Дэлгэрэнгүй
Татаж авах Docx
Дэлгэрэнгүй уншаарай
Илүү чармайлт, чинь сэтгэл гаргасны дараа Эзэн Бурхан биднийг Инээд Баяслын оронд хүргэх болно. Тэнд хөгжил наргиан дүүрэн, бидэнд юм бүхэн баясгалантай санагдана.Үнэндээ, тайвшрах цэгт хүрэхийн тулд л бид шаргуу бясалгадаг. Тиймээс бид өөрсдөө хэн байсан ч, юмтай ч, юмгүй ч аливаа нөхцөл байдалд баясаж чаддаг. Ингэж бид өөрсдийн зүрх сэтгэлээ нээж, бүхнийг ойлгон тэвчиж, улмаар бүхий л төрөлтөнд байх Бурхан Чанарыг мэдэрч чадах юм. Иймд бид хэнийг ч дорд үзэхгүй. Магадгүй бид хүмүүсийн дадал зуршлууд, эсвэл хураасан муу араншинг нь олиггүй гэж бодож болох ч, өөрсдийг нь бол дорд үздэггүй. Дадал зуршилд нь дургүй байлаа ч хүнийг нь хэзээд хайрлаж байдаг.Зарим бясалгагчдын толгойд нь юу ч тээглээгүй байдгаас тэд маш сэтгэл хангалуун, цовоо, энгийн байдаг. Тэд илүү ухаалаг байдаг бөгөөд ямар ч хаалт дарамт шахалтыг мэдэрдэггүй. Тийм ч учраас тэдэнд их унтахын хэрэг байхгүй , маш амгалан тайван, их эрч хүчтэй л байгаад байдаг. Үнэхээр ийм байдаг. Хэрэв та нар санаж байгаа бол бид баяр хөөртэй байхдаа ямар ч шалтгаанаар хамаагүй найз нөхөд, эхнэр, нөхөр хүүхдийнхээ хэнтэй ч байсан ялгаагүй бүхэл шөнийг жаргалтайгаар ярьж өнгөрүүлдэг. Дөнгөж нэг, хоёр цаг унтлаа ч эрч хүчээр дүүрэн байгаагаа мэдэрч байдаг. Харин гэтэл гунигтай үедээ, эсвэл буруу юм хийчихсэн мэт санагдах, эсвэл үйл түйтгэр гарч ирэх үед хэчнээн унтсан ч маш их ядарч байгаа мэдэрдэг. Тийм учраас л өнөө өглөө Би та нарт тайвшир, тайвшир, тайван бай гэж хэлсэн юм. Гэр бүлээ хайрла, тэднийг үнэн сэтгэлээсээ хайрла. Тэгвэл тэд бас таныг хайрлах болно. Энэ хайрын ачаар бид цовоо сэргэлэн аз жаргалтай байх болно. Гадны хүнийг ойлгож, бусдыг хайрлах нь бидний хувьд амар байх болно. Гэртээ хариад оролдоод үзээрэй. Энэ бол аз жаргалд хүрэх зам мөн.Олонх хүмүүс тайван, амар жимэр гэр бүлийнхээ ачаар ажил төрөлдөө амжилт гаргасан байдаг. Тэдний гэр бүлийн гишүүд бие биедээ илүү хайр халамжтай байдаг. Тэд илүү эвтэй хамтач бөгөөд төвөггүй зантай. Эхнэр нөхөр хоёул эв найртай уур амьсгалыг бий болгодгоос галын нөлөөнд амар автдаггүй. Тэд бас сэтгэлээр ч амархан унадаггүй. Аз жаргалтай хүмүүс бусдын алдаа дутагдлыг тэгтлээ их хайхрахгүй. Санаа зовж. сэтгэл түгших ч үгүй. Бид гэр бүлийн болон ойр дотнын хүмүүсийнхээ хайраас татгалзвал юу ч хийсэн амжилт олохгүй. Тэгээд өөрийгөө тэсвэрлэж чадахгүй өрөвдөлтэй байдалд орж, мөн бусдыг ч тэвчиж чадахгүй. Нийгмийн эмх замбараагүй байдал түгшүүр нь айл гэрийн үл зохицлоос үүсдэг. Энэ нь бие биеэ хүндлэн хүлээн зөвшөөрч, сэтгэлээ хуваалцан өөрийгөө зориулахад бэлэн тийм сайн анд нөхрөөр бид дутагдсанаас тэр. Биднийг жинхэнээсээ сайтар ойлгож, насан туршид маань анд байж чадах хүн байхгүйгээс тэр. Ойлгож байна уу? Тиймээс гэр орноо битгий там болгон хувиргачхаарай гэж би та нарт хэлдэг. Бид тэнд амьдарч байгаа учраас гэртээ санаа тавьж, гэрээ цэгцэлж, засч сэлбэж, сайхан болгож Диваажин болгон хувиргах хэрэгтэй.Энэ нь бид бусдыг энэрэх эсвэл ахан дүүсийн хайраар хайралдаг хайраас гадуур зүйл биш юм. Амьдралаа жаргалтай, тав тухтай болгохын үүднээс бусдыг хайрлаж байгаа юм. Өрөөл бусдад хайраа хэдий чинээ зориулна, тэд биднийг төдий чинээ хайрлах болно. Хэрэв хүн бүр бие биеэ хайрладаг болбол ямар амгалан тухтай байх бол!
