Дэлгэрэнгүй
Татаж авах Docx
Дэлгэрэнгүй уншаарай
Гучин гурван жилийн өмнө, 1993 оны 10-р сарын 25-нд АНУ-ын Хавай мужийн Хонолулу хот, дүүргийн тухайн үеийн захирагч Фрэнк Ф. Фаси Төгс Гэгээрсэн Их Багш Чин Хайн энэхүү өдрийг анх бий болгосон юм.Бид үүнийг байнга хийгээд байдаггүй, гэхдээ энэ Дэлхий дээр амьдарч буй маш олон хүний амьдралд үр нөлөө үзүүлсэн төдийгүй арьсны өнгө, нүдний хэлбэр, эсвэл шашин, улс төрийн итгэл үнэмшлээс үл хамааран бүхий л төрлийн хүмүүсийн төлөө маш их зүйл хийж, тусалж дэмжсэн байдаг дэлхийн нэр хүндтэй, эрхэм хүндэт иргэд Хонолулу-гаар дайран өнгөрөх үед нь бид тэднийг маш чухал, эрхэм хүмүүс гэдгийг нь мэдрүүлж, өөрийн гэртээ байгаа мэт тав тухтай байлгахыг хүсдэг.Хонолулу хот болон дүүргийн захиргаанаас Хүндэт иргэнээр өргөмжлөх тухай, онцгой сайхан зан чанар, эрхэм нандин ёс суртахуун болон амжилт мөн Алоха сэтгэл буюу хайр энэрэл, хүндлэл, нөхөрсөг харилцаа, бусдад чин сэтгэлээсээ хандах үзлийг нь үнэлэн Төгс Гэгээрсэн Их Багш Чин Хай нь энэхүү өдрөөс эхлэн Хонолулу хот болон Дүүргийн хүндэт иргэн болсныг үүгээр албан ёсоор тунхаглаж байна. Хонолулу хотын бүх иргэдийн зүгээс энэхүү эрхэм хүндэт Хүнийг өндрөөр үнэлж, хүндэтгэж байгааг албан ёсоор илэрхийлж, түүнд холбогдох бүх эрх, давуу эрхийг олгож байна.Их Багш энэ өдрийг бусдад ямар ч болзолгүйгээр хайр энэрлээ түгээдэг хүн бүрд даруухнаар зориулсан билээ.Чин Хайн Өдөр бол зөвхөн миний ч өдөр биш. Энэ өдөр танд зориулагдсан. Энэ бол хүн бүрийн өдөр. Хөршүүддээ, өөрийн тэжээвэр амьтдадаа, хөршийнхөө тэжээвэр амьтдад, мөн зэрлэг байгальд амьдардаг амьтан-хүмүүст ямар нэг сайн сайхан зүйл хийсэн хүн бүрд; бусад ямар ч амьд оршихуйд тусалдаг, тэднийг хүндэтгэж, хайрладаг хүн бүрд, боломжтой үедээ мод, ургамал зэрэг мэдрэх чадваргүй амьд зүйлсийг ч мөн хайрлан хамгаалж, хүндэтгэдэг хүмүүст Чин Хайн Өдөр зориулагдана.Энэхүү хуурмаг бодит байдалд энэ дэлхийн олон хүн бие махбодын таашаалд автан, ертөнцийн хэргээр хөөцөлдөж, бусдаас илүү гарахыг хичээн, эсвэл зүгээр л амь зуухын төлөө тэмцэж байхад Төгс Гэгээрсэн Их Багш Чин Хайн Сургаал бүх төөрөгдөл, харанхуйг сарниулах Тэнгэрлэг нарны хүчирхэг туяа мэт байдаг. Дэлхий дахины Сүнслэг Удирдагчийн хувьд Төгс Гэгээрсэн Их Багш Чин Хай нь боломжтой бүх үедээ дэлхийг сүнслэг болон материаллаг талаас нь дээшлүүлж, хөгжил дэвшилд хүргэхийн төлөө Өөрийн амьдралаа зориулсан юм. Тэрээр хүний амьдралын жинхэнэ зорилгыг хүмүүст сануулдаг.Хүний амьдралын зорилго“Бид дэлхийг адислахаар, мөн өөрсдийн агууг танихаар энд ирсэн. Бид өөрсдийнхөө агууг таних үедээ, сансар огторгуйн бүхий л хүчтэй нэгдмэл болдог. Бидэнтэй учирсан хэн бүхэн тэрхүү сансар огторгуйн хүчээр мөн адислагдаж байдаг. Бидэн шиг улам олон хүн сүнслэг бясалгал хийж, өөрсдийн сүнслэг буян болоод билиг ухаанаараа дэлхийг чимээгүйхэн адисалж байхын хэрээр Дэлхий улам хөгжин дэвших болно. Энэ бол бидний зорилго. Үгүй бол, өөр юу гэж бодож байна вэ? Энд бид ердөө өдөрт хоёр эсвэл гурван удаа хоол идэж, хэдэн хүүхэдтэй болоод, дуусах (үхэх) гэж ирсэн юм гэж үү? Энэ нь жинхэнэ зорилго ямартай ч биш юм. БУРХАН биднийг бүтээхийн тулд ийм их хүчин чармайлт гаргачихаад, хэдхэн арван жилийн хугацаанд биднийг энд амьдруулахдаа, заримдаа хор хавдар, аймшигтай зовлон шаналал, гай гамшиг, газар хөдлөлт зэргээс болж үхэхийг зөвшөөрнө гэдэг нь утга учиргүй, авцалдаагүй хэрэг юм.Тиймээс, хүний амьдралын зорилго бол БУРХАНЫГ таних юм. БУРХАНЫГ таних гэдэг нь бид өөрсдийн агууг таних, бид өөрсдөө ч мөн нэг хэсэг нь болсон бүхэл сансар огторгуйн хүчийг танин мэдэх гэсэн үг юм.Их Багш веган байж, Арьяабал (дотоодын Диваажингийн Гэрэл, Аялгуу)-ын бясалгалын Аргаар бясалган, биднийг дотоодод орших БУРХАН мөн чанартайгаа холбогдож зөв амьдрах арга замыг заадаг.Зөвхөн өөрийнхөө амар амгалан, эрх чөлөөг эрэлхийлж, амьдралаас зай барихын оронд Диваажинг Дэлхийд авчрахыг Их Багш бидэнд зөвлөдөг. Бусдад тусалж, энэ дэлхийд хайр энэрлээр үйлчлэх нь Түүний Сургаал болон Үйл ажиллагааны гол цөм байсаар ирсэн. Түүний үлгэр дуурайллаас урам зориг авсан манай Нийгэмлэгийн гишүүд тусламж хэрэгтэй хүмүүст сэтгэлийн дэм өгч мөн хэрэгтэй тусламжийг нь үзүүлсээр ирсэн бөгөөд Их Багш олонтоо санхүүгийн дэмжлэг, хандив үзүүлдэг.Гэвч бидний ажил дөнгөж эхэлж байна. Бүх зүйл үргэлж шинээр эхэлдэг. Энэ дэлхий диваажин болж, хаа сайгүй амар амгалан тогтох хүртэл бидний хийх ажил дуусаагүй. Амьтан-хүмүүс зовлонгоос ангижирч, Бурханы бүтээсэн бие даасан оршихуй болохынхоо хувьд хүндлэгддэг болох хүртэл бидний хийх ажил дуусаагүй. Ядуу учраас, хар арьстай учраас, өөр өнгийн арьстай учраас, эсвэл хөгжлийн бэрхшээлтэй учраас, эсвэл ижил хүйстэндээ татагддаг эрэгтэй учраас, эсвэл эмэгтэй хүнд татагддаг эмэгтэй учраас, эсвэл эрэгтэйд болон эмэгтэйд ч татагддаг хүн учраас ялгаварлан гадуурхагдаж, эрх нь зөрчигдсөөр байгаа хүмүүс байсаар байна. Тэд бүгд эрх чөлөөтэй болж, бүгдэд нь эрх тэгш хүндлэл, хайраар хандах хүртэл бидний хийх ажил дуусаагүй.2026 оны 3-р сард манай Нийгэмлэгийн гишүүд Украин (Урейн) руу илгээх хүмүүнлэгийн тусламжийн 25 тавиур ачааны тээврийн зардлыг даасан. Тусламжийн баг мөн Их Багшийн “Хайр бол цорын ганц шийдэл” номын 500 ширхэгийг бас хүмүүст тараав.Тайвань (Формоса)-ийн Иланьд, Нийгэмлэгийн гишүүд орон гэргүй хүмүүст болон ганцаардмал ахмад настнуудад дулаан хувцас, аяны хөнжил, веган хоол хүргэн тусалж, мөн 100 муур-, нохой-хүнийг асардаг, амьтан-ардыг аврахад өөрийгөө зориулсан нэгэн цагаан хоолтонд тэжээвэр амьтдын веган хоол, амттан нийт 600 килограмм мөн дулаан хувцас бэлэглэсэн. Тайпэй хотод Нийгэмлэгийн гишүүд Нийгмийн асуудал эрхэлсэн газартай хамтран Тайпэйн төв өртөө буюу гол төмөр замын буудал дээр орон гэргүй хүмүүст веган хоол, жүүс, дулаан оймс, гар дулаацуулагч, ариун цэврийн хэрэглэл бүхий “азын бэлгийн уут” тараалаа.2026 оны 1-р сарын 15-нд Өмнөд Солонгосын Нийгэмлэгийн гишүүд Дэгү хотын цасанд хучигдсан Сонгамсан уул руу явган гарч, зэрлэг байгальд амьдардаг амьтан найзууддаа зориулан амтат төмс, алим, газрын самар, наранцэцгийн үр, байцаа үлдээв.Төгс Гэгээрсэн Их Багш Чин Хайн 1993 онд АНУ-ын Калифорни мужийн Сан-Франциско хотод үзүүлсэн тусламжийн үйл ажиллагаанаас эхлэлтэй Талархлын баяраар олон жилийн турш үргэлжилж ирсэн уламжлалыг үргэлжлүүлэн, АНУ дахь манай Нийгэмлэгийн гишүүд Түүний энэрэнгүй үлгэр жишээ, дуурайллыг дагаж, орон гэргүй хүмүүст тусламж үзүүлсэн.Гэх мэт...Бурханлаг зарчимтай амьдралын хэв маягаар хэрхэн амьдрахыг бидэнд үлгэрлэн харуулахын тулд бидний дунд амьдарч байгаа Төгс Гэгээрсэн Их Багш Чин Хай (веган)-н Сургаал, Заавар чиглүүлэгт бид талархаж байна.Өнгөрсөн болон өнөө үеийн олон эш үзүүлэгч, зөнчид бидний амьдарч буй энэ цаг үед дэлхийн Аврагч ирж, дэлхийг Алтан Эрин үед хөтлөн оруулна хэмээн зөгнөж байсан. Буддын шашны уламжлалд Тэрхүү Аврагчийг Майдар Бурхан гэдэг; Христийн шашинд Эзэн Есүс Христийн Эргэн ирэлт гэдэг; Уугуул Үндэстнүүдийн хувьд Цагаан Одос Үхрийн Тугал Эмэгтэй гэдэг; Хиндү шашинд бол Калки Бурхан гэдэг. Зарим нь энэхүү Тэнгэрлэг үүргийг итгэмжлэн даалгасан Оршихуйн нэр, төрөх газар болон хэн болохыг нь цухас дурдан, зөгнөсөн байдаг. Бүх шинж тэмдэг бидний Хамгаас Хайрт Төгс Гэгээрсэн Их Багш Чин Хайг зааж байна.Янз бүрийн зөгнөлд Аврагч нь эмэгтэй хүн байх болно гэж өгүүлдэг.БУРХАН хэлэхдээ, “Намайг сонсогтун, сэргээн босголтын эхлэл болгон, энэ үйл явц эхлэхтэй зэрэгцэн, НЭГЭН ЭМЭГТЭЙ СЭРГЭН БОСОЖ ГАРЧ ИРЭХ БОЛНО. Тэрхүү Эмэгтэй нь итгэлээр хүчтэй, буянтай байх болно. Нүдэнд үзэсгэлэнтэй. Түүний нүд үнэхээр үзэсгэлэнтэй байх болно. Түүний нүд нь дугуй, том байх болно. Би “Естерт титэм зүүсэн” шигээ Би Түүнд титэм зүүсэн” гэж Их Эзэн айлдаж байна.“Одоо Дээдийн Ном төгсөх Эрин, сүүлийн эрин, Би (БУРХАН) Дэлхийд бууж ирнэ. Энэ дэлхийн хүн төрөлтнийг замчлах багажаар БИ ЭМЭГТЭЙ ДҮРИЙГ СОНГОХ БОЛНО...”“Ирээдүйд “ӨНДӨР ӨСГИЙТЭЙ ГУТАЛ ӨМССӨН ХАТАГТАЙ ирж Зам мөрд замчлах болно хэмээн хэлсэн.”“Нэг мянган жилийн дараа ирэх нэг мянган жилийн дунд үед, Эр хүн цор ганц захирагч байхаа болино, “ТЭРХҮҮ ЭМЭГТЭЙ ИРЖ ДОХИУРЫГ ГАРТАА АВНА.”Энэ ер бусын Оршихуй Дорнодоос гарч ирнэ.“Учир нь аянга зүүн зүгээс гарч ирж, баруун зүг хүртэл гялбадаг шиг Хүний Хүүгийн ирэлт ч мөн адил тийм байх болно.”“БУРХАН Дорнодод орших нэгэн хойг дээр морилох болно.”Ялангуяа ойрын өдрүүдэд, тун удахгүй, дэлхий дахинд сүнслэг байдал сэргэнэ. Энэ үйл явдал ч мөн адил, юуны түрүүнд Дорнодоос эхлэн өрнөх гэж байна.Тэрээр ямар ч тогтсон шашинд харьяалагдахгүй ч, жинхэнэ сүнслэг сургаалыг зааж, түгээх болно.“Ирээдүйн шашны (сүнслэг) Тэргүүн хүний ертөнцөд бууж ирэхдээ ерөнхий сайдуудын ордонд ажилладаг албан тушаалтан ч бус, ордонд амьдардаг ханхүү ч биш байх болно; Тэрээр Буддын сүм хийдэд ч биш, Тао сүм хийд, дацанд ч бус, харин энгийн хүмүүсийн гэр бүлд төрөх болно. Тэр Эрэгтэй/Эмэгтэй Янь нутгийн өмнөд зүг болон Жао нутгийн хойд зүгт орших газруудаас алт тараах болно.”“Уг магтуу шүлэгт ингэж өгүүлдэг: Өнөө цагт Хятадад нэгэн Гэгээнтэн байна”.“Хэдийгээр эрх мэдэл эсвэл албан тушаалгүй боловч, Тэр Эмэгтэй хийж буй бүх зүйлдээ амжилтад хүрдэг.”“Энэхүү Ариун Гэгээнтний хажууд: Пандхита (хиндү шашны санваартан) биш ч хүмүүс Түүнийг пандхита гэж дуудна. БУРХАН биш ч хүмүүс Түүнийг БУРХАН гэж дуудна.”“Тэнд Дуу Чимээ гарч байна гэхдээ шашин эсвэл хүний хийсэн сургаал, номлолоос биш. Урьд өмнө нь хэзээ ч байгаагүй Христийн Дуу Чимээ Дэлхий дээр гарч ирж байна” гэж Их Эзэн хэлэв.Энэ нь бидний одоогоор мэддэг, ойлгож буй бүх шашны хүрээнээс өөр байх болно. Бидний ойлголтоос хэтийдсэн зүйл байх болно.ГЭХ МЭТ…Төгс Гэгээрсэн Их Багш Чин Хайн энэ өдөр бид урьдчилан зөгнөгдсөн Тайтгаруулагч, Номын Хүрдийг Эргүүлэгч Хаан, Дэлхий дээрх Мессиа буюу Аврагч болох Их Багшийг бидний дунд оршин байгаад нь Төгс Хүчит БУРХАНД чин сэтгэлээсээ талархаж байна. Хүн бүр өөрийн зүрх сэтгэлээ шинжин, Их Багшийн Сургаал дахь Үнэн ба Мэргэн ухааныг танин мэдэж, энэрэн нигүүлсэхүйд суурилсан амьдралын хэв маягийг сонгох болтугай.
