ਦੋਸਤੀ ਦੀ ਦੁਨੀਆ ਦੇ ਮਹਾਰਾਜ, ਰਾਜਾ ਪੂ, ਤਿੰਨ ਹਿਸਿਆਂ ਦਾ ਦੂਸਰਾ ਭਾਗ

"ਸਾਨੂੰ ਖੁਸ਼ੀ ਹੈ ਕਿ ਅਸੀਂ ਤੁਹਾਡੇ ਗ੍ਰਹਿ 'ਤੇ ਆ ਸਕੇ ਅਤੇ ਤੁਹਾਨੂੰ ਨਿੱਜੀ ਤੌਰ 'ਤੇ ਦੇਖ ਸਕੇ। ਅਸੀਂ ਨਿਮਰਤਾ ਨਾਲ ਤੁਹਾਡੇ ਲੋਕਾਂ ਲਈ ਇੱਕ ਤੋਹਫ਼ਾ ਲਿਆਏ ਹਾਂ।" ਓਹ, ਸ਼੍ਰੀਮਾਨ ਜੀ! ਓਹ, ਤੁਹਾਡਾ ਧੰਨਵਾਦ, ਤੁਹਾਡਾ ਧੰਨਵਾਦ। ਅਸੀਂ ਧੰਨਵਾਦ ਸਹਿਤ ਸਵੀਕਾਰ ਕਰਦੇ ਹਾਂ। "ਬੇਸ਼ੱਕ, ਅਸੀਂ ਇੱਥੇ ਜੋ ਤੋਹਫ਼ਾ ਆਪਣੇ ਨਾਲ ਲਿਆਏ ਜਾਂ ਲਿਆ ਰਹੇ ਹਾਂ ਉਹ ਦੋਸਤੀ ਹੈ। ਇਸ ਲਈ, ਜੇਕਰ ਤੁਹਾਡੇ ਚੰਗੇ ਨਾਗਰਿਕਾਂ ਵਿੱਚੋਂ ਕੋਈ ਜੋ ਪਹਿਲਾਂ ਹੀ ਇੱਕ ਵੀਗਨ ਹੈ, ਜੇਕਰ ਉਹਨਾਂ ਨੂੰ ਕੁਝ ਦੋਸਤਾਂ ਦੀ ਲੋੜ ਹੈ, ਜਾਂ ਜੇਕਰ ਉਹਨਾਂ ਦਾ ਕਿਸੇ ਅਜ਼ੀਜ਼ ਨਾਲ ਕੋਈ ਝਗੜਾ ਹੈ, ਤਾਂ ਉਹ ਸਾਡੀ ਦੁਨੀਆ ਦਾ ਨਾਮ ਲੈ ਸਕਦੇ ਹਨ, ਅਤੇ ਤੋਹਫ਼ਾ ਉਹਨਾਂ ਨੂੰ ਮਿਲੇਗਾ, ਅਤੇ ਉਹਨਾਂ ਦਾ ਝਗੜਾ ਖਤਮ ਹੋ ਜਾਵੇਗਾ, ਅਤੇ ਉਹਨਾਂ ਦੀ ਇੱਕ ਸ਼ਾਨਦਾਰ ਦੋਸਤੀ ਹੋਵੇਗੀ।" ਓਹ, ਇਹ ਬਹੁਤ ਵਧੀਆ ਹੈ, ਬਹੁਤ ਵਧੀਆ। ਸ਼੍ਰੀਮਾਨ ਜੀ, ਸਾਨੂੰ ਇਸਦੀ ਬਹੁਤ ਲੋੜ ਹੈ। ਸਾਨੂੰ ਇਸਦੀ ਸੱਚਮੁੱਚ ਲੋੜ ਹੈ। ਸਾਡੀ ਮੁਸ਼ਕਲ ਦੁਨੀਆਂ ਵਿੱਚ, ਪਰਿਵਾਰ ਦੇ ਮੈਂਬਰਾਂ, ਇੱਥੋਂ ਤੱਕ ਕਿ ਮਾਪਿਆਂ ਅਤੇ ਬੱਚਿਆਂ, ਇੱਥੋਂ ਤੱਕ ਕਿ ਪਿਆਰ ਵਿੱਚ ਰਹਿਣ ਵਾਲੇ ਪਤੀ-ਪਤਨੀ ਵਿਚਕਾਰ ਦੋਸਤੀ ਵਿੱਚ ਵੀ ਸੰਘਰਸ਼ ਹੁੰਦਾ ਹੈ ਅਤੇ ਕਈ ਵਾਰ ਇਹ ਕਾਫ਼ੀ ਗੰਭੀਰ ਹੁੰਦਾ ਹੈ। ਇਸ ਲਈ ਅਸੀਂ ਤੁਹਾਡੇ ਵੱਲੋਂ ਇਹ ਤੋਹਫ਼ਾ ਲੈ ਕੇ ਬਹੁਤ ਖੁਸ਼ ਹਾਂ। ਸਾਡੇ ਨਾਗਰਿਕਾਂ, ਸਾਡੇ ਸਹਿ-ਨਿਵਾਸੀਆਂ ਦੇ ਨਾਮ 'ਤੇ ਤੁਹਾਡਾ ਬਹੁਤ ਧੰਨਵਾਦ। ਅਤੇ ਅਸੀਂ ਤੁਹਾਡੇ ਤੋਹਫ਼ੇ ਲਈ ਪ੍ਰਮਾਤਮਾ ਦਾ ਧੰਨਵਾਦ ਕਰਦੇ ਹਾਂ।

"ਓਹ, ਹਾਂਜੀ, ਅਸੀਂ ਜਾਣਦੇ ਹਾਂ ਕਿ ਇਸ ਤਰ੍ਹਾਂ ਦਾ ਮਸਲਾ ਤੁਹਾਡੇ ਗ੍ਰਹਿ ਦੇ ਵੱਖਰੇ ਸੈੱਟ-ਅੱਪ ਤੋਂ ਆਇਆ ਹੈ। ਲੋਕ ਹਮੇਸ਼ਾ ਕਰਮ ਦੇ ਇੱਕੋ ਜਿਹੇ ਪਿਛੋਕੜ ਤੋਂ ਨਹੀਂ ਹੁੰਦੇ, ਇਸ ਲਈ ਉਨ੍ਹਾਂ ਨੂੰ ਦੁਬਾਰਾ ਦੋਸਤ ਬਣਨ ਲਈ ਵਾਪਸ ਆ ਕੇ ਇੱਕ ਦੂਜੇ ਨਾਲ ਕੰਮ ਕਰਨਾ ਪੈਂਦਾ ਹੈ। ਪਰ ਸਾਡੀ ਦੁਨੀਆਂ ਵਿੱਚ, ਅਸੀਂ ਪਹਿਲਾਂ ਹੀ ਭੂਤਕਾਲ-ਵਰਤਮਾਨ-ਭਵਿੱਖ, ਦੋਸਤ-ਦੁਸ਼ਮਣ ਦੇ ਸੰਕਲਪਾਂ ਤੋਂ ਬਹੁਤ ਦੂਰ ਰਹਿੰਦੇ ਹਾਂ... ਇਸ ਤਰ੍ਹਾਂ ਦੇ ਸਾਰੇ ਵਿਵਾਦਪੂਰਨ ਮੁੱਦੇ ਪਹਿਲਾਂ ਹੀ ਆਤਮਿਕ ਸ਼ਕਤੀ ਦੁਆਰਾ ਨਸ਼ਟ ਕਰ ਦਿੱਤੇ ਗਏ ਹਨ ਜੋ ਸਹਿਜ ਅਤੇ ਵਿਆਪਕ ਹੈ ਸਾਡੇ ਅਧਿਆਤਮਿਕ ਪੱਧਰ 'ਤੇ। ਪਰ ਤੁਹਾਡੀ ਦੁਨੀਆਂ ਵਿੱਚ, ਮਹਾਰਾਜ ਜੀ, ਰਾਜਿਆਂ ਦੇ ਰਾਜਿਆਂ ਦੇ ਰਾਜਿਆਂ ਦੇ ਰਾਜਾ, ਪੂਰੇ ਸਤਿਕਾਰ ਨਾਲ, ਇਸ ਦੁਨੀਆਂ ਵਿੱਚ ਰਹਿਣ ਵਾਲਾ ਕੋਈ ਵਿਅਕਤੀ ਵੀ ਉਹੀ ਆਸ਼ੀਰਵਾਦ ਅਤੇ ਸ਼ਕਤੀ ਪ੍ਰਾਪਤ ਕਰ ਸਕਦਾ ਹੈ ਜੇਕਰ ਉਹ ਤੁਹਾਡੇ ਦੁਆਰਾ ਦੀਖਿਆ ਪ੍ਰਾਪਤ ਕਰਦਾ ਹੈ। ਇਹੀ ਸਾਡੇ ਸੰਸਾਰ ਅਤੇ ਹੋਰ ਬਹੁਤ ਸਾਰੇ ਸੰਸਾਰਾਂ ਵਿੱਚ ਵੀ ਵਾਪਰਿਆ ਹੈ, ਕਿਉਂਕਿ ਸਤਿਗੁਰੂ ਸ਼ਕਤੀ, ਜਿਵੇਂ ਤੁਸੀਂ ਇਸਨੂੰ ਕਹਿੰਦੇ ਹੋ, ਸਾਰੇ ਬੁਰੇ ਕਰਮ ਨੂੰ ਮਿਟਾ ਦੇਵੇਗੀ, ਅਤੇ ਪੈਰੋਕਾਰਾਂ ਨੂੰ ਇੱਕ ਵੱਖਰੀ ਬਾਰੰਬਾਰਤਾ, ਵੱਖਰੀ ਦੁਨੀਆਂ ਵਿੱਚ ਉੱਚਾ ਚੁੱਕ ਦੇਵੇਗੀ ਜੋ ਆਜ਼ਾਦ ਜੀਵਾਂ ਲਈ ਢੁਕਵੀਂ ਹੈ। ਇਸ ਤਰ੍ਹਾਂ, ਉਨ੍ਹਾਂ ਨੂੰ ਫਿਰ ਕਦੇ ਵੀ ਕੋਈ ਮੁਸ਼ਕਲ ਜਾਂ ਦੁੱਖ ਨਹੀਂ ਸਹਿਣਾ ਪਵੇਗਾ। ਇੱਥੋਂ ਤੱਕ ਕਿ ਹੇਠਲੇ ਦਰਜੇ ਦੇ ਪੈਰੋਕਾਰ ਵੀ, ਉਹ ਸਾਰੇ ਕਰਮ ਦੇ ਬੋਝ ਤੋਂ ਮੁਕਤ ਹਨ।"

ਓਹ ਹਾਂਜੀ, ਸ਼੍ਰੀਮਾਨ ਜੀ, ਹਾਂਜੀ, ਸ਼੍ਰੀਮਾਨ ਜੀ। ਅਸੀਂ ਚਾਹੁੰਦੇ ਹਾਂ ਕਿ ਇਸ ਧਰਤੀ ਦੇ ਸਾਰੇ ਜੀਵ ਵੀ ਇਸੇ ਤਰ੍ਹਾਂ ਆਜ਼ਾਦ ਹੋਣ। ਤੁਹਾਡੇ ਆਸ਼ੀਰਵਾਦ ਅਤੇ ਪ੍ਰਮਾਤਮਾ ਦੀ ਕਿਰਪਾ ਵਿੱਚ ਸਹਾਇਕ ਸ਼ਕਤੀ ਨਾਲ, ਅਸੀਂ ਇਸ ਗ੍ਰਹਿ ਨੂੰ ਇੱਕ ਬਿਹਤਰ ਜਗ੍ਹਾ ਬਣਾਉਣ ਲਈ ਇਸ 'ਤੇ ਕੰਮ ਕਰ ਰਹੇ ਹਾਂ। ਫਿਰ ਇਹ ਦੁਨੀਆਂ ਤੁਹਾਡੀ ਦੁਨੀਆਂ ਦੇ ਨਾਲ ਰਲਣ ਦੇ ਯੋਗ ਹੋ ਜਾਵੇਗੀ। ਕਿਰਪਾ ਕਰਕੇ ਸਾਡੇ ਸਾਰਿਆਂ ਨੂੰ ਸ਼ੁਭਕਾਮਨਾਵਾਂ ਦਿਓ। "ਹਾਂਜੀ, ਹਾਂਜੀ, ਅਸੀਂ ਕਰਦੇ ਹਾਂ। ਅਸੀਂ ਕਰਦੇ ਹਾਂ।" ਇੱਥੇ ਹਰ ਚੀਜ਼ ਨੂੰ ਸਮਾਂ ਲੱਗਦਾ ਹੈ, ਕਿਉਂਕਿ ਤੁਹਾਡੇ ਕੋਲ ਸਮਾਂ ਹੈ, ਤੁਹਾਡੇ ਕੋਲ ਸਪੇਸ ਹੈ, ਤੁਹਾਡੇ ਇੱਕ ਜੀਵ ਅਤੇ ਦੂਜੇ ਜੀਵ ਵਿੱਚ ਬਹੁਤ ਸਾਰੇ ਅੰਤਰ ਹਨ। ਤੁਸੀਂ ਅੰਤਰ ਮਹਿਸੂਸ ਕਰਦੇ ਹੋ। ਤੁਸੀਂ ਇੱਕ ਦੂਜੇ ਵਿੱਚ, ਇੱਕ ਪ੍ਰਜਾਤੀ ਅਤੇ ਦੂਜੀ ਪ੍ਰਜਾਤੀ ਵਿੱਚ ਵਿਤਕਰਾ ਮਹਿਸੂਸ ਕਰਦੇ ਹੋ। ਇਸ ਤਰ੍ਹਾਂ, ਸੰਘਰਸ਼ ਦਾ ਹੱਲ ਨਹੀਂ ਹੋ ਸਕਿਆ, ਅਤੇ ਇਸ ਤਰ੍ਹਾਂ ਇੱਥੇ ਰਹਿਣ ਵਾਲੇ ਜੀਵ ਬਹੁਤ ਹੀ ਦੁੱਖ ਝੱਲ ਰਹੇ ਹਨ। ਮੈਨੂੰ ਅਫ਼ਸੋਸ ਹੈ ਕਿ ਤੁਹਾਡੇ ਕੋਲ ਬਹੁਤ ਸਾਰਾ ਕੰਮ ਹੈ, ਕਿਉਂਕਿ ਇਹ ਦੁਨੀਆਂ ਬ੍ਰਹਿਮੰਡ ਦੀਆਂ ਜ਼ਿਆਦਾਤਰ ਦੁਨੀਆਂਵਾਂ ਤੋਂ ਬਹੁਤ ਵੱਖਰੀ ਹੈ।"

ਹਾਂਜੀ, ਇਹ ਸਹੀ ਹੈ, ਸ਼੍ਰੀਮਾਨ ਜੀ, ਪਰ ਇਹ ਉਨ੍ਹਾਂ ਦੀ ਗਲਤੀ ਨਹੀਂ ਹੈ, ਸ਼੍ਰੀਮਾਨ ਜੀ। ਇਸ ਦੁਨੀਆਂ ਦੇ ਵਾਸੀ ਪਹਿਲਾਂ ਹੀ ਲਗਭਗ ਕੈਦੀਆਂ ਵਾਂਗ ਬਣ ਗਏ ਹਨ, ਹਰ ਤਰ੍ਹਾਂ ਦੇ ਤਰੀਕਿਆਂ ਨਾਲ ਕਾਬੂ ਕੀਤੇ ਜਾ ਰਹੇ ਹਨ। ਅਤੇ ਉਹ ਭੁੱਲ ਗਏ ਹਨ ਕਿ ਉਨ੍ਹਾਂ ਕੋਲ ਕਿਹੜੀਆਂ ਸ਼ਕਤੀਆਂ ਹਨ, ਉਨ੍ਹਾਂ ਦੇ ਅੰਦਰ ਸੁਭਾਵਕ ਹੀ ਕਿੰਨਾ ਪਿਆਰ ਹੈ। ਅਤੇ ਇਹ ਇੱਕ ਤਰਸਯੋਗ ਸਥਿਤੀ ਹੈ, ਅਤੇ ਅਸੀਂ ਇਸ 'ਤੇ ਕੰਮ ਕਰ ਰਹੇ ਹਾਂ ਤਾਂ ਜੋ ਹਰ ਕਿਸੇ ਨੂੰ ਜਿੰਨੀ ਜਲਦੀ ਹੋ ਸਕੇ ਸਾਫ਼ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਸਕੇ, ਇੱਕ ਤਰ੍ਹਾਂ ਨਾਲ ਉਨ੍ਹਾਂ ਦੀ ਸ਼ਾਨ, ਉਨ੍ਹਾਂ ਦੀ ਰੂਹਾਨੀ ਸ਼ਾਨ ਦੀ ਅਸਲ ਸਥਿਤੀ ਨੂੰ ਮੁੜ ਪ੍ਰਾਪਤ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਾਂ। ਅਤੇ ਅਸੀਂ ਸਖ਼ਤ ਕੋਸ਼ਿਸ਼ ਕਰ ਰਹੇ ਹਾਂ। ਪਰ ਇਸ ਸੰਸਾਰ ਨੂੰ ਨਿਯੰਤਰਿਤ-ਕਰਨ ਵਾਲੀ ਨਕਾਰਾਤਮਕ ਸ਼ਕਤੀ ਸਥਾਪਿਤ ਕੀਤੀ ਗਈ ਹੈ - ਉਹਨਾਂ ਦੀ ਨਿਯੰਤਰਣ ਸ਼ਕਤੀ, ਇੱਥੇ ਸਾਰੇ ਜੀਵਾਂ ਉੱਤੇ ਉਹਨਾਂ ਦੀ ਪਕੜ ਸ਼ਕਤੀ। ਅਤੇ ਜਦੋਂ ਕੋਈ ਗੁਰੂ ਇੱਥੇ ਆਉਂਦਾ ਹੈ... ਅਸੀਂ ਹੁਣ ਸਾਰੀਆਂ ਆਤਮਾਵਾਂ ਨੂੰ ਮੁਕਤ ਕਰਨ ਅਤੇ ਉਨ੍ਹਾਂ ਨੂੰ ਉਨ੍ਹਾਂ ਦੇ ਸ਼ਾਨਦਾਰ ਮੂਲ ਘਰ ਅਤੇ ਉਨ੍ਹਾਂ ਦੀ ਅਧਿਆਤਮਿਕ ਵਿਰਾਸਤ ਦੀ ਸ਼ਕਤੀਸ਼ਾਲੀ ਸਥਿਤੀ ਵਿੱਚ ਵਾਪਸ ਲਿਆਉਣ ਲਈ ਇੱਕ ਕਾਫ਼ੀ ਮੁਸ਼ਕਲ ਲੜਾਈ ਲੜ ਰਹੇ ਹਾਂ।

ਅਤੇ ਤੁਸੀਂ (ਮਹਾਰਾਜ ਰਾਜਾ ਪੂ) ਨੇ ਪਹਿਲਾਂ ਜ਼ਿਕਰ ਕੀਤਾ ਸੀ ਕਿ ਉਹ ਲੋਕ, ਜੀਵ ਜੋ ਤੁਹਾਡੀ ਦੋਸਤੀ ਦੇ ਤੋਹਫ਼ੇ ਨੂੰ ਪ੍ਰਾਪਤ ਕਰਨਾ ਚਾਹੁੰਦੇ ਹਨ ਅਤੇ ਇਸਨੂੰ ਆਪਣੇ ਲਈ ਵਰਤਣਾ ਚਾਹੁੰਦੇ ਹਨ, ਉਹ ਜਿਵੇਂ ਵੀਗਨ ਹਨ। ਉਹਨਾਂ ਨੂੰ ਪਹਿਲਾਂ ਵੀਗਨ ਬਣਨਾ ਪਵੇਗਾ, ਸ਼੍ਰੀਮਾਨ ਜੀ? "ਓਹ ਹਾਂਜੀ, ਓਹ ਹਾਂਜੀ, ਕਿਉਂਕਿ ਉਹ ਮੂਲ ਰੂਪ ਵਿੱਚ ਸ਼ੁੱਧ ਹਨ। ਅਤੇ ਜੇਕਰ ਉਹ 'ਜੀਓ ਅਤੇ ਜੀਣ ਦਿਓ' ਦੇ ਸਿਧਾਂਤ ਦੁਆਰਾ, ਆਪਣੇ ਆਲੇ ਦੁਆਲੇ ਦੇ ਸਾਰਿਆਂ ਨਾਲ ਸ਼ਾਂਤੀਪੂਰਨ ਅਤੇ ਸਦਭਾਵਨਾਪੂਰਨ ਹੋ ਕੇ ਆਪਣੀ ਸ਼ੁੱਧਤਾ ਵੱਲ ਵਾਪਸ ਆਉਂਦੇ ਹਨ, ਤਾਂ ਇਹ ਤੋਹਫ਼ਾ ਬਹੁਤ ਉਪਯੋਗੀ ਅਤੇ ਪ੍ਰਭਾਵਸ਼ਾਲੀ ਹੋ ਸਕਦਾ ਹੈ। ਪਰ ਜੇਕਰ ਤੁਸੀਂ ਦੂਜੇ ਮਾਸੂਮਾਂ ਨੂੰ ਮਾਰਨ ਦੇ ਦਾਗ਼ੀ ਕਰਮ ਕਾਰਨ ਹੋਰ ਵੀ ਜ਼ਿਆਦਾ ਜਾਂ ਹੋਰ ਫਸ ਗਏ ਹੋ, ਤਾਂ ਇਹ ਤੋਹਫ਼ਾ ਲਗਭਗ ਰਦ ਹੋ ਸਕਦਾ ਹੈ, ਇਸ ਸਾਰੇ ਮਾੜੇ ਪ੍ਰਭਾਵ ਦੁਆਰਾ ਰੱਦ ਹੋ ਗਿਆ ਹੈ ਜੋ ਉਨ੍ਹਾਂ ਦੇ ਅਧਿਆਤਮਿਕ ਜੀਵਾਂ ਅਤੇ ਉਨ੍ਹਾਂ ਦੀ ਆਜ਼ਾਦੀ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਕਰਦਾ ਹੈ। ਇਸ ਲਈ ਉਹ ਆਪਣੀ ਜ਼ਿੰਦਗੀ ਦੇ ਕਿਸੇ ਵੀ ਮੁੱਦੇ ਨੂੰ ਆਪਣੇ ਅਤੇ ਦੂਜਿਆਂ ਨਾਲ ਸਬੰਧਤ ਲੋਕਾਂ ਵਿਚਕਾਰ ਨਹੀਂ ਸੰਭਾਲ ਸਕਦੇ। ਉਨ੍ਹਾਂ ਲਈ ਆਉਣ ਵਾਲੇ ਕਿਸੇ ਵੀ ਮੁੱਦੇ ਨੂੰ ਹੱਲ ਕਰਨਾ ਬਹੁਤ ਮੁਸ਼ਕਲ ਹੁੰਦਾ ਹੈ। ਅਤੇ ਇਸੇ ਕਰਕੇ ਉਨ੍ਹਾਂ ਨਾਲ ਹੋਰ ਅਤੇ ਹੋਰ ਸੰਘਰਸ਼ ਵੀ ਹੋਣਗੇ।"

ਓਹ ਹਾਂਜੀ, ਸ਼੍ਰੀਮਾਨ ਜੀ, ਹਾਂਜੀ, ਸ਼੍ਰੀਮਾਨ ਜੀ। ਇਹ ਬਹੁਤ ਹੀ ਤਰਸਯੋਗ ਸਥਿਤੀ ਹੈ। ਹਾਂਜੀ, ਅਸੀਂ ਉਨ੍ਹਾਂ ਦੀ ਮਦਦ ਕਰਨ ਦੀ ਪੂਰੀ ਕੋਸ਼ਿਸ਼ ਕਰਦੇ ਹਾਂ, ਸ਼੍ਰੀਮਾਨ ਜੀ। ਸੋ, ਜੇਕਰ ਇਸ ਦੁਨੀਆਂ ਦੇ ਲੋਕ ਵੀਗਨ ਹਨ, ਤਾਂ ਉਹ ਤੁਹਾਡਾ ਤੋਹਫ਼ਾ ਪ੍ਰਾਪਤ ਕਰ ਸਕਦੇ ਹਨ ਅਤੇ ਇਸਨੂੰ ਵਰਤ ਸਕਦੇ ਹਨ ਜੇਕਰ ਉਹ ਇਮਾਨਦਾਰ ਹਨ ਅਤੇ ਇਸਨੂੰ ਦਿਲੋਂ ਚਾਹੁੰਦੇ ਹਨ। ਅਤੇ ਉਹ ਇਸਦੀ ਵਰਤੋਂ ਤੁਰੰਤ ਕਰ ਸਕਦੇ ਹਨ, ਸ਼੍ਰੀਮਾਨ ਜੀ, ਜੇਕਰ ਉਹ ਮਾਰਨ ਦੇ ਕਰਮ ਨਾਲ ਕਿਸੇ ਵੀ ਨਕਾਰਾਤਮਕ ਸਬੰਧ ਵਿੱਚ ਆਪਣੇ ਆਪ ਨੂੰ ਨਾ ਉਲਝਾ ਕੇ ਆਪਣੇ ਮੂਲ ਦੀ ਸ਼ੁੱਧਤਾ ਵੱਲ ਵਾਪਸ ਆਉਂਦੇ ਹਨ? "ਨਹੀਂ, ਖੈਰ, ਹਾਂਜੀ, ਮਾਫ਼ ਕਰਨਾ, ਪਰ ਪਹਿਲਾਂ ਘੱਟੋ-ਘੱਟ ਪੰਜ ਮਹੀਨੇ ਵੀਗਨ ਹੋਣ ਦੇ ਨਾਲ ਉਹ ਸਾਡੇ ਅਧਿਆਤਮਿਕ ਤੋਹਫ਼ਿਆਂ ਦੇ ਭੰਡਾਰ ਤੋਂ ਸਾਡੀ ਸ਼ਕਤੀ ਤੋਂ, ਇਸ ਸ਼ਕਤੀਸ਼ਾਲੀ ਦੋਸਤੀ ਦੇ ਸਾਧਨ ਦੀ ਵਰਤੋਂ ਕਰ ਸਕਣਗੇ।" ਓਹ, ਵਾਹ! ਸਾਡੇ ਸਮੂਹ ਵਿੱਚ, ਉਹਨਾਂ ਨੂੰ ਦੋ ਜਾਂ ਤਿੰਨ ਮਹੀਨਿਆਂ ਲਈ ਵੀਗਨ ਹੋਣਾ ਚਾਹੀਦਾ ਹੈ, ਇਹ ਨਿਰਭਰ ਕਰਦਾ ਹੈ, ਇਸ ਤੋਂ ਪਹਿਲਾਂ ਕਿ ਉਹ ਦੀਖਿਆ ਪ੍ਰਾਪਤ ਕਰ ਸਕਣ। ਮੈਨੂੰ ਲੱਗਦਾ ਹੈ, ਕਿ ਇਹੀ ਕਾਰਨ ਹੈ। ਇਹ ਅਫ਼ਸੋਸ ਦੀ ਗੱਲ ਹੈ ਕਿ ਇਸ ਦੁਨੀਆਂ ਵਿੱਚ ਸਾਡੇ ਬਹੁਤ ਸਾਰੇ ਨਾਗਰਿਕਾਂ ਨੂੰ ਇਸ ਬਾਰੇ ਜਾਗਰੂਕ ਨਹੀਂ ਕੀਤਾ ਜਾਂਦਾ, ਕਿਉਂਕਿ ਜੇਕਰ ਅਸੀਂ ਆਪਣੀ ਊਰਜਾ ਨੂੰ ਦੂਜੀ ਊਰਜਾ ਨਾਲ ਇੰਨੇ ਭਿਆਨਕ ਤਰੀਕੇ ਨਾਲ ਮਿਲਾਉਂਦੇ ਹਾਂ, ਤਾਂ ਕਿਸੇ ਵੀ ਕਿਸਮ ਦਾ ਆਸ਼ੀਰਵਾਦ ਚੰਗੀ ਤਰਾਂ ਕੰਮ ਨਹੀਂ ਕਰ ਸਕਦਾ।

ਓਹ, ਹਾਂਜੀ, ਵੈਸੇ, ਮਹਾਰਾਜ, ਮੇਰੇ ਕੁਝ ਅਖੌਤੀ ਪ੍ਰਮਾਤਮਾ ਦੇ ਪੈਰੋਕਾਰ ਵੀ ਪ੍ਰਾਚੀਨ ਬੁੱਧ ਹਨ, ਜਾਂ ਇਸ ਜੀਵਨ ਕਾਲ ਵਿੱਚ ਬੁੱਧ ਬਣਨ ਵਾਲੇ ਹਨ, ਅਤੇ ਇਸ ਗ੍ਰਹਿ 'ਤੇ ਵੀ ਰਹਿ ਰਹੇ ਹਨ। ਅਤੇ ਤੁਹਾਡੀ ਇੱਥੇ ਧਰਤੀ 'ਤੇ ਇਕ ਭੌਤਿਕ ਮੌਜੂਦਗੀ ਕਿਉਂ ਨਹੀਂ ਹੈ? "ਓਹ, ਵੱਖ-ਵੱਖ ਬੁੱਧ ਹਨ, ਅਤੇ ਇਹ ਉਨ੍ਹਾਂ ਦੀਆਂ ਸਹੁੰਆਂ 'ਤੇ ਨਿਰਭਰ ਕਰਦਾ ਹੈ - ਉਹ ਜਾਂ ਤਾਂ ਇਸ ਸੰਸਾਰ ਵਿੱਚ ਰਹਿਣਗੇ ਜਾਂ ਕਿਸੇ ਹੋਰ ਸੰਸਾਰ ਵਿੱਚ, ਅਤੇ ਜੇ ਉਹ ਚਾਹੁਣ ਤਾਂ ਜੀਵਾਂ ਦੀ ਮਦਦ ਕਰਨ ਲਈ ਆਪਣਾ ਸੁਤੰਤਰ ਕੰਮ ਕਰ ਰਹੇ ਹੋਣਗੇ। ਪਰ ਸਾਨੂੰ ਆਪਣੀ ਦੋਸਤੀ ਦੀ ਅਧਿਆਤਮਿਕ ਸ਼੍ਰੇਣੀ ਵਿੱਚ ਆਜ਼ਾਦੀ ਪਸੰਦ ਹੈ। ਸਾਡੇ ਵੱਖੋ-ਵੱਖਰੇ ਪ੍ਰਣ ਹਨ ਕਿ ਗਿਆਨ ਪ੍ਰਾਪਤ ਕਰਨ ਤੋਂ ਬਾਅਦ, ਅਸੀਂ ਆਪਣੇ ਅਨੁਯਾਈਆਂ, ਵਫ਼ਾਦਾਰ ਜੀਵਾਂ ਨੂੰ ਆਪਣੇ ਸਮੂਹ ਵਿੱਚ ਸਵੀਕਾਰ ਕਰਨਾ ਸ਼ੁਰੂ ਕਰ ਦਿੰਦੇ ਹਾਂ। ਫਿਰ ਅਸੀਂ ਕਿਸੇ ਹੋਰ ਦੁਨੀਆਂ ਵਿੱਚ ਨਹੀਂ ਰਹਿ ਸਕਦੇ। ਕਿਉਂਕਿ ਸਾਡੀ ਅਧਿਆਤਮਿਕ ਪ੍ਰਾਪਤੀ ਸ਼ਕਤੀ ਨੇ ਸਾਡੇ ਲੋਕਾਂ ਲਈ ਸਾਡੀ ਆਪਣੀ ਦੁਨੀਆਂ ਬਣਾਈ ਹੈ, ਇਸ ਲਈ ਸਾਡਾ ਵੀ ਫ਼ਰਜ਼ ਬਣਦਾ ਹੈ ਕਿ ਅਸੀਂ ਉਨ੍ਹਾਂ ਦੀ ਦੇਖਭਾਲ ਕਰੀਏ ਅਤੇ ਉਨ੍ਹਾਂ ਨੂੰ ਸੰਪੂਰਨ ਹੋਣ ਤੱਕ ਅਧਿਆਤਮਿਕ ਤੌਰ 'ਤੇ ਪੋਸ਼ਣ ਦਿੰਦੇ ਰਹੀਏ। ਤਾਂ ਇਹ ਸਾਡੇ ਸੁੱਖਣਾਂ ਦਾ ਕੰਮ ਹੈ - ਜੋ ਵੀ ਸਾਡੇ ਵਿੱਚ ਵਿਸ਼ਵਾਸ ਕਰਦਾ ਹੈ ਅਤੇ ਸਾਡਾ ਪਾਲਣ ਕਰਦਾ ਹੈ, ਉਸਦੀ ਦੇਖਭਾਲ ਕਰਨਾ।

ਜਦੋਂ ਕਿ ਤੁਸੀਂ ਵੱਖਰੇ ਹੋ, ਤੁਸੀਂ ਪੂਰੀ ਤਰ੍ਹਾਂ ਅਵਿਸ਼ਵਾਸ਼ਯੋਗ ਤੌਰ 'ਤੇ ਸ਼ਕਤੀਸ਼ਾਲੀ ਹੋ ਕਿ ਤੁਸੀਂ ਬਹੁਤ ਸਾਰੀਆਂ ਚੀਜ਼ਾਂ ਦਾ ਧਿਆਨ ਰੱਖਦੇ ਹੋ। ਤੁਸੀਂ ਸਿਰਫ਼ ਆਪਣੇ ਲੋਕਾਂ ਦਾ ਹੀ ਧਿਆਨ ਨਹੀਂ ਰੱਖਦੇ, ਪਰ ਜਿਸ ਕਿਸੇ ਦਾ ਵੀ ਸਚਮੁਚ ਕਿਸੇ ਕਿਸਮ ਦਾ ਤੁਹਾਡੇ ਨਾਲ ਕੋਈ ਸਬੰਧ ਹੈ। ਭਾਵੇਂ ਉਹਨਾਂ ਨੂੰ ਇਸ ਬਾਰੇ ਪਤਾ ਵੀ ਨਹੀਂ, ਤੁਸੀਂ ਉਹਨਾਂ ਨੂੰ ਆਜ਼ਾਦ ਕਰਨ, ਉਹਨਾਂ ਨੂੰ ਉੱਪਰ ਚੁੱਕਣ ਅਤੇ ਇਥੋਂ ਤਕ ਨਰਕ ਤੋਂ ਬਚਾਉਣ ਵਿੱਚ ਵੀ ਮਦਦ ਕਰੋਂਗੇ। ਅਤੇ ਉਹ ਲੋਕ ਵੀ ਜੋ ਤੁਹਾਡੇ 'ਤੇ ਕਿਸੇ ਵੀ ਰੂਪ ਵਿੱਚ ਨਕਾਰਾਤਮਕ ਹਮਲਾ ਕਰਦੇ ਹਨ, ਤੁਸੀਂ ਉਨ੍ਹਾਂ ਨੂੰ ਮਾਫ਼ ਵੀ ਕਰੋਗੇ ਅਤੇ ਜੇਕਰ ਉਹ ਅਜੇ ਵੀ ਬਚਾਏ ਜਾ ਸਕਦੇ ਹਨ ਤਾਂ ਉਨ੍ਹਾਂ ਨੂੰ ਉੱਚਾ ਚੁੱਕੋਗੇ। ਕੁਝ ਮਾਮਲਿਆਂ ਵਿੱਚ, ਜੇਕਰ ਉਹ ਬਹੁਤ ਜ਼ਿਆਦਾ ਭਾਰੀ ਹਨ, ਬਹੁਤ ਜ਼ਿਆਦਾ ਭਾਰੀ ਹਨ, ਤਾਂ, ਬੇਸ਼ੱਕ, ਸਵਰਗ ਉਨ੍ਹਾਂ ਨੂੰ ਉਨ੍ਹਾਂ ਦੇ ਨਰਕ ਤੋਂ ਬਾਹਰ ਨਹੀਂ ਜਾਣ ਦੇਵੇਗਾ। ਅਤੇ ਉਨ੍ਹਾਂ ਨੂੰ ਹਮੇਸ਼ਾ ਲਈ ਉੱਥੇ ਰਹਿਣਾ ਪਵੇਗਾ। ਇਹ ਸੱਚਮੁੱਚ ਬਹੁਤ, ਬਹੁਤ ਜ਼ਿਆਦਾ ਦੁੱਖ ਹੈ, ਕਲਪਨਾ ਤੋਂ ਪਰੇ, ਹਮਦਰਦੀ ਤੋਂ ਪਰੇ, ਤਰਸ ਤੋਂ ਪਰੇ, ਸਹਿਣਸ਼ੀਲਤਾ ਤੋਂ ਪਰੇ ਦੁੱਖ ਹੈ।"

ਓਹ ਹਾਂਜੀ, ਸ਼੍ਰੀਮਾਨ ਜੀ, ਹਾਂਜੀ, ਸ਼੍ਰੀਮਾਨ ਜੀ, ਮੈਂ ਇਹ ਸਭ ਜਾਣਦੀ ਹਾਂ - ਕਿ ਪ੍ਰਮਾਤਮਾ ਨੇ ਮੈਨੂੰ ਇੰਨੀ ਸ਼ਕਤੀ ਅਤੇ ਇੰਨੀ ਡਿਊਟੀ ਸੌਂਪੀ ਹੈ, ਅਤੇ ਫਿਰ ਮੈਨੂੰ ਇਹ ਸਭ ਪੂਰਾ ਕਰਨਾ ਪਵੇਗਾ। ਸਿਰਫ਼ ਪ੍ਰਮਾਤਮਾ ਦੀ ਸ਼ਕਤੀ, ਪਰਮ ਸ਼ਕਤੀ, ਮੇਰੇ ਵਰਗੇ ਕਿਸੇ ਵੀ ਨਿਮਾਣੇ ਜੀਵ ਨੂੰ ਇੰਨਾ ਕੰਮ ਕਰਨ ਅਤੇ ਇੰਨੇ ਸਾਰੇ ਨਤੀਜੇ ਭੁਗਤਣ ਲਈ ਮਜਬੂਰ ਕਰ ਸਕਦੀ ਹੈ। ਪਰ ਮੈਂ ਅਜੇ ਵੀ ਤਿਆਰ ਹਾਂ, ਸ਼੍ਰੀਮਾਨ ਜੀ, ਮੈਂ ਤਿਆਰ ਹਾਂ। ਮੈਂ ਮਦਦ ਕਰਨ ਲਈ ਤਿਆਰ ਹਾਂ ਕਿਉਂਕਿ ਮੈਂ ਜੋ ਵੀ ਦੁੱਖ ਝੱਲ ਰਹੀ ਹਾਂ, ਉਹ ਇਸ ਸਦੀਵੀ ਨਰਕ ਦੇ ਮੁਕਾਬਲੇ ਕੁਝ ਵੀ ਨਹੀਂ ਹੈ ਜਿਸਦਾ ਤੁਸੀਂ ਹੁਣੇ ਜ਼ਿਕਰ ਕੀਤਾ ਹੈ, ਜਿਸ ਤੋਂ ਕੋਈ ਵੀ ਕਦੇ ਨਹੀਂ ਬਚ ਸਕਦਾ। ਮੇਰਾ ਦਿਲ ਹਰ ਵਾਰ ਦੁਖੀ ਹੁੰਦਾ ਹੈ ਜਦੋਂ ਵੀ ਮੈਂ ਇਸ ਬਾਰੇ ਸੋਚਦੀ ਹਾਂ, ਜਦੋਂ ਮੈਂ ਉਨ੍ਹਾਂ ਲੋਕਾਂ ਬਾਰੇ ਸੋਚਦੀ ਹਾਂ ਜਿਨ੍ਹਾਂ ਨੂੰ ਨਰਕ ਵਿੱਚ ਇੰਨੀ ਦਰਦਨਾਕ, ਦੁਖਦਾਈ ਜ਼ਿੰਦਗੀ ਸਹਿਣੀ ਪੈਂਦੀ ਹੈ, ਫਿਰ ਮੈਂ ਹਰ ਸਮੇਂ ਜੇ ਹੋ ਸਕੇ ਤਾਂ ਸਖ਼ਤ ਮਿਹਨਤ ਕਰਦੀ ਹਾਂ, ਕਿਉਂਕਿ ਮੈਂ ਉਨ੍ਹਾਂ ਦੇ ਦੁੱਖ ਨੂੰ ਸਹਿ ਨਹੀਂ ਸਕਦੀ। ਖੈਰ, ਵੈਸੇ ਵੀ, ਸ਼੍ਰੀਮਾਨ ਜੀ, ਸਾਨੂੰ ਇਸ ਸਾਰੀ ਜਾਣਕਾਰੀ ਨਾਲ ਜਾਣੂ ਕਰਵਾਉਣ ਲਈ ਤੁਹਾਡਾ ਧੰਨਵਾਦ। ਉਮੀਦ ਹੈ, ਦੁਨੀਆ ਦੇ ਲੋਕ ਤੁਹਾਡੀ ਗੱਲ ਸੁਣਨਗੇ ਅਤੇ ਸਮਝਣਗੇ ਅਤੇ ਉਸ ਅਨੁਸਾਰ ਕੰਮ ਕਰਨਗੇ।

Photo Caption: “ਆਜ਼ਾਦ ਮਹਿਸੂਸ ਕਰਦੇ ਅਤੇ ਖਿੜਨ ਲਈ ਤਿਆਰ, ਪ੍ਰਮਾਤਮਾ ਲਈ ਖੁਸ਼ੀ ਅਤੇ ਪਿਆਰ ਨਾਲ”

ਫੋਟੋ ਡਾਊਨਲੋਡ ਕਰੋ