Дэлгэрэнгүй
Татаж авах Docx
Дэлгэрэнгүй уншаарай
Ариун Библид Эзэн Есүс Христийг (цагаан хоолтон) ирэх үед хүмүүс идэж уухад шунах болно гэж өгүүлдэг. Гэвч бидний Хамгийн Нигүүлсэнгүй МАПА, Төгс Хүчит БУРХАН Өөрийн Сонгосон Нэгнээр дамжуулан хүн төрөлхтнийг зөвт замд үргэлж хөтөлнө.
2026 оны 10-р сарын 9-нд манай Суприм Мастер Телевизийн Шуурхай мэдээгээр Америкийн зөнч, пастор, Хүндэт Брэндон Биггсийн веган болон цагаан хооллолтын талаар хэлсэн сөрөг үгстэй холбогдуулан түүнд илгээсэн захидлыг онцлон нийтэлсэн. Есдүгээр сард өөрийн Ютюб сувагт нийтэлсэн нэгэн видео бичлэг дээрээ тэрээр веган болон цагаан хооллолт нь зөв биш гэж Эзэн өөрт нь хэлсэн хэмээн мэдэгдсэн. “Би веганчуудын талаар тайлбар хэлсэн. Тэгэхэд Эзэн надад ‘Энэ бол гажуудал. Веган байх нь зөв биш.’ гэж хэлсэн. Тэрээр ‘Брэндон, би чамд зориулж бүхнийг элбэг дэлбэгээр бүтээсэн.’ гэсэн.” “Мөн дүпү иддэг, ‘За, мах идэж болохгүй. Өндөг идэж болохгүй. Бяслаг идэж болохгүй. Амьтдыг өрөвдөн энэрдэг учраас энэ бүхнийг идэхийг хүсдэггүй.’ гэж боддог хүмүүсийн тухай Эзэн залруулга хийж үүнийг гажуудал гэж айлдсан.” “Тэрээр ‘Веган, цагаан хоолтон болох нь миний тогтоосон ёс биш. Би та нарыг ийм байхаар бүтээгээгүй.’ гэсэн. Тэгээд энэ талаар намайг маш хатуу зэмлэсэн.” Пастор Биггс АНУ-ын Ерөнхийлөгч, Эрхэмсэг Ноён Дональд Ж. Трампын амь насанд халдах оролдлогууд болон 2025 оны Мьянмарын газар хөдлөлт зэрэг дэлхийн зарим үйл явдлыг үнэн зөв урьдчилан таамагласан. Тэрээр нэр хүндтэй, итгэл үнэмшилдээ үнэнч Христийн шашны зөнч, номлогч гэдгээ батлан харуулсан. Түүний “Эцсийн өдрүүд” нэртэй Ютюб суваг 600 мянга гаруй дагагчидтай. Тиймээс тэрээр веган болон цагаан хооллолтын талаар эдгээр худал мэдэгдлийг хийсэн нь онцгой түгшүүр төрүүлсэн бөгөөд энэ нь түүний олон дагалдагчийг төөрөгдүүлж, тамын зовлонгийн зам руу хөтөлж болзошгүй юм. Үүнд санаа зовнисон иргэдийн хувьд манай Суприм Мастер Телевизийн баг Ноён Биггст нэн даруй захидал илгээж, БУРХАН биднийг веган байхыг тушаадгийг эргэлзээгүй нотлох Ариун Библийн хэсгүүдийг эш татахын зэрэгцээ веган хооллолтын ач тус, амьтан-хүмүүсийн мах идэхийн хор уршгийн талаарх баримтуудыг дурдсан хариу өгсөн. Хүндэт пастор Брэндон Биггс, Та зөнч үзэгдлүүдээ олон нийттэй хуваалцаж, бидний амьдарч буй аюулт цаг үеийн талаар хүн бүрд сэрэмжлүүлдэг тул манай Суприм Мастер Телевизийн баг таны Ютюб сувгийг удаан хугацаанд дэмжиж ирсэн билээ. […] Үл үзэгдэх ертөнцтэй байнга харилцдаг хүний хувьд та хүлээн авч буй мэдээнийхээ эх сурвалжийг билиг ухаанаар ялган таних ёстой. Хэрэв сонсож буй мэдээ тань Судар, энэрэнгүй сэтгэл, аливаа учир логик, шинжлэх ухаан болон анагаах ухааны нотолгоотой зөрчилдвөл чөтгөрөөс ирснийг нь мэдэх хэрэгтэй. Ариун Библийн хаана ч хүний хүнс болгохын тулд амьтдыг хөнөөх ёстой гэж БУРХАН айлдаагүй. […] Цөвүүн Цагт чөтгөр эмзэг, сүнслэг түвшин доогуур хүмүүсийг уруу татаж, мэхлэхэд үргэлж бэлэн байдгийг та сайн мэднэ. Одоо сэрэх цаг болжээ! Эсвэл бид таныг Сатанд үйлчилдэг, эсвэл БУРХАНЫ үгийн талаар худал хэлсэн гэж үзэх ёстой юу? Эсвэл баян махны компаниуд танд их хэмжээний мөнгө төлдөг юм уу? Учир нь тэр бичлэгт таны хэлсэн бүхэн аливаа учир логик, учир зүй, шинжлэх ухааны нотолгоо болон христийн энэрэнгүй үзэлтэй зөрчилдөж байна. [...] Өнөөгийн цаг үед болж буй ёс суртахуун, сүнслэг төөрөгдлийн талаар болон Энэрэнгүй сэтгэлийн буянаар өөрсдийгөө хамгаалахгүй бол хэн ч аюулгүй байж чадахгүйг өнгөрсөн үеийн олон зөнч болон гэгээнтнүүд бидэнд анхааруулж ирсэн. Ойролцоогоор 700 жилийн өмнө, Хятадын Мин улсын үеийн зөнч, гүн ухаантан Лиу Боуен дараах мэдэгдлийг гаргасан: “Хэдий та нар очир эсвэл хүрэл архад байсан ч, НИНЖИН СЭТГЭЛИЙГ ДАДУУЛАХААС НААШ ХАМГААЛАГДАХГҮЙ. Сэрэмжтэй байж сэргийлээрэй, бэрхшээлийг туулахад хүн бүхэнд хүнд байх болно”. “Диваажин нүдтэй; Газар нүдтэй. Хүн бүр хоёр нүдтэй. Диваажин үймж байна; Газар үймж байна. (Гэсэн хэдий ч) хүмүүс хэтэрхий хөнгөн хуумгай байдал, зугаа цэнгэлд хязгааргүй автан, зугаацсаар байна.” Энэхүү зөгнөлдөө Лиу Боуен биднийг Буддын шашны архат (гэгээнтэн) эсвэл Христийн шашны хүндлэгдсэн пастор зэрэг сүнслэг хөгжлийн тодорхой түвшинд хүрсэн байсан ч, сүнслэг бясалгал хийж, Энэрэнгүй, нинжин сэтгэлтэй байх зарчмыг баримтлахгүй бол бид одоо ч сүнслэгээр доройтож, алдаж болно гэдгийг анхааруулжээ. Пастор Брэндон Биггсийн тохиолдол бол үүний ноцтой жишээ юм. Энэ нь сорилт бэрхшээлтэй энэ цаг үеийг даван туулахын тулд бид үргэлж сонор сэрэмжтэй байх ёстойг дахин сануулж байна. Энэрэнгүй, нинжин сэтгэлтэй байх зарчмыг амьдралдаа хэрэгжүүлэхийн чухлыг Хятадын гүн ухаанд төдийгүй Өрнөдийн ариун судруудад ч, тэр дундаа Эссенийн уламжлалд хамаарах судруудад ч онцлон тэмдэглэсэн байдаг. Эссенүүд бол бүх амьд оршихуйг хүндэтгэх үзлийн үүднээс зөвхөн цагаан хоолоор хооллодог байсан эртний сүнслэг бүлэг юм. Эзэн Есүс Христ (цагаан хоолтон) ариун Эссений бүлгэмийн гишүүн байсныг баримтууд харуулдаг. Эссений Энх тайвны сайн мэдээнд Эзэн Есүс Христийн Сургаалууд болон түүхүүд багтдаг. Сайн мэдээний номын нэгдүгээр хэсэгт Есүс бидний идэх ёстой болон идэж болохгүй хоол хүнсний төрлүүдийг дэлгэрэнгүй тайлбарласан. “Тийм учраас болгоомжлон сэрэмжилж, бие махбодынхоо сүмийг элдэв жигшүүрт зүйлээр бүү бузарла. Та нар бидний Дэлхийн Эх болсон байгаль дэлхийнхээ ширээнээс үргэлж олж болох хоёр, гурван төрлийн хоол хүнсэнд сэтгэл хангалуун байгтун. Эргэн тойрондоо байх бүх зүйлсийг ховдоглон идэхийг бүү хүс. [...] Учир нь та нарын Бурхан бол амар амгалангийн Бурхан бөгөөд хэзээ ч хагарал бутралыг дэмждэггүй. Тиймээс Бурхан таныг Өөрийнхөө ивээлээс хасахаас сэргийлж, мөн нүгэл, өвчин эмгэг, үхэлд хүргэх зүйлс бие махбодыг тань сүйтгэх Сатаны ширээ рүү очиход хүрэхээс болгоомжилж, та Бурхны хилэнг өөрийнхөө эсрэг бүү хөдөлгө.” “‘Тиймээс үргэлж БУРХАНЫ ширээнээс хоолло: моддын жимс, тариа будаа болон талбайн өвс ургамлаас ид. […] Учир нь тэдгээрээс өөр, бусад бүх зүйл бол сатаных бөгөөд нүгэл, өвчин эмгэгийн замаар дамжуулан үхэлд хүргэдэг. Харин БУРХАНЫ арвин баялаг ширээнээс та нарын иддэг хоол хүнс бие махбодод тань хүч чадал, залуу насыг өгч, та нар хэзээ ч өвчин эмгэгтэй учрахгүй. Учир нь эрт цагт Метуселах БУРХАНЫ ширээнээс хооллож байсан. Би та нарт үнэнээр хэлье, хэрэв та нар Түүний адил амьдарвал, амьд бүхний БУРХАН та нарт ч мөн Түүнийхтэй адил Дэлхий дээр урт удаан наслах амьдралыг хайрлана.’” Эссений Христийн Энэрэнгүй сайн мэдээнд Эзэн Есүс Христ сатаны уруу таталтын талаар анхааруулсан. “Сатан загасчинтай адил олон төрлийн хоолыг таны нүдний өмнө тавьж, зөвхөн багахан амсаж үзэх төдий байсан ч, тэдгээрийг идэх хүсэл танд төрүүлэхийг оролддог. Ингэснээр тэр таныг урхиндаа оруулж, гэрлээс харанхуйд аваачихыг хүсдэг. Иймийн тул, би танд хэлье, сатаны хоол хүнсэнд бүү хүр. Учир нь хорон муу нэгэн ухаан дутмаг, мэдлэггүй хүмүүсийг барихаар олон дэгээ, урхи, тор болон янз бүрийн зангаар отон хүлээж байдаг. Учир нь хэрэв та нар хориглосон ганц хоолонд уруу татагдан урхидагдах юм бол, цаашлаад та нар бусад бүх зүйлийг хүсэх нь зайлшгүй болох бөгөөд эцэст нь тийм хориотой зүйлс үхлийн хоол хүнс болдог; тэгээд сатан ялдаг.” Шувуу-хүмүүсийг торонд хорьсон нэгэн хүнд Эзэн Есүс Христийн хэлсэн дараах үгсээс Түүний амьд бүхнийг гэх энэрэх сэтгэл нь тодорхой харагддаг. “Тэгээд Есүс түүнд ийнхүү хэлэв, ‘Хэрэв танаас илүү хүчтэй, эсвэл танаас илүү овсгоотой, арга зальтай өөр нэгэн хүн таныг, эсвэл эхнэр хүүхдүүдийг тань хүлж, торонд хоривол та юу гэж бодох вэ? Тэгээд тэднийг торонд хийж, ашиг олохын тулд олзлогдсон байдалд худалддаг, ийм зүйлээр амьжиргаагаа залгуулдаг бол яах вэ? Би танаас асууя, эдгээр нь танаас илүү сул дорой ч гэсэн тантай энэ хорвоо дээр зэрэгцэн оршиж байгаа төрөлтнүүд биш гэж үү? Бидний Эцэг-Эх болсон яг тэр БУРХАН таны төлөө санаа тавьдаг шигээ тэдэнд ч бас санаа тавьдаггүй гэж үү? Би танд хэлье, эдгээр бяцхан ах эгч нараа суллагтун, ийм хэрцгий үйлдлийг дахин бүү хий. БУРХАНЫ гэм зэмгүй бүтээлүүдэд ямар ч хор хөнөөл учруулахгүйгээр шударгаар амьжиргаагаа залгуул.’” Эзэн Есүсийг ирэх цаг үед хүмүүс идэж, уух хүсэлдээ хэт автан, шунах болно гэж Ариун Библид өгүүлдэг. “Үерээс өмнөх өдрүүдэд хүмүүс идэж бас ууж байсан... Ноа хөлөг онгоцонд орох өдрийг хүртэл; мөн үер болж бүхнийг авч одох өдрийг хүртэл тэд юу тохиох талаар юу ч мэдээгүй. Хүний Хүүгийн ирэх үед ч мөн адил ийм байх болно.” Эссений Христийн Энэрэнгүй сайн мэдээнд үүнтэй бараг ижил боловч илүү тодорхой өгүүлсэн дараах эшлэл бий: “Учир нь үер болохоос өмнөх өдрүүдэд байсантай адил тэд МАХ БА ЦУСААР хооллож ГАШУУН ДАРС ууж байсан... Ноа хөлөг онгоц руу орох өдөр хүртэл, үер ирж тэднийг бүгдийг авч явах хүртэл юу ч мэдээгүй, ийнхүү Хүний Хүүгийн ирэх үе ч мөн адил ийм байх болно.” Нэмэлт нотолгоо болгон, Гэгээнтэн Петр (цагаан хоолтон)- ийн шавь, Дээрхийн Гэгээнтэн, Пап лам, Гэгээнтэн Климент I (цагаан хоолтон) ийнхүү бичжээ: “Гэвч [БУРХАН] тахил өргөхөд таатай ханддаггүй нь дараах зүйлээс харагдана: МАХ ИДЭХИЙГ ХҮСЭН ШУНАСАН ХҮМҮҮС ТҮҮНИЙГ АМССАН ДАРУЙДАА АМИА АЛДСАН... Анхнаасаа АМЬТДЫГ НЯДЛАХЫГ ҮЛ ТААЛСАН, тэднийг хөнөөгдөхийг хүсээгүй (БУРХАН) тэднийг хүсэн ӨРГӨЛ БОЛГОХЫГ ДААЛГААГҮЙ; анхнаасаа Тэр тэднийг огт шаардаагүй”. -Гэгээнтэн Петр (цагаан хоолтон), Климентийн Номлол 3.45 ГЭХ МЭТ... Бидний МАПА, Өршөөнгүй БУРХАН Эзэн Есүс Христийн дүрээр илэрсэн. Яг тэрхүү Өршөөнгүй БУРХАН бидний Хамгаас Хайрт Төгс Гэгээрсэн Их Багш Чин Хайн (веган)-тай дүрээр биежин заларч байна. Master: Бид амьтан-хүмүүсийн аллагыг зогсоох ёстой, мөн мэдээж өөрсдийгөө хороож байгааг ямар ч үнэ цэнээр зогсоох ёстой. (За, Их Багш аа.) Учир нь аллага аллагаа л дуудна, ахин дахин шүү. Мөн бид нэг нэгэндээ, эсвэл амьтан(-хүмүүст) эсвэл ямар ч төрөлтөнд өршөөл нигүүлсэлгүй хандахад Диваажинд таатай байдаггүй. Хэрвээ бид өршөөл хүсэж байвал өөрсдөө өршөөл энэрэлтэй байх ёстой. Хаа сайгүй тавган дээрх зүйлс маань энх тайван байвал Дэлхийд энх тайван тогтоно. Тийм учраас веган хооллолт бол гараг дэлхийн энх тайвны эхлэл юм. Эрт орой хэзээ нэгэн цагт энэ гараг дээрх бүх хүмүүс, сул дорой, зөөлөн төрөлтнүүдийг алахаар идэх нь буруу гэдгийг ойлгох байх гэж бодож, найдаж байна. Амьтан-хүмүүс – тэд ямар ч хамгаалалтгүй, тэд гэм хоргүй. Тиймээс энэ нь угаас ёс суртахуунгүй үйлдэл тул сүнслэг дадал бясалгал, буян, Диваажингийн шагнал гэх мэтийн талаар бүр ярилтгүй. Өөрөөсөө сул дорой, хамгаалалтгүй, гэм зэмгүй, өөрт тань ямар ч хохирол учруулаагүй нэгнийг гэмтээх нь ёс суртахуунгүй. Ямар ч соёл иргэншил үүнд л тулгуурлах учиртай. Тэгвэл манай дэлхий диваажин болно. Хүмүүс махны төлөө амьтан(-хүмүүс)-ийг өсгөн үржүүлэхээ зогсоовол, цаг агаарын хэв маяг хурдан сэргэж, газар нутаг ч мөн адил нөхөн сэргэнэ гэдгийг ойлгоход амархан. Бид ийм байгалийн гамшгууд нь агаар мандал дахь сөрөг энергийн үр дагавар гэдгийг ойлгох ёстой. Бидний агаар мандал дахь энэ сөрөг энергийг бидний үзэн ядалт, хүчирхийлэл зэрэгтэй холбоотой бидний мэдрэмж, сэтгэл хөдлөл бодол санаа, үйлдлүүд мөн үй олон хүний амь нас болон гэм зэмгүй амьтан(-хүний) амийг хөнөөх явдал бий болгодог. Хэрэв бид гамшиг үүсгэж, өдөөн хатгадаг зан үйл, арга барилаа өөрчлөхгүй бол гамшиг хэзээ ч дуусахгүй. Дэлхийн хаана ч байгалийн гамшиг тохиолдох бүрд би ч бас нулимс унагадаг. Хүмүүсийн зовлон шаналлыг бодохоор миний сэтгэл зүрх өвддөг. Би тэдний мэдэрч буйг мэдэрч, маш ихээр харамсан гашууддаг. Гэвч бид зөвхөн асуудлын уг үндэстэй тэмцэх замаар л гамшгийг нэг мөсөн зогсоож чадна. Өөрөөр хэлбэл, хүн алах, гэм зэмгүй амьтан(-хүмүүс)-ийн амийг үй олноор нь хөнөөхөө зогсоох хэрэгтэй. Бид энэ Дэлхий дээр зөвхөн энх тайван, хайр энэрэлтэйгээр амьдрах цагт л Дэлхий, Байгаль бидэнд амгалан тайвнаар хариу хандана. “Бид юу тарина, түүнийгээ л хураана.” Бид зөвхөн энэрэнгүй байж, өөр ямар ч бүтээлд хор хүргэхгүй буюу веган хэв маягаар амьдарч байж – бид өөрсдөө хор хөнөөлөөс хамгаалагдаж чадна. Хэрэв бид бусдыг хамгаалбал, өөрсдөө ч хамгаалагдах болно. Дараагийн удаа таныг хооллохынхоо өмнө түр азнаж, ямар ширээний ард сууж байгаагаа эргэцүүлэн бодохыг бид урьж байна. Энэ нь гэм зэмгүй амьтан-хүмүүсийн цус, шаналлаар дүүрэн сатаны зовлонгийн ширээ юу – эсвэл БУРХАНЫ жаргалтай Ширээ юу?
