Төгс Гэгээрсэн Их Багш Чин Хай (Веган) махны хорт үр дагаврын тухай, 6-р хэсэг – Хүн төрөлхтний уналтын шалтгаан

Та мах иддэг бол хүн чанараа бага багаар алдаад илүү амьтны араншинтай болох ба тэгээд танд бэлгийн дур хүслээ хүртэл удирдахад хэцүү байх болно. Тэгээд та магадгүй садар самууныг үйлдэнэ, эсвэл амьтдын махны нөлөөнөөс болж бэлгийн гаж явдал гаргана. Зөвхөн мах ч биш. Зөвхөн араатны зан араншин ч биш, бас малыг нядлахаас өмнө маханд нь шингээсэн гормонууд, антибиотик болон бүх төрлийн хортой бодисууд нөлөөлдөг. Малыг төхөөрсний дараа ч муудахаас хамгаалах бүх бодис, үхлийн хортой бактер тэр хэрчим маханд агуулагддаг. Бас таны гормонуудыг бүр ч илүү галзууруулдаг бүхий л төрлийн зүйлүүд орсон байдаг. Та ханьдаа үнэнч бус байхад илүү амархан болдог. Эсвэл бүр бэлгийн гэмт хэрэг үйлдэнэ. Тиймээс ч зарим хүчингийн гэмт хэрэгтнүүдийг бүрэн буруутгах боломжгүй юм. Нийгэм бүхэлдээ зэмлэл хүлээх хэрэгтэй, учир нь тэд л тэдний биед, эрүүл ухаанд, ухаан санаагаа хянах чадварт хор нөлөөтэй, үнэхээр галзуу бөгөөд бүрэн чадвараас нь хэтэрсэн зүйлсээр тэднийг хооллодог.

Эдгээр бүх аймшигтай химийн бодис, эм тан эхлээд маханд, дараа нь биед нь орсноор тэднийг галзууруулдаг. Дундаж нэгэн залуугийн хувьд гэхэд энэ ороо бусгаа дэлхийд өөрийгөө тэжээж эрүүл ухаантай байлгаж чадаж байгаа нь хэдийнээ гайхамшиг болоод байна. Одоо энэ махан хүнс тэр бүү хэл хувийн харилцаанд садар самуун явахгүй гэсэн сахилд хүртэл асуудал үүсгэж чадаж байна.

Хамгийн сүүлийнх нь мансуурах. Мах таныг донтуулдаг ба өөр нэг төрлийн мансууруулах бодис юм. Өөр өөр төрлийн донтуулагч бөгөөд түүнд мөн бүх төрлийн юмсыг хольсон байдаг нь таныг бас донтуулдаг.

Учир нь мах иддэг хүмүүс түүнийгээ сайн шингээж чаддаггүй. Иймээс тэд хоолоо сайн шингээж, хоолноос илүү таашаал авахын тулд архи, дарс хэрэглэх хэрэг гардаг. Тэгээд архи, дарс, согтууруулах ундаа тэднийг өөр хууль бус зүйл хийхэд хүргэдэг, жишээлбэл согтуугаар жолоо барих, эсвэл уушийн газар болон гудамжинд хүмүүстэй маргах, нэр хүндээ унагах бүхий л юмсыг хийж, эсвэл гэр бүлийнхэнтэйгээ маргаж, зодолдох, эхнэр хүүхдээ зодох гэх мэтийг үйлддэг. Гэр бүлийн хүчирхийлэл ихэвчлэн архи, мансууруулах бодис хэтрүүлэн хэрэглэснээс болсон байдаг. Ийм учраас мах нь хүмүүсийг бусад төрлийн мансууруулах бодис руу хүртэл хөтөлдөг ажээ. Нөлөө нь хоёр дахин нэмэгдэж, эр эм хүмүүсийг галзууруулан, тэднээр насан туршдаа харамсаж явах олон зүйлсийг хийлгэдэг.

Махны хэрэглээ нь мансууруулах бодис, архи, тамхинаас ч илүү аюултай билээ. Тийм учраас махыг би нэг номерын алуурчин гэж тавиад, бусад гурвыг нь ард нь тавьж байгаа юм. Бидэнд зогсоох маш олон зүйл байгаа, гэхдээ энэ дөрөв бол хамгаас муу. Гарагаа, амь насаа аврахыг хүсч байвал бид эдгээр зүйлээс салах ёстой.

Гарагаа аврахын тулд үргэлж шийдэмгий байхыг та нар бүгд мэдэрсэн байх гэж би найдаж байна. Энэ нь өөрийн нигүүлсэнгүй мөн чанараа Бурханлаг чанараа, Будда чанараа аварна гэсэн үг. Зүсэм махны төлөө түүнийг үгүй хийж үхүүлэхгүй бай. Ердөө зүсэм мах, загас, бяслаг, амьтны гаралтай ямар ч бүтээгдэхүүний төлөө өөрийн эрхэм Би-гээ үхүүлэхгүй байгаарай.

Мах идэх нь эрүүл мэндэд муугаар барахгүй түүнээс болж бид өөрсдийн жинхэнэ Би-тэйгээ мөн холбогдож чаддаггүй. Тиймээс ч ихэнх хүмүүс заримдаа сайн заримдаа муу байдаг; тэд яагаад гэдгийг мэддэггүй. Заримдаа гэвч гэдэс хоосон, мөн чин сэтгэлээсээ, эсвэл хэт зовлон үзэх тэр үед тэд дотоодтойгоо холбогддог. Харин тэд ямар нэг асуудалгүй, идэж, ууж, юуны ч талаар мэдэхээ болиод ирэхээрээ холбоо нь дахин тасалддаг. Гуан Инь Аргад суралцдаггүй хүмүүс ч гэсэн хааяа Диваажинтай холбогддог. Иймээс ч одоо тэд хааяа өөрсдийн амьдралыг энэ дэлхий дээр үргэлжлүүлэн тэтгэж чаддаг. Энэ шалтгаанаас болж тэд тийм ч сайн сайхан амьдарч чадахгүй, гэхдээ амьд явсаар байдаг.

Яг л өвчтэй хүнтэй ижил, бүр үхчихгүй, ойр зуураа явсаар байдаг, гэхдээ бүрэн эрүүл биш.

(Мах идэх нь биднийг Бурханаас хэр холдуулдаг вэ?) Хэтэрхий хол, хэт хол. Хамаагүй холдуулдаг. Оюун санааны хувьсал хөгжлөөрөө улам өчүүхэн болон болтлоо өөрийгөө бага багаар идэж байна, тэгээд бид маш хол уруудан дордох болно, хөгжлийн эргүүлгийн хамгийн доод түвшинд буцаж очно. Махан биеэ орхисныхоо дараа бид энэ бүх алдаагаа ухаарах болно: бусад оршихуйг идсэнээрээ өөрсдийгөө ч идсэнээ мэднэ. Тиймээс бид өмнөх алдаагаа засахын тулд физик биед ахин дахин эргэн ирдэг. Гэхдээ бид шинэ нөхцөл байдал, энэ дэлхийн дарамтанд ахин автдаг, улмаар ахиад л алддаг г.м. тэгээд алдах тоолонд саад бэрхшээлүүд өмнөхөөс улам томордог. Мах бол хэзээд хэний чхувьд үгүй-үгүй, бясалгагч хүнд ч тэр. Энэ нь материаллаг сайн сайхныг ч авчирдаггүйг та нар сайн мэднэ, оюун санааны дэвшлийг бол бүр дурдалтгүй. Бурхантай ойрхон байх тухай ярих ч хэрэггүй. Бурханы бүтээлийг алчихаад яаж бид Бурханд ойр байх вэ? Бурханы өгсөн хайрын хэсгийг өөрсдөөсөө тайрчихаад яаж бид Бурхантай ойр байх вэ? Тиймээс мах бол үгүй-үгүй.

Бид өөрсдөөсөө үнэхээр ичих ёстойг би хэлбэл таарна. Учир нь бидэнд чадал чадвар бий, оюун ухаан бий. Будда, Христ, Мухаммед, (Тэрээр амгалан байг) Гүрү Нанах, Жайн шашны Их Багш нар, Бахай, Кришна гээд таны нэрлэж чадах бүхий л эрхэм Их Багш нараар уужим сэтгэлтэй байх, шударга журамтай байх, энэрэнгүй байх, бие биетэйгээ энх тайвнаар оршихыг бид заалгасан. Бид хэдэн зуунаар заалгасан ч бидний бодож олсон зүйл бол ердөө ахиухан ашиг олж, их мах авахын тулд энэ бяцхан тахиа, бяцхан гахайнууд, гэмгүй үнээг алж устгадаг юмыг зохион бүтээж, тийм тогтолцоог бүтээсэн явдал юм. Энэ бол үнэхээр ичгүүртэй үйлдэл сэтгэхүйн хандлага билээ. Бид хэзээ ч ийм хол унаж, ийнхүү өөрсдийгөө доройтуулах учиргүй байсан. Ухаалаг, логиктой сэтгэдэг хэн боловч миний санааг ойлгосон гэж найдаж байна.