Дэлгэрэнгүй
Татаж авах Docx
Дэлгэрэнгүй уншаарай
Бид та бүхнийг 1993 оны 11-р сарын 6-д Калифорний мужийн Лагуна Бийч хотод явагдсан “Хямралын үед шашин шүтлэг хоорондын эв нэгдлээр хүрэх билиг оюуны хүч” залбирлын цуглааны хоёрдугаар хэсэгт урьж байна. Уг цуглаанд Төгс Гэгээрсэн Их Багш Чин Хай (веган), Хамбын сүмийн эцэг Колин, Лагуна Бийч хот дахь Харе Кришна сүмийн ерөнхийлөгч Бада Харидас, Гэгээн Кэтриний католик сүмийн эцэг Билл Крекелберг нар оролцож Еврейн Хабад төвийн лам Элимелех Гуревич сэтгэл хөдөлгөм илгээлт айлдсан.(Одоо та бүхний өмнө Төгс Гэгээрсэн Их Багш Чин Хайг урьж байна.) Баярлалаа. Би та бүхэнд танил биш харагдаж болох ч би танихгүй хүн биш. Манай байгууллага энэ өдрүүдэд та бүхэнд тохиолдсон бүхий л уй гашуу, айдсыг өөрсдийн чадах чинээгээр хуваалцсан, мөн саяхан төвийн муж нутагт болсон үерт өртөгсдөд тусламж үзүүлсэн. Мөн манай шавь нар хүүхдүүдэд тоглоом болон та бүхэнд нэн шаардлагатай эрүүл ахуйн эд зүйлс худалдаж авахын тулд өөрсдийн бага сага боломжоор хэдэн зуун мянган доллар цуглуулахыг хичээсэн. Тийм ч их биш ч гэсэн, эдгээр нь таагүй нөхцөлд байгаа хүмүүсийг гэсэн бидний өрөвч нинжин сэтгэлийн илэрхийлэл болно гэж найдаж байна.Урьд нь надад нэг оффис, бас нэг жижиг байшин байсан. Ердөө нэг жижиг модон байшин ч нөхцөл байдлын улмаас нураасан. Би өөрөө нураахыг даалгасан. Би тэр байшинтай хоёр, гурван жил л болсон. Би тэр байшинд унтдаг, бас ажилладаг байсан, зарим үед бид тэр байшинд жижиг үдэшлэг зохиодог эсвэл цай ууцгаадаг байсан. Тийм байтал би өөрөө буулгуулсан. Гэвч тэр байшингийн хажуугаар өнгөрөх бүр дурсамж сэргэж, гуниг төрдөг байсан. Хэдий би сүнслэг хүн ч гэлээ надад одоо ч гуниг төрсөн хэвээр байдаг. Энэ дөрвөн модон ханан дотор байсан инээд, нулимс, сайхан бас гунигтай мөчүүдийг би санаж байна. Заримдаа нулимс дуслуулдаг ч байлаа, иймд бүх насаараа эдгээр сайхан орд өргөөнд амьдарсан та бүхэнд ямар байгааг би ойлгож байна. Миний энд байгаа нь та бүхэнд ямар нэг өөрчлөлт авчрах эсэхийг, миний залбирал та бүхэнд тусалж чадах эсэхийг би мэдэхгүй. Гэхдээ би энд зөвхөн харуулах гэж ирсэн. […](Одоо би та бүхний өмнө Лагуна Бийч хотын Харе Кришна сүмийн ерөнхийлөгч Бада Харидасыг урьж байна.) […] Аз болоход бидний хэн нь ч амь насаа алдаагүй ч эдгээр нь амьдралд юу чухал, юу нь удаан үргэлжлэхийг олж харах сургамж юм. Гарз хохирлын энэ цаг мөчид хэн нэгнийг буруутгах хэрэггүй, харин суралцахыг хичээх нь зүйтэй, учир нь бид бүгд эрт орой хэзээ нэгэн цагт бүх зүйлсээ алдах л болно. Иймд, бүх зүйл үгүй болсон тэр үед бидэнд Бурханыг гэсэн хайр л үлддэг. Хэрэв бид зөвхөн энэ ертөнцийн юмсыг хайрладаг бол бид маш их төөрөлдөж, бухимдаж, айдастай байх болно. Гэвч хэрэв бид Бурханыг үнэхээр хайрладаг бол тэр хайр нь биднийг Түүнд хүргэж, энэ амьдралын бүхий л зовлон бэрхшээлийг даван туулах боломж олгодог. […]
