ਦੋਸਤੀ ਦੀ ਦੁਨੀਆ ਦੇ ਮਹਾਰਾਜ, ਰਾਜਾ ਪੂ, ਤਿੰਨ ਹਿਸਿਆਂ ਦਾ ਪਹਿਲਾ ਭਾਗ

ਅੱਜ 8 ਅਗਸਤ, 2026 ਹੈ। ਮੈਂ ਅਜੇ ਵੀ ਆਪਣੇ ਮੈਡੀਟੇਸ਼ਨ ਤੰਬੂ ਵਿੱਚ ਹਾਂ। ਅਤੇ ਤ੍ਰਿਏਕ ਨੇ ਮੈਨੂੰ ਕਿਹਾ, "ਕੀ ਤੁਸੀਂ ਕਿਰਪਾ ਕਰਕੇ ਸ਼ਾਂਤੀ ਦੇ ਰਾਜੇ ਨਾਲ ਗੱਲ ਕਰੋਗੇ?" ਬਹੁਤੀ ਉਮੀਦ ਨਾ ਕਰਦੇ ਹੋਏ, ਮੈਂ ਕਿਹਾ, "ਬਿਲਕੁਲ, ਮਹਾਰਾਜ, ਸ਼ਾਂਤੀ ਦੇ ਰਾਜਾ, ਮੈਂ ਅੱਜ ਕੀ ਕਰ ਸਕਦੀ ਹਾਂ?" ਤਾਂ ਸ਼ਾਂਤੀ ਦੇ ਰਾਜੇ ਨੇ ਮੈਨੂੰ ਕਿਹਾ, "ਕਿਰਪਾ ਕਰਕੇ, ਕੀ ਤੁਸੀਂ ਦੋਸਤੀ ਦੇ ਰਾਜਾ ਨਾਲ ਗੱਲ ਕਰ ਸਕਦੇ ਹੋ?" "ਓਹ!" ਮੇਰਾ ਦਿਲ ਖੁਸ਼ੀ ਨਾਲ ਖਿੜ ਗਿਆ। ਮੈਂ ਕਿਹਾ, "ਬਿਲਕੁਲ। ਕ੍ਰਿਪਾ ਕਰਕੇ, ਕ੍ਰਿਪਾ ਕਰਕੇ, ਕ੍ਰਿਪਾ ਕਰਕੇ ਹੁਣੇ ਇਸਦਾ ਪ੍ਰਬੰਧ ਕਰੋ। ਕ੍ਰਿਪਾ ਕਰਕੇ ਹੁਣੇ ਇਸਦਾ ਪ੍ਰਬੰਧ ਕਰੋ।" ਅਤੇ ਇੱਥੇ ਉਹ ਆਉਂਦਾ ਹੈ, ਦੋਸਤੀ ਦਾ ਰਾਜਾ।

ਨਮਸਕਾਰ, ਮਹਾਰਾਜ। ਦੋਸਤੀ ਦੇ ਰਾਜੇ ਨੇ ਇਹ ਵੀ ਕਿਹਾ, "ਨਮਸਕਾਰ, ਰਾਜਿਆਂ ਦੇ ਰਾਜਿਆਂ ਦੇ ਰਾਜੇ।" ਪਿਆਰੇ ਸ੍ਰੀਮਾਨ ਜੀ, ਮੈਨੂੰ ਸੱਚਮੁੱਚ, ਸੱਚਮੁੱਚ ਅਫ਼ਸੋਸ ਹੈ ਕਿ ਮੈਂ ਤੁਹਾਡੇ ਨਾਲ ਪਹਿਲਾਂ ਗੱਲ ਨਹੀਂ ਕਰ ਸਕੀ, ਹਾਲਾਂਕਿ ਮੇਰਾ ਦਿਲ ਤੁਹਾਨੂੰ ਦੇਖਣ ਅਤੇ ਮਿਲਣ ਲਈ ਤਰਸ ਰਿਹਾ ਸੀ। ਸਾਡੇ ਗ੍ਰਹਿ 'ਤੇ ਆਉਣ ਲਈ ਤੁਹਾਡਾ ਬਹੁਤ ਧੰਨਵਾਦ। ਕੀ ਤੁਸੀਂ ਸਰੀਰਕ ਤੌਰ 'ਤੇ ਵੀ ਸਾਡੀ ਇਸ ਦੁਨੀਆਂ ਵਿੱਚ ਰਹਿ ਰਹੇ ਹੋ? "ਨਹੀਂ, ਨਹੀਂ। ਅਸੀਂ ਬਹੁਤ ਦੂਰ ਤੋਂ ਹਾਂ, ਬਹੁਤ, ਬਹੁਤ ਦੂਰ।" ਕਿੰਨੀ ਦੂਰ ਹੈ, ਸ੍ਰੀਮਾਨ ਜੀ? “ਇਹ ਇੱਥੋਂ 5,003,006,000,462 ਪ੍ਰਕਾਸ਼ ਸਾਲ ਦੂਰ ਹੈ।" ਓਹ, ਵਾਹ! ਹੇ ਰੱਬਾ! ਮੈਨੂੰ ਲੱਗਦਾ ਹੈ ਕਿ ਸਾਡੇ ਗ੍ਰਹਿ ਦੇ ਲੋਕਾਂ ਵਿੱਚੋਂ ਕੋਈ ਵੀ ਕਲਪਨਾ ਨਹੀਂ ਕਰ ਸਕਦਾ ਕਿ ਇਹ ਕਿੰਨੀ ਦੂਰ ਹੋ ਸਕਦਾ ਹੈ। ਅਤੇ ਤੁਹਾਨੂੰ ਇੱਥੇ ਪਹੁੰਚਣ ਵਿੱਚ ਇਕ ਬਹੁਤ ਸਮਾਂ ਲੱਗਿਆ ਹੋਵੇਗਾ, ਸ੍ਰੀਮਾਨ ਜੀ?

"ਓਹ, ਹਾਂਜੀ। ਪਰ ਸਾਡੇ ਲਈ, ਸਾਨੂੰ ਨਹੀਂ ਲੱਗਦਾ ਕਿ ਬਹੁਤੀ ਦੂਰੀ ਅਤੇ ਸਮਾਂ ਹੈ। ਸਾਨੂੰ ਬਿਲਕੁਲ ਘਰ ਵਰਗਾ ਮਹਿਸੂਸ ਹੁੰਦਾ ਹੈ ਕਿਉਂਕਿ ਸਾਡੇ ਕੋਲ ਆਪਣਾ ਸ਼ਾਨਦਾਰ ਵਾਹਨ ਹੈ। ਤੁਸੀਂ ਆਪਣੀ ਦੁਨੀਆਂ ਵਿੱਚ ਇਸਨੂੰ ਇਕ 'ਵਾਹਨ' ਕਹਿੰਦੇ ਹੋ। ਅਤੇ ਇਸ ਲਈ ਅਸੀਂ ਬਹੁਤ ਆਰਾਮਦਾਇਕ ਹਾਂ।" ਵਾਹ! ਕਿੰਨਾ ਅਦਭੁਤ ਦੇਸ਼, ਅਜਿਹਾ ਇਕ ਸੁੰਦਰ ਸੁਪਨਾ। ਤੁਹਾਡਾ ਧੰਨਵਾਦ, ਸ੍ਰੀਮਾਨ ਜੀ, ਆਪਣਾ ਸਮਾਂ ਕੱਢਣ ਅਤੇ ਸਾਨੂੰ ਮਿਲਣ ਆਉਣ ਅਤੇ ਸਾਡੀ ਇਸ ਨਿਮਰ ਦੁਨੀਆਂ ਵਿੱਚ ਸਾਰੇ ਜੀਵਾਂ ਅਤੇ ਧਰਤੀ ਨੂੰ ਆਸ਼ੀਰਵਾਦ ਦੇਣ ਲਈ। ਪ੍ਰਮਾਤਮਾ ਤੁਹਾਨੂੰ ਅਤੇ ਤੁਹਾਡੇ ਲੋਕਾਂ ਨੂੰ ਹਮੇਸ਼ਾ ਉਨਾਂ ਦੀ ਪਿਆਰ-ਭਰੀ, ਆਸ਼ੀਰਵਾਦ ਵਾਲੀ ਕ੍ਰਿਪਾ ਵਿੱਚ ਰੱਖੇ। ਆਮੇਨ, ਸ੍ਰੀਮਾਨ ਜੀ। ਹਾਂਜੀ, ਇੱਥੇ ਆਉਣ ਲਈ ਆਪਣਾ ਕੀਮਤੀ ਸਮਾਂ ਕੱਢਣ ਲਈ ਤੁਹਾਡਾ ਧੰਨਵਾਦ।

ਤੁਹਾਡੀ ਆਬਾਦੀ, ਮੇਰਾ ਮਤਲਬ ਹੈ ਤੁਹਾਡੇ ਪੈਰੋਕਾਰ ਅਤੇ ਅਨੁਯਾਈ, ਨਾਗਰਿਕ, ਜਿਨ੍ਹਾਂ ਵਿੱਚੋਂ ਕੁਝ ਉੱਚ ਪੱਧਰੀ ਅਧਿਆਤਮਿਕ ਪ੍ਰਾਪਤੀ ਵਿੱਚ ਹਨ, ਤੁਹਾਡੇ ਨਾਲ ਆਏ ਹਨ। ਇੱਥੇ ਮੌਜੂਦ ਤੁਹਾਡੇ ਸਾਰਿਆਂ ਦਾ ਵੀ ਧੰਨਵਾਦ। ਅਤੇ ਉਨ੍ਹਾਂ ਵਿੱਚੋਂ ਕਿੰਨੇ ਅਜੇ ਵੀ ਹਨ, ਮੇਰਾ ਮਤਲਬ ਹੈ, ਤੁਹਾਡੇ ਗ੍ਰਹਿ ਵਿੱਚ, ਤੁਹਾਡੇ ਅਧਿਆਤਮਿਕ ਮਹਿਮਾ ਦੇ ਪੱਧਰ ਵਿੱਚ? ਕੀ ਤੁਸੀਂ ਸਾਨੂੰ ਦੱਸ ਸਕਦੇ ਹੋ? "ਓਹ, ਬਿਲਕੁਲ, ਬਿਲਕੁਲ। ਅਸੀਂ ਇੱਥੇ ਤੁਹਾਡੀ ਦੁਨੀਆਂ ਵਾਂਗ ਆਬਾਦੀ ਵਾਲੇ ਨਹੀਂ ਹਾਂ। ਸਾਡੀ ਦੁਨੀਆ ਵਿੱਚ ਕੁੱਲ 8,420,552 ਵਿਅਕਤੀ ਹਨ। ਉਹ ਸਾਰੇ ਤੁਹਾਨੂੰ ਅਤੇ ਤੁਹਾਡੇ ਲੋਕਾਂ ਨੂੰ, ਤੁਹਾਡੇ ਜੀਵਾਂ ਨੂੰ, ਤੁਹਾਡੇ ਗ੍ਰਹਿ 'ਤੇ ਹਰ ਕਿਸਮ ਦੇ ਨਾਗਰਿਕਾਂ ਨੂੰ ਸ਼ੁਭਕਾਮਨਾਵਾਂ ਅਤੇ ਪਿਆਰ-ਭਰੀਆਂ ਸ਼ੁਭਕਾਮਨਾਵਾਂ ਭੇਜਦੇ ਹਨ।" ਓਹ, ਤੁਹਾਡਾ ਧੰਨਵਾਦ, ਤੁਹਾਡਾ ਧੰਨਵਾਦ, ਸ੍ਰੀਮਾਨ ਜੀ, ਤੁਹਾਡਾ ਬਹੁਤ ਧੰਨਵਾਦ। ਤੁਹਾਡੇ ਸਾਰੇ ਨਾਗਰਿਕ ਪ੍ਰਮਾਤਮਾ ਦੀ ਕਿਰਪਾ ਨਾਲ ਸਦਾ ਲਈ ਖੁਸ਼ ਰਹਿਣ। ਆਮੇਨ। ਅਸੀਂ ਤੁਹਾਡੇ ਲੋਕਾਂ ਨੂੰ ਵੀ ਬੇਅੰਤ ਸ਼ੁਭਕਾਮਨਾਵਾਂ ਭੇਜਦੇ ਹਾਂ।

ਕੀ ਤੁਸੀਂ ਕਿਰਪਾ ਕਰਕੇ ਸਾਨੂੰ ਦੱਸ ਸਕਦੇ ਹੋ ਕਿ ਸਾਨੂੰ ਇੱਥੇ ਤੁਹਾਡਾਸਵਾਗਤ ਕਰਨ ਦਾ ਸਨਮਾਨ ਕਿਵੇਂ ਮਿਲਿਆ? ਬੇਸ਼ੱਕ, ਅਸੀਂ ਤੁਹਾਡਾ ਸਵਾਗਤ ਕਰਕੇ ਬਹੁਤ ਖੁਸ਼ ਹਾਂ। ਇਹੀ ਹੈ ਕਿ ਬਸ ਸਾਡੀ ਦੁਨੀਆ ਇਸ ਸਮੇਂ ਇੱਕ ਤਰ੍ਹਾਂ ਦੀ ਉਥਲ-ਪੁਥਲ ਵਿੱਚ ਹੈ। ਤੁਸੀਂ ਇਹ ਜਾਣਦੇ ਹੋ। ਅਸੀਂ ਇਸਦਾ ਜ਼ਿਕਰ ਨਹੀਂ ਕਰਨਾ ਚਾਹੁੰਦੇ। ਇਹ ਸਾਡੀ ਮੁਲਾਕਾਤ ਵਿੱਚ ਕੋਈ ਖੁਸ਼ੀ ਨਹੀਂ ਵਧਾਏਗਾ। ਸ੍ਰੀਮਾਨ ਜੀ, ਤੁਸੀਂ ਸਾਡੀ ਦੁਨੀਆਂ ਵਿੱਚ ਕਿੰਨਾ ਚਿਰ ਰਹਿ ਸਕਦੇ ਹੋ? "ਲਗਭਗ ਦਸ ਦਿਨ ਹੋਰ।" ਵਾਹ, ਮੇਰੇ ਪ੍ਰਮਾਤਮਾ, ਇਹ ਬਹੁਤ ਵਧੀਆ ਹੈ, ਬਹੁਤ ਵਧੀਆ। ਸਾਡੀ ਨਿਮਰ ਦੁਨੀਆਂ ਵਿੱਚ, ਅਸੀਂ ਤੁਹਾਨੂੰ ਪ੍ਰਾਪਤ ਕਰਕੇ ਬਹੁਤ ਧੰਨ, ਬਹੁਤ ਵਿਸ਼ੇਸ਼ ਅਧਿਕਾਰ ਪ੍ਰਾਪਤ, ਬਹੁਤ ਖੁਸ਼ਕਿਸਮਤ ਮਹਿਸੂਸ ਕਰਦੇ ਹਾਂ। "ਓਹ, ਨਹੀਂ, ਨਹੀਂ, ਕਿਰਪਾ ਕਰਕੇ ਇਸਦਾ ਜ਼ਿਕਰ ਨਾ ਕਰੋ।" ਸਾਨੂੰ ਇੱਥੇ ਆਉਣਾ ਬਹੁਤ ਪਸੰਦ ਹੈ।"

ਓਹ, ਮੈਨੂੰ ਬਹੁਤ ਅਫ਼ਸੋਸ ਹੈ, ਸ੍ਰੀਮਾਨ ਜੀ, ਕਿ ਤੁਹਾਨੂੰ ਇਕ ਇੰਨੇ ਲੰਮੇ ਸਮੇਂ ਲਈ ਇੰਤਜ਼ਾਰ ਕਰਨਾ ਪਿਆ। "ਆਹ, ਚਿੰਤਾ ਨਾ ਕਰੋ, ਚਿੰਤਾ ਨਾ ਕਰੋ, ਚਿੰਤਾ ਨਾ ਕਰੋ।" ਸਾਡੇ ਕੋਲ ਤੁਹਾਡੇ ਗ੍ਰਹਿ ਵਾਂਗ ਸਮੇਂ ਦੀ ਧਾਰਨਾ ਨਹੀਂ ਹੈ। ਹਰ ਦਿਨ ਬਸ ਅੱਜ ਹੈ। ਅਤੇ ਸਾਡੇ ਕੋਲ ਸਪੇਸ ਦਾ ਕੋਈ ਸੰਕਲਪ ਵੀ ਨਹੀਂ ਹੈ। ਇਸ ਲਈ, ਅਸੀਂ ਆਪਣੀ ਦੁਨੀਆਂ ਵਿੱਚ ਉਸੇ ਸਮੇਂ ਹਾਂ ਜਦੋਂ ਅਸੀਂ ਤੁਹਾਡੀ ਦੁਨੀਆਂ ਵਿੱਚ ਹਾਂ। ਸਾਨੂੰ ਦੋਵਾਂ ਸੰਸਾਰਾਂ ਵਿਚਕਾਰ ਇਸ ਤਰ੍ਹਾਂ ਅਨੁਕੂਲ ਹੋਣਾ ਪਵੇਗਾ ਤਾਂ ਜੋ ਸਾਨੂੰ ਕੋਈ ਦੂਰੀ ਜਾਂ ਸਮਾਂ ਬੀਤਦਾ ਮਹਿਸੂਸ ਨਾ ਹੋਵੇ। ਕਿਰਪਾ ਕਰਕੇ ਚਿੰਤਾ ਨਾ ਕਰੋ। ਫਿਰ ਵੀ, ਅਸੀਂ ਤੁਹਾਡੇ ਗ੍ਰਹਿ ਦੇ ਆਲੇ-ਦੁਆਲੇ ਉੱਡ ਵੀ ਸਕਦੇ ਹਾਂ ਅਤੇ ਅਸੀਂ ਤੁਹਾਡੀ ਦੁਨੀਆ ਨੂੰ ਆਪਣੀ ਯਾਦ ਵਿੱਚ ਵੀ ਲੈ ਸਕਦੇ ਹਾਂ ਤਾਂ ਜੋ ਸਾਡੇ ਨਾਗਰਿਕ, ਜਿਨ੍ਹਾਂ ਨੇ ਇਹ ਦੋ ਸੰਸਾਰ-ਵਿੱਚ-ਇੱਕ ਪ੍ਰਾਪਤ ਨਹੀਂ ਕੀਤਾ ਹੈ, ਉਹ ਵੀ ਉਹ ਦੇਖ ਸਕਣ ਜੋ ਅਸੀਂ ਦੇਖਦੇ ਹਾਂ। ਸਾਡੇ ਜ਼ਿਆਦਾਤਰ ਲੋਕ ਸਾਡੀ ਦੁਨੀਆ ਤੋਂ ਦੇਖ ਸਕਦੇ ਹਨ ਕਿ ਤੁਹਾਡੀ ਦੁਨੀਆ ਇੱਥੇ ਕਿਵੇਂ ਦਿਖਾਈ ਦਿੰਦੀ ਹੈ। ਪਰ ਕੁਝ ਅਜੇ ਵੀ ਇਸਨੂੰ ਨਹੀਂ ਦੇਖ ਸਕਦੇ, ਇਸ ਲਈ ਸਾਨੂੰ ਇੱਕ ਕਿਸਮ ਦੀ, ਤੁਹਾਡੀ ਭਾਸ਼ਾ ਵਿੱਚ, ਇਸਨੂੰ ਇਕ 'ਵਰਚੁਅਲ ਜਾਣ-ਪਛਾਣ' ਕਹਿਣਾ ਪਵੇਗਾ, ਤਾਂ ਜੋ ਸਾਡੇ ਲੋਕ ਤੁਹਾਨੂੰ ਵੀ ਦੇਖ ਸਕਣ ਅਤੇ ਤੁਹਾਡੀ ਦੁਨੀਆ ਨੂੰ ਵੀ ਦੇਖ ਸਕਣ।"

ਵਾਹ, ਵਾਹ, ਵਾਹ! ਮੈਂ ਚਾਹੁੰਦੀ ਹਾਂ ਕਿ ਸਾਡੀ ਦੁਨੀਆਂ ਦੇ ਲੋਕਾਂ ਵਿੱਚ ਵੀ ਉਹੀ ਸਮਰੱਥਾ ਹੋਵੇ ਜੋ ਤੁਹਾਡੀ ਦੁਨੀਆਂ ਦੇ ਲੋਕਾਂ ਵਿੱਚ ਹੈ। ਇਹ ਬਹੁਤ ਵਧੀਆ ਹੋਵੇਗਾ। ਇਹ ਉਨ੍ਹਾਂ ਲਈ ਇੱਕ ਵੱਡਾ ਚਮਤਕਾਰ ਹੋਵੇਗਾ। ਅਤੇ ਮੈਨੂੰ ਹੋਰ ਵੀ ਮਹਿਸੂਸ ਹੁੰਦਾ ਹੈ... ਮੈਨੂੰ ਹੁਣ ਜ਼ਿਆਦਾ ਆਰਾਮ ਮਿਲਦਾ ਹੈ, ਇਹ ਜਾਣਦੇ ਹੋਏ ਕਿ ਤੁਹਾਨੂੰ ਆਪਣੀ ਅਖੌਤੀ ਗਡੀ ਵਿਚ ਕਿਤੇ ਬੈਠ ਕੇ ਮੇਰਾ ਇੰਤਜ਼ਾਰ ਨਹੀਂ ਕਰਨਾ ਪਿਆ ਸੀ। ਤੁਹਾਡਾ ਬਹੁਤ ਬਹੁਤ ਧੰਨਵਾਦ। ਮੈਨੂੰ ਦੋਸ਼ ਤੋਂ ਮੁਕਤ ਮਹਿਸੂਸ ਕਰਵਾਉਣ ਲਈ ਤੁਹਾਡਾ ਬਹੁਤ ਧੰਨਵਾਦ।

ਤੁਹਾਡੇ ਅਧਿਆਤਮਿਕ ਖੇਤਰ ਦਾ ਸਿਰਲੇਖ ਕੀ ਹੈ? ਜਿਵੇਂ ਅਸੀਂ ਜਾਣਦੇ ਹਾਂ ਕਿ ਤੁਹਾਡੀ ਦੁਨੀਆ ਨੂੰ "ਦੋਸਤੀ" ਕਿਹਾ ਜਾਂਦਾ ਹੈ, ਅਤੇ ਤੁਸੀਂ ਦੋਸਤੀ ਦੀ ਦੁਨੀਆ ਦੇ ਰਾਜੇ ਹੋ। ਪਰ ਤੁਹਾਡੀ ਭਾਸ਼ਾ ਵਿੱਚ "ਦੋਸਤੀ" ਦਾ ਕੀ ਨਾਮ ਹੈ? ਤੁਹਾਡੀ ਵੀ ਇੱਕ ਖਾਸ ਭਾਸ਼ਾ ਹੈ, ਹੈ ਨਾ? "ਓਹ, ਹਾਂਜੀ, ਓਹ, ਹਾਂਜੀ, ਸਾਡੇ ਕੋਲ ਹੈ। ਅਤੇ ਸਾਡੀ ਦੁਨੀਆਂ ਵਿੱਚ, ਦੋਸਤੀ ਦਾ ਅਨੁਵਾਦ ਤੁਹਾਡੀ ਅੰਗਰੇਜ਼ੀ ਵਿੱਚ ਕੀਤਾ ਗਿਆ, ਸ਼ਬਦ ਹੈ: D-E, ਦੇ। ਸਾਡੀ ਦੁਨੀਆ ਨੂੰ 'ਦੇ' - 'ਦੋਸਤੀ' ਕਿਹਾ ਜਾਂਦਾ ਹੈ। ਸਾਡੀ ਭਾਸ਼ਾ ਵਿੱਚ ਸਾਡੀ ਦੁਨੀਆਂ ਨੂੰ 'ਦੇ' ਕਿਹਾ ਜਾਂਦਾ ਹੈ। ਇਸ ਲਈ ਸਾਡੀ ਦੁਨੀਆ 'ਦੇ ਵਰਲਡ' ਹੈ - 'ਦੋਸਤੀ ਦੀ ਦੁਨੀਆ।'" ਅਤੇ ਮਹਾਰਾਜ ਦਾ ਨਾਮ ਕੀ ਹੈ? "ਆਹ, ਮੇਰਾ ਨਿਮਰ ਨਾਮ ਪੂ ਹੈ, ਪੀ-ਯੂ। ਇਸਦਾ ਅਰਥ ਹੈ "ਦੋਸਤ"। ਮੈਂ ਇੱਕ ਦੋਸਤ ਹਾਂ, ਤੁਹਾਡਾ ਦੋਸਤ ਹਾਂ, ਅਤੇ ਸਾਰਿਆਂ ਦਾ ਇਕ ਦੋਸਤ ਹਾਂ। ਪ੍ਰਮਾਤਮਾ ਦੇ ਨਾਮ ਵਿੱਚ, ਪ੍ਰਮਾਤਮਾ ਦੀ ਕਿਰਪਾ ਵਿੱਚ, ਪ੍ਰਮਾਤਮਾ ਦੀ ਸਾਰੀ ਰਚਨਾ ਵਿੱਚ।"

ਖੈਰ, ਸਾਨੂੰ ਇਹ ਸਭ ਦੱਸਣ ਲਈ ਤੁਹਾਡਾ ਧੰਨਵਾਦ। ਇਹ ਸਾਡੇ ਸਾਰਿਆਂ ਲਈ ਇੱਕ ਸ਼ਾਨਦਾਰ ਨਵੀਂ ਜਾਣਕਾਰੀ ਹੈ। ਇਸ ਨਿਮਰ ਸੰਸਾਰ ਦੇ ਸਾਰੇ ਜੀਵਾਂ ਦੇ ਨਾਮ ਤੇ, ਅਸੀਂ ਤੁਹਾਡਾ ਧੰਨਵਾਦ ਕਰਦੇ ਹਾਂ ਕਿ ਤੁਸੀਂ ਸਾਨੂੰ ਦੁਬਾਰਾ ਮਿਲਣ ਆਏ, ਸਾਡੀ ਦੁਨੀਆ ਨੂੰ ਅਸੀਸ ਦਿੱਤੀ, ਅਤੇ ਸਾਡੀ ਦੁਨੀਆ ਵਿੱਚ ਕਿਸੇ ਕਿਸਮ ਦੀ ਬਦਕਿਸਮਤੀ ਨੂੰ ਘਟਾਉਣ ਵਿੱਚ ਸਾਡੀ ਮਦਦ ਕਰਨ ਲਈ ਖੁਸ਼ੀ-ਭਰੀ ਊਰਜਾ, ਸਕਾਰਾਤਮਕ ਸ਼ਕਤੀ ਲਿਆਏ। ਅਤੇ ਬੇਸ਼ੱਕ, ਤੁਸੀਂ ਪਹਿਲਾਂ ਹੀ ਜਾਣਦੇ ਹੋ ਕਿ ਜਦੋਂ ਤੁਸੀਂ ਪਹਿਲੀ ਵਾਰ ਆਏ ਸੀ ਤਾਂ ਮੈਂ ਤੁਹਾਨੂੰ ਤੁਰੰਤ ਕਿਉਂ ਨਹੀਂ ਦੇਖ ਸਕੀ, ਹਾਲਾਂਕਿ ਮੈਂ ਇਸ ਲਈ ਤਰਸਦੀ ਰਹੀ ਹਾਂ, ਇਹ ਸਾਡੀ ਦੁਨੀਆ ਵਿੱਚ ਚੱਲ-ਰਹੇ ਟਕਰਾਅ ਦੇ ਕਾਰਨ ਹੈ। ਅਤੇ ਮੈਂ ਤੁਹਾਡੇ ਸਬਰ, ਸਹਿਣਸ਼ੀਲਤਾ ਅਤੇ ਅਸ਼ੀਰਵਾਦ ਲਈ ਤਹਿ-ਦਿਲੋਂ ਧੰਨਵਾਦੀ ਹਾਂ। ਫਿਰ ਤੋਂ ਤੁਹਾਡਾ ਧੰਨਵਾਦ, ਸ੍ਰੀਮਾਨ ਜੀ।

"ਓਹ, ਜ਼ਿਕਰ ਨਾ ਕਰੋ, ਕਿਰਪਾ ਕਰਕੇ ਇਸਦਾ ਜ਼ਿਕਰ ਨਾ ਕਰੋ। ਸਾਡੇ ਬ੍ਰਹਿਮੰਡ ਅਤੇ ਹੋਰ ਬਹੁਤ ਸਾਰੇ ਬ੍ਰਹਿਮੰਡਾਂ ਵਿੱਚ, ਅਸੀਂ ਅਕਸਰ ਇੱਕ ਦੂਜੇ ਨੂੰ ਆਸਾਨੀ ਨਾਲ ਮਿਲ ਸਕਦੇ ਹਾਂ, ਜਿਵੇਂ ਕਿ ਅਸੀਂ ਆਪਣੇ ਲਿਵਿੰਗ ਰੂਮ ਵਿੱਚ ਜਾ ਰਹੇ ਹਾਂ। ਇਹ ਸਿਰਫ਼ ਇੰਨਾ ਹੀ ਹੈ ਕਿ ਅਸੀਂ ਜਾਣਦੇ ਹਾਂ ਕਿ ਇਸ ਤਰ੍ਹਾਂ ਦੀ ਪਰੇਸ਼ਾਨੀ-ਭਰੀ ਦੁਨੀਆਂ ਵਿੱਚ, ਅਜਿਹਾ ਇਕ ਮੌਕਾ ਮਿਲਣਾ ਮੁਸ਼ਕਲ ਹੈ, ਜਿਵੇਂ ਕਿ ਇਹਨਾਂ ਕੁਝ ਦਿਨਾਂ ਵਿੱਚ, ਤੁਹਾਡੇ ਸੰਸਾਰ ਦੇ ਸਮੇਂ ਵਿੱਚ।" ਖੈਰ, ਤੁਹਾਡਾ ਧੰਨਵਾਦ, ਸ੍ਰੀਮਾਨ ਜੀ, ਤੁਹਾਡਾ ਬਹੁਤ ਧੰਨਵਾਦ।

Photo Caption: "ਪ੍ਰਮਾਤਮਾ ਦੇ ਪਿਆਰ ਦਾ ਇਕ ਰੀਸੈਪਟਰ ਬਣੋ"

ਫੋਟੋ ਡਾਊਨਲੋਡ ਕਰੋ