Дэлгэрэнгүй
Татаж авах Docx
Дэлгэрэнгүй уншаарай
Миний Гэр Дэлхий дээр биш, харин хэзээ ч сүйтгэгдэхгүй Диваажинд оршин байгаа. Тэнд өөрийг тань хэзээ ч хороохгүй, дарамтлан доромжлохгүй, ямарваа нэг байдлаар хэзээ ч дарлахгүй. Яг л миний залуудаа бичсэн тэр шүлэгт гардаг мөрөөдөл шиг өөрийнхөөрөө амьдрах болно.Би хөгширсөн шиг санагдахгүй байна. Нээрээ шүү, надад өөрт минь хөгширсөн юм шиг санагдахгүй байна. Хэтрүүлэн ачаалснаас болоод бие минь л заримдаа гомдоллох юм. Заримдаа би өдөр шөнөгүй ажилладаг. Үнэхээр тэсэхээ больж, шалан дээр юм уу буйдан дээр “үхэтхийн” уначихгүй л бол идэх унтахыг умартаад ажилладаг. Тэгэхдээ хамаагүй ээ. Та нар жаргалтай байвал би жаргалтай байна гэдгээ мэддэг учраас л ажилладаг. Та нар шаналбал би шанална. Би өөрийнхөө төлөө ажиллаж байгаа ч та нарын нэрээр, Бурханы нэрийн өмнөөс ажилладаг. Гэхдээ үнэндээ би өөрийнхөө төлөө юм. Учир нь би өдөр бүр бүхий л төрлийн тэвчих аргагүй шаналлыг мэдэрдэг. Зурагт юм уу утсан дээрээс мэдээ уншихад хүртэл шүү. Надад бол бодит, жинхэнэ зовлон мэдэгддэг. Энэ дэлхий диваажин болохоос нааш энэ хэзээ ч зогсохгүй. Жинхэнэ Диваажинг гүйцэхгүй ч яагаад болохгүй гэж?Бурханаас би “Тэд энд байхыг хүсэж байвал яагаад болохгүй гэж? Тэд энэ мөрөөдөлдөө, мөрөөдлийн төлөвтөө, эндүүрсэн сэтгэлдээ оршихыг хүсэж байвал яагаад болохгүй гэж? Байж л байг. Гэхдээ ядаж л сайхан, ая тухтай, яг л Диваажин шиг дэлхийд байг л дээ.” гэж гуйсан. Би та нарт энэ дэлхийг Диваажин болгож өгмөөр байна. Жинхэнэ Диваажинд очихыг хүсэхгүй байгаа нь миний цөхөрсөн үедээ бичсэн шүлэгт минь гардаг шиг Диваажингийнх шиг амар амгалан, гайхалтай амьдралыг эдэлж болно шүү дээ. Энэ шүлгийг “Чангаар хашхиран хэлье” гэдэг шиг санаж байна. Энэ дэлхийн арга мухардсан, маш их зовлон шаналалтай байгааг хараад би энэ шүлгийг бичсэн юм. Мөн би энэ мөрөөдлийг биелүүлэхийг хүсэж байна. Тэгээд ч энэ олон арван жил та нартай хамт, бас та наргүйгээр тэмцэж ирлээ. Нэг л өдөр, тун удахгүй та нар миний талд орж тэмцсэнээр Диваажинг Дэлхий дээр цогцлоох мөрөөдөл биелнэ гэж найдах л юм. Тэгвэл бүх зүйл байдгаараа орших хэр нь бүгд цэвэр ариун, эрүүл, гэгээн байна. Учир нь та нар энэ гараг дээр яг л Диваажинд байгаа мэт амьдрах ариун гэгээн төрөлтнүүд байх болно.Би бүх зүйлээ, бие махбодынхоо бүхий л ид шидийг золиосолсон. Жишээлбэл: Агаарт нисэж, онгоцоор биш өөрийн биеэр нисэж, үл үзэгдэгч болон аюулаас зугтаж, мөн бэрх цагт биеэ задлан өөр газарт дахин нэгтгэж, хэсэг зуур зугтаж чаддаг гэх мэт. Ханаар, хаалгаар нэвт гарч, чөлөөлөгдөхийн тулд шоронгийн түгжээтэй хаалгыг онгойлгох гэх зэргийг хийх боломжтой. Энэ бүхэн амьдралыг минь илүү амар хялбар, ая тухтай болгож болно. Даанч би бүгдийг нь золиослох хэрэгтэй болсон. Учир нь би дэлхийн явдалд хөндлөнгөөс оролцох тул ямар ч ид шидийг ил тод ашиглахыг зөвшөөрөөгүй. Гэвч хааяа би зарим нэг бага сага зүйлийг нохой-хүнээ эмчлэхэд ашигладаг. Тэгсэн ч би маш их төлөөс төлөх болдог.Бүгдийн төлөө төлөөс төлмөөр байвч зөвшөөрөгдөөгүй тул боломжгүй. Эс бөгөөс байр сууриа хураалгаж, Эрхэм Зорилгоосоо хөөгдөж, Бурхан өөрийг тань дахин ашиглахыг хүсэхгүй болж, эсвэл цаашид оршин байлгахгүй ч болж мэднэ. Их Багш байх талаар бүр ярих ч юм биш.Авшиг хүртээх үед та нарт Тавдугаар Түвшинд байгаагаа хэрхэн мэдэх талаар, дотоодын ахуй ойлголтдоо ямар газар орон, үзэмжийг харах вэ гэдгийг хэлж өгсөн дөө. Тэгээд цаашаа дээшээ Шинэ Орон. Гаднах зүйл биш шүү, биш, биш. Өөрийн тань харсныг өөр хэн ч харахгүй. Сүнслэг дэвшлийнхээ явцад ямар (дотоод Диваажингийн) Аялгуу, Хөгжмийг буюу Бурханы Сургаалыг ямар үед, ямар шатанд сонсох вэ гэдгийг ч хэлж өгдөг. Та нар энэ бүхнийг мэдэж байгаа тул өөрийгөө ямар нэг “Гүрүжи,” “Агуу Их Багш,” эсвэл “Будда” болчихлоо гэж битгий бодоорой... Яаж болох билээ? Тийм биз. Та нарт юу ч байхгүй гэдгийг мэдэж байгаа. Дотоод ертөнцийн тухайд та нарт юу ч байхгүй тийм доод түвшинд байгаа.Та нарын зарим нь бусдад туслахыг хүсэж байгааг бимэдэж байна. Яг ийм л шалтгаанаар бид зөв зүйл хийх ёстой юм. Хэрэв хэн нэгэн өлсөж, ундаассан бол түүнд шороо өгч болохгүй, зохистой хоол унд өгөх ёстой шүү дээ. Мөн чадвал эм өгч болно. Хэрэгтэй зүйлийг нь өгч чадахгүй, тэр ч бүү хэл мунхгаасаа болж хор хөнөөл учруулахаар бол хоёуланд нь гамшиг болно!Учир нь жаахан өндөр түвшинд, Гуравдугаар Түвшний доод түвшинд хүрлээ ч гэсэн өөрийгөө хэн нэгэн боллоо гэж бодож огт болохгүй. Учир нь юунд ч хүрээгүй хэвээр. Гэртээ Их Багш залрахыг, Их Багшийн хувилгаан бие, гэрлэн лагшин залрахыг харсан ч та юунд ч хүрээгүй хэвээрээ гэсэн үг шүү. Та замынхаа талд ч хүрээгүй гэсэн үг. Бусдыг аврах эрдмийг эзэмшихийн тулд Тавдугаар Түвшинд хүрэх,Тавдугаар Түвшнээс дээш гарах тухай бүр ярихын ч хэрэггүй. Тэнд хүрлээ ч зовж шаналах хэрэгтэй болдог. Яагаад гэвэл авшиг хүртээсэн Их Багшаасаа хэчнээн их хүчийг авсан ч танд хангалттай байхгүй байгаа. Энэ дэлхийн хувьд хангалтгүй. Тийм болохоор олон Их Багш маш цөөн тооны шавьд авшиг хүртээсэн байдаг. Олонх нь хүртээхийг хүсээгүй. Яагаад гэвэл өөрөө сайн бясалгахыг хүсвэл даац нь хэтэрснээс болоод жижиг завьтайгаа хоёулаа живдэг шиг зүйл болох тул бусдын үйлийн үрд хөндлөнгөөс оролцох гэж бүү оролд. Учир нь Бурхан ИхБагшид бүхий л хүчийг өгдөг ч Их Багш шавь бүрдээ зөвхөнзарим хэсгийг нь л хүртээх боломжтой.Зарим авшигтан өөрийгөө Майдар Бурхан хэмээн зарлаж байгааг сонсоод би Бурханд хандан “Өө, Та аль нэгэнд нь өгч болох уу?” гэж асуусан. Тэр үед би тал талаас ирэх үйлийн үрээс болж жаахан туйлдаж ядраад байсан юм! Бурхан инээгээд надад “Үгүй дээ, тэгвэл тэр шууд л үхнэ!” гэсэн. Хүчийг бүгдийг өгч болохгүй. Нэгдүгээрт та үхэх болно. Үүнийг тэсвэрлэж чадахгүй. Хоёрдугаарт Их Багш олон шавьд хүртээх хэрэгтэй тул заримыг нь Өөртөө үлдээдэг.Би та нарт хэлсэн дээ, одоогоор хэн ч, миний нэг ч шавь, бусад хүмүүсийн нэг ч шавь тэрхүү түвшинд хүрч, Бурханы бүх Хүчийг хүртэж чадахуйцаар бүрэн гэгээрээгүй байгаа бөгөөд тэгж чадаж гэмээ нь бусад хүнд бие даан авшиг хүртээж чадах юм. Үгүй шүү! Иймд гуйж байна, өөрийгөө битгий олны доог болго. Ээ Бурхан минь. Дэндүү ядмагхан жүжиг болно. Тун ч дорд хуулбар юм шүү. Тэгээд ч та нар өөрсдөө юу ч мэдэхгүй гэдгээ тун сайн мэдэж байгаа. Дэндүү доод түвшинд байгаа хэрэг. Эс бөгөөс тэгж зарлахгүй. Учир нь Бурханы Бэлгийг хуурамчаар үйлдэх нь жигшүүртэй нүгэл бөгөөд чингэвээс эцэс төгсгөлгүй тамд унах болно! Эгогоороо л ярьж байгаа хэрэг. Тэгээд чөтгөрүүд таныг хууран мэхэлж, хөөргөснөөс болж та тэдний хэрэгсэл болох болно. Тэгээд энэ насаа элээхээр тань, эсвэл таныг хэрэггүй болуут доош чирэх болно.Та нарын өмнө байгаа нөгөө “их багш” гэгдэх хүнээ хар даа. Жишээлбэл: “амьд Будда гэгдэж байсан хүү”, Рума гэх мэт. Тэр бол Рума биш РҮИН (СҮЙРЭЛ). Маш хямд, тун хөгийн. Би ч үүнийг тэвчиж чадахгүй. Үнэхээр жигшүүртэй. Энэ Трань Там буюу Рума залгамжлагч болгох гэж миний хуучны шүлэг дээрхийг зориуд буруу орчуулсан. Мөн тэр этгээд (одоохондоо нэрийг ньдурдмааргүй байна) Судар дээр хэдэн шинэ үг нэмж, өөрчлөөд Майдар гэгдэхийг оролдож, өөрийгөө Их Багш гэж нэрлэсэн. Тэд миний сургаалыг хулгайлж, өөрт нь итгэсэн хөөрхий хүмүүст авшгаас хүртэх жинхэнэ Адислал, ахуй ойлголт ч үгүй хагас дутуу авшиг өгч байна.Тэд бүхий л тунгалаг Орчлон ертөнц дэх бүх Будда нарын мэлмийн өмнө яаж ийм зүйл хийж, ингэж зарлаж зүрхэлж байна вэ? Диваажингийн эсрэг тамын оршин суугч чөтгөрүүд байж таарна. “Хоа Нгием” Судар буюу Аватамсака Сударыг би дахин уншихад үүн дээр тийм зүйл байгаагүй.Photo Caption: Нараар дамжин гэрэлтэх Бурханд талархъя
