. Гэтэл бид юу хийж байна вэ? Тэр бидний хүүхдүүдэд сүү өгч, талбайг маань хагалж байхад бид тэднийг идэхээр алж байдаг. Энэ бол талархлын илэрхийлэл биш. Хүмүүс бид чинь ёс суртахууны хэм хэмжээг мэддэг шүү дээ. Хэрэв хэн нэгэн бидэнд сайн зүйл хийсэн бол бид түүнд өртэй болдог. Бид “Баярлалаа, танд маш их баярлалаа” гэж хэлдэг. Харин бидэнд хамаг буянаа өгсөн үхэрт төрсөн цагаас нь үхэх хүртэл нь яаж ийм харгис хандаж чадаж байна вэ? Нядлуулахынх нь өмнө хүртэл хэрхэн харьцаж, хандаж байгаа талаарх олон баримтат киног та бүгд үзээгүй. Үнэхээр аймшигтай.

Өнөө үед бидний ихэнх нь үнээний сүүгээр өсөж, том болсон байтал эхийгээ яаж нядалж чадаж байна аа? Өмнө нь Хятадад, бас Ау Лак (Вьетнам )-т, Азид бидэнд ийм хоёрдох эх байдгийг та бүхэн мэднэ. Хүүхдээ хөхүүлэхийг хүсдэггүй чинээлэг хатагтай ээж шиг. Энэ нь хэтэрхий төвөгтэй учраас хүүхэдтэй, сүү сайтай өөр ээжийг хөлсөлж авдаг. Тэгээд хоёр хүүхэд хоёулаа сүүгээр нь хооллодог. Бид тэжээгч гэж нэрлэдэг. Та бүхэн ийм тэжээгч эхээ яаж нядалж чадаж байна аа? Тэжээгч гэдэггүй юм байна, харин тэжээгч эх, эсвэл Бурхан эх, өргөсөн эх, хөхөлт эх гэдэг. Ийм эхчүүдийг бид бас хүндэтгэдэг. Хоёрдох эх маань гэдгийг та бүгд мэднэ. Тиймээс хэрвээ үхэр нядалбал, сүүгээ өгсөн эхээ хөнөөж буйтай адилхан юм. Хүмүүс үүнийг үйлдэж буй нь байж болшгүй зүйл.

Үхэр бол дэлхийг маань адислан, тэнцвэржүүлэхэд туслахаар ухамсрын их өндөр түвшнээс бууж ирдэг атал оюун санааныхаа мунхгийн гайгаар бид тэднийг аймшигтайгаар харгислан зовоодог. Хүн төрөлхтөн хөгжихийн хэрээр бид зэрлэг арга барилаа зогсоох ёстой. Харамгүй хайр, нинжин сэтгэлийг түгээдэг эдгээр дөлгөөн амьтдыг хүндэтгэн, тэднээс суралцах хэрэгтэй билээ.

Үхрийн ЭЧ (Эерэг Чанар) нь 38%, СЧ (Сөрөг Чанар) нь 0%, ГЧ (Гэгээнтэн Чанар) нь 40%, ӨЧ (Өгөөмөр Чанар) нь 50%. Үхэр бараг Тавдугаар Түвшинээс, Дөрөв, Тавдугаар Түвшиний хилээс ирдэг. Үхэр, бүх үхэр тэндээс ирсэн. Харин хүмүүс тэднийг иддэг. Та нар хэнтэй орооцолдож байгаагаа ерөөсөө мэддэггүй. Хүмүүс амьтдыг дорд үздэг. Та нар тэдний түвшинд ч хүрээгүй. Үхрийг хар даа. Тэд зөвхөн өвс иддэг хэр нь та нарт сүү, бяслаг гээд бүхнээ өгдөг. Харин хүмүүс тэднийг алж, иддэг хэвээрээ л байна. Үнээнүүд бараг дэлхий дээрх бүх хүүхдийн эх нь л гэсэн үг. Тиймээс та бүхэнд цагаан хоолтон (веган) бай гэсэн маань зөв юм. Энэ бүхнийг та нарт хэлж өгөөгүй байсан ч тэд бол хүн төрөлхтний өглөгийн эзэн нь юм шүү дээ. Бид тэдэнд огт гар хүрэх учиргүй.

Сүү үнэндээ бидний бодсон шиг, бидэнд хэлж өгсөн шиг тийм тэжээллэг биш юм. Учир нь үнээний сүү бол хүмүүст илэрдэг эхний найман харшлын нэг үүсгэгч нь болохыг эрдэмтэд тогтоосон. Бага насны хүүхдүүд, томчуулд ч харшил илэрч болно. Сүүн бүтээгдэхүүн бас олон төрлийн хорт хавдрын төдийгүй Кроны өвчин, листериоз зэрэг үхлийн аюулт өвчний шалтгаан болдог. Сүүг кальциар баялаг гэдэгт хүмүүс итгэх нь элбэг байдаг ч сүүг шингээх нь түүнд агуулагдаж буйгаас илүү их кальци шаарддаг юм шүү дээ. Тиймээс сүүг шингээх явцад кальци үнэндээ хүний биеэс гадагшилдаг. Сүүний хэрэглээ хамгийн өндөртэй улс орнууд яс сийрэгжилт болон ясны хэврэгшил элбэгтэй байж таарсан. Ийнхүү нотолгоо бидэнд өөр зүйл хэлж өгч байна. Нөгөө талаар ургамал дахь кальцийн эх сурвалж үүнээс дутахгүй арвин бөгөөд илүү хурдан шингэдэг, мөн биед илүү эрүүл юм.

Саяхан нэг судалгаанд хүүхдүүд сургууль дээрээ байх үедээ заавал сүү, сүүн бүтээгдэхүүн хэрэглэх шаардлагатай болдог байсан ба энэ үеэр тэдэнд илүү их ханиалгах, эсвэл амьсгаадах шинж тэмдэг ихээр илэрдэг байсныг тогтоосон. Гэхдээ эдгээр шинж тэмдэг хүүхдүүд амардаг зуны цагт буюу хүүхдүүд сүүг тэгж ойр ойрхон уухгүй байх үед тэр даруй арилсан байна. Өөр нэг жишээ бол ахимаг насны эмэгтэйчүүдийн ясны хэврэгшил сүүн бүтээгдэхүүн их хэмжээгээр хэрэглэдэг улс орнуудад элбэг тохиолддог болохыг тогтоожээ. Түүнчлэн хүмүүс дөрвөн нас хүрснээс хойш лактоз буюу сүүний сахрыг боловсруулан шингээж чаддаггүй бөгөөд энэ нь сүүний уургийг шингээхэд хүндрэл үүсгэдгийг нотлон харуулсан байдаг. Түүнээс гадна хүн бол өөр амьтны сүү уудаг цорын ганц төрөлтөн юм.

Тиймээс та бүхэн үнээний сүүнээс гадна ямааны аж ахуйн салбараас татгалзаж, оронд нь ургамалд суурилсан органик жимс, ногоо тарьж болох юм. Буурцгийн сүү маш сайн, мөн будааны сүү, бүйлсний сүү зэрэг өөр олон төрлийн амтлаг бөгөөд тэжээллэг сүү байдаг. Эдгээр нь бидэнд ямар нэг харшил, эрүүл мэндийн асуудал үүсгэдэггүй. Энэ бол хамгийн оновчтой шийдэл, хамгийн эрхэм ариун жишээ юм.

Үхрийн хэвийн наслалт 15-20 жил байдаг. Гэсэн хэдий ч саалийн үнээний дундаж наслалт ердөө 4-7 жил байдаг ажээ. Сүү гэж нэрлэгдэх эрүүл бус саамыг их хэмжээгээр саахын тулд номхон дөлгөөн үнээнүүдийг дахин ашиг шимээ өгөх боломжгүй болж, мах бэлтгэлд илгээгдэх хүртэл нь бие хийгээд сэтгэл санааны хувьд дахин дахин аймшигтайгаар зовоож тамладаг.

Хамгийн их аж үйлдвэржсэн оронд үхрийг хорьж, илүү их сүү саахын тулд хүчээр маш их химийн бодис өгч, эсвэл их сүү гаргадаг эм ч юм уу ямар нэг зүйл хүчээр хэрэглэдэг. Тэгээд үүний уршгаар яс нь хэврэгшиж, тэд биеэ даахад хэцүү болдог юм. Хэтэрхий их сүү саалгаж, яс нь маш их хэврэгшсэн учраас олон үхэр гэдэс нь унжиж, хэвлий нь унжин, алхахад хэцүү болсон байдаг. Бид хэн нэгний зовлонгоор, үхрийн зовлонгоор ч тэр амьдрах ёсгүй гэж би бодож байна.

Сүү, сүүн бүтээгдэхүүн бол махтай адилхан. Учир нь адилхан зовоож, тарчлаан, эцэст нь хөөрхий амьтдыг аймшигтайгаар үхэхэд хүргэдэг. Бяруу болонгуут нь л тасралтгүй хээлтүүлж, сүүг нь сааж авсныхаа дараа, саалийн үнээг идшинд зориулан нядалдаг. Тугалыг нь мөн зарж, тугалын мах болгохоор алдаг. Тиймээс сүүн бүтээгдэхүүний үйлдвэрлэлд ч бас энэрэл байхгүй.

Би нэг богинохон дүрс бичлэг үзсэн. Тэнд хоёр чадалтай залуу их олон үхэртэй аж ахуй руу явж очсон. Үхэр бэлчээрлэж байлаа. Тэд хоёр нялх тугалыг ачааны машиныхаа хоосон тэвш рүү шидчихсэн. Тэд хоёр тугалыг тийш нь шидсэн. Эх нь тэдний араас гүйж, зүрх сэтгэлээсээ уйлан мөөрөөд л. Яг “Аа, аа...” гэж буй мэт байсан. Үүнийг харахад зүрх сэтгэл минь өвдөж байлаа. Би чангаар уйлаад, “Үүнийг зогсоо!” гэж хашхирсан. Хэн ч үүнийг тэсвэрлэхгүй! Хэрэв та нар байсан бол яах вэ? Үүнийг үзэх үед хүүхдүүдийг минь аваад явж буй мэт санагдсан. Зүрх өвтгөм. Тэсвэрлэхэд бэрх.

Сэтгэл нь өвдсөн эх үнээ ачааны машины араас дагаж гүйхийг хараад. Тэр чангаар мөөрч уйлан, гүйсээр байсан. Бурхан ч түүнийг сонсож чадахаар байлаа.