Дэлгэрэнгүй
Татаж авах Docx
Дэлгэрэнгүй уншаарай
Тиймээс ямар ч шашин шүтлэгтэй бай ард нь Бурхан байдаг гэдгийг санах хэрэгтэй. Яагаад гэхээр Их Багш дэлхий дээр бууж ирэхээс өмнө тухайн Их Багшийн залран байхыг хэн болгоосон бэ? Тиймээс бүх зүйлийн Гарал үүсэл, мөн өөрийн тань оршихуйн эх үүсвэр болох Оройн Дээд Бурханыг хэзээ ч бүү март. Ау Лак (Вьетнам)-д, Буддын шашинтан байх албагүй, Буддагийн сургаалын талаар сайн мэдэх ч албагүй эгэл жирийн хүмүүс залбирахдаа “Ээ, Бурхан, Будда минь, намайг адисалж хайрла.” гэж хэлдэг. Эсвэл “Бурхан, Будда намайг юу хийж байгааг мэднэ.” гэх ч юм уу. Тэд бас Бурханыг дурддаг. Хятадууд ч бас тэгдэг. Би бусад орны хэлээр ярьдаггүй болохоор сайн мэдэхгүй ч тэд ч бас тийм байдаг гэдэгт итгэлтэй байна.Мэдээжийн хэрэг Их Багш нар тань таны итгэл, энэ амьдралын тань найдвар юм. Гэхдээ бүхнээс Агуу Оройн Дээд, Төгс Хүчит Бурхан болох Эцэгээ бүү мартаарай. Үүнийг бүү мартаарай. Хэрэв мартвал та нар тун ачлалгүй хүүхдүүд болно. Иймд би та нараас Бурханыг магтахыг хүсэж байна. Энэ бол миний та нарт заасан маш хүчтэй магтаал. Гадуур байгаа хүмүүс ч гэсэн үүнийг хэрэгжүүлснээр тэдний амьдрал сайжирч, дараа нь сүнс нь аврагдах болно гэж би найдаж байна. Учир нь би бас эдгээр үгэнд агуу их Адислалыг өгсөн. Мөн Бурханы Бэлэг бол бид бүгдэд зориулагдсан, Тэрээр надад үүнийг та нартай хуваалцахыг зөвшөөрсөн.Тиймээс Бурханыг магтаж, Бурханы Хүүг магтан, бүх Их Багш нарыг магтаж, өөрийн тань амьдралыг бололцоотой болгохоор Бурханы Тааллыг дуулгавартай дагадаг бүх эрхэм ариун төрөлтнүүдэд талархахаа бүү мартаарай. Амь насаа дэнчин тавин байж, амьтан-хүмүүст харгис хэрцгий хандсан хэргийг шалгуулахаар гудамжинд гаран жагсагчдад; шоронд хоригдож, зодуулж, алагдах эрсдэлтэй ч дайныг эсэргүүцэн гудамжинд жагсаж байгаа хүмүүст; амьтан- хүний эрх чөлөө, дэлхий дээр амьдрах эрхтэй төрөлтнүүдийн төлөө тэмцэн, цаг агаарын ямар ч нөхцөлд жагсаж буй хүмүүст талархаарай. Бид энэ гараг дээрх бүх төрөлтний өмнө өртэй. Амьтан-хүмүүс хүртэл бидэнд нөхцөл болзолгүй хайрыг заадаг.Би энэ өрөөнд ганцаараа байна. Гэхдээ олон удаа миний амь тагнуул гэх мэтээс аврагдсан. Яагаад гэвэл би дайныг (эсэргүүцэхэд) оролцож байгаа тул дайныг хүсэгчдийн уур хилэнг өдөөж байгаа. Би зарим улс төрийн нөхцөлийг хэт цэгц шулуун байр суурьтай ярьсан. Учир нь ийм муу ёрын хүмүүсээс болж хохирон, арга мухардсан, гэм зэмгүй ард иргэдийн төлөө би шаналж байна. Тиймээс л тэд намайг үзэн яддаг.Надад дайснууд бий. Зөвхөн найзууд байдаг юм биш. Миний “санаанд ороогүй” найзууд бас байдаг. Тухайлбал намайг найзаа гэдэг лам нар байна. Би тэднийг огт танихгүй. Тэдний нэрийг мэдэхгүй, хаанахынхыг нь ч мэдэхгүй, царай төрхийг нь насандаа хараагүй. Гэх мэтчилэн. За яах вэ, найзтай байх сайн хэрэг. Хэн нэгэн надад миний тухай аулак (вьетнам) ютюб суваг дээр ярилцлага хийснээ илгээсэн. Би түүнийг огт танихгүй. Тэр ярилцлага өгөхдөө маш тод, олон өнгийн, өнгө өнгийн хуврагийн орхимж нөмөрсөн байсныг л санаж байна. Би амьдралдаа тийм сэтгэл татам, өнгөлөг орхимжийг хэзээ ч харж байгаагүй. Ядаж л дайсан биш юм даа. Намайг дайснаа гэж үзсэнгүй. Энэ нь хэдийнээ сайн.Гэсэн ч тэр миний оршихуйн үнэнийг, гадаад ертөнцийн талаас ч, дотоод сүнслэг байдлын талаас ч сайн мэддэггүй байсан. Бага ангийн сурагч их сургуулийн багшийн ярьсныг ойлгодоггүйтэй адил болохыг та нар харж байна. Өршөөгдөх боломжтой. Гэхдээ намайг хайрладаг, биширдэг гээд миний нэр, бүтээлийг аль нэг ламтай бүү холбож, хавсаргаарай. Яагаад гэвэл үл ойлголцол гарч, эсвэл бусад нь буруу ойлгох ч юм билүү хэн мэдэх билээ. Мөн намайг илүү нэр алдартай болох гэж тэр ламын нэрийг ашиглах гэлээ гэж бодож ч магад. Алдартай ч бай, үгүй ч бай хэнтэй ч би орооцолдохыг хүсэхгүй байна.Би та нарын заримын тусламжтай ганцаараа л ажилладаг. Тэгээд л гүйцээ. Бас бүх амьтан-хүмүүсийн тусламжтай. Жишээ нь үнэг-хүн ирээд “Өнөөдөр цонхоо битгий нээ. Өнөөдөр гадагшаа, арын талбай руугаа ч бүү гар. Яагаад гэвэл тэнд Таныг холоос ажиглаж буй туршуулууд байна.” гэдэг. Орчин үед хэнийг ч ажиглах хялбар болсон. Тэднийг тэнд байна гэж сэжиглэсэн л бол... Тун амархан. Бас шувуу-хүмүүс, үнэг-хүмүүс ирдэг. Хөршийн нохой-хүн хүртэл гэнэт хуцаж эхэлнэ.Нохой-хүн хэзээ ч хуцдаггүй газар надад бий. Намайг аюулд орсон үед л “Бясалгах гэж цэцэрлэг рүү битгий гараарай.”, “Сүүдрэвчээр битгий яваарай, туршуулууд ажиглаж байгаа.” гэж над руу хуцдаг. Учир нь жишээлбэл би сүүдрэвчинд шөнөдөө байх дуртай. Тэнд ажил энэ тэрнээс хол, илүү чимээгүй болохоор бясалгахад илүү тайван байдаг юм. Гэхдээ заримдаа нохой-хүн надад “Битгий.” гэж хэлдэг. Мөн зарим шөнө би хэдийнээ гадаа байж байхад нохой-хүн надад “Одоо эргээд дотогш ор. Одоо эргээд дотогш ор.” гэж хэлдэг. Шувуу-хүмүүс хүртэл шөнө дунд ирээд тойрон шулганаж сэрээнэ. Бас үнэг-хүмүүс над руу гүйж ирээд “Битгий гадаа бай. Эргээд ор.” гэж хэлдэг.Өнөө хүртэл амьд сэрүүн байгаагийнхаа төлөө би ногоо тариалагчдад үүрд өртэй. Миний ууж чадах байгалийн гаралтай веган эмийг хийсэн бүх хүмүүст, өмнө нь үхэл амьдралын заагт байхад минь, үйлийн үр хэтэрхий хүнд байх үед бие хүнд байхад надад хагалгаа хийх зэргээр эмчилсэн, намайг асарч сувилж байсан эмч нарт би үүрд өртэй. Би тэдэнд үүрд өртэй, тэдний төлөө залбирдаг. Тэднийг хамгаалж, гэтэлгэж байгаад нь би Бурханд талархдаг. Бас би чадах зүйлээ хийдэг.Миний урьд нь таньдаггүй байсан зарим улс төрчид хүртэл гэнэт намайг олонд зарлан, жишээ нь, Хавайн арлын Хонолулу хотын дарга намайг сайшаан, надад хүндэт иргэний үнэмлэх гардуулж байсан. Санаж байна уу?
The Honorable Frank F. Fasi: Тэр бас үзэн ядалт оршсон дэлхий дахинд хайр авчирдаг. Тэр цөхөрсөн газарт итгэл найдвар авчирдаг. Тэрээр үл ойлголцсон газарт ойлголцол авчирдаг. Тэр бол агуу хүний гэрэл, бид бүгдийн хувьд нигүүлслийн тэнгэр элч юм.
Ердөө тэр үйл явдал гэхэд л надад түүнийг өөрийнхөө үүсгэсэн Шинэ Оршихуйд аваачих шалтаг олгосонд би их баяртай байгаа. Үнэхээр баяртай байна. Надад сайхан хандсан хүмүүс, веган биш байсан ч гэсэн тэдний үйлийн үрийг би үүрч, өөрийнхөө Шинэ Оршихуйд аваачих боломжтой. Өөрийн шувуу-хүмүүс, нохой-хүмүүсийг ч бас... Саяхан надад миний нэг нохой-хүн нас барлаа гэж хэлсэн. Тэр надад маш их сэтгэлийн хүлээстэй байсан. Урьд төрөлдөө Хаппи гэдэг миний нохой-хүн байсан юм. Тэдний зарим нь урьд төрөлдөө миний нохой-хүмүүс байсан бөгөөд хэсэг хугацаанд намайг хамгаалж, туслахаар эргэж ирсэн.Ингээд тэр нохой-хүн ихэвчлэн өөр нэг жижиг нохой- хүнтэй хамт байдаг байв, миний бясалгалын танхимд авчирч байсан нь. Би түүнд, “Чи одоо ганцаараа байгаа болохоор их гуньж байна уу?” гэж асуулаа. Нөгөө нохойг Ловү гэдэг, өөд болчихсон л доо. Би түүнд, “Ловү амьд байхдаа өвдсөн үедээ ч юм уу чамаас хэсэг хугацаанд хол байхад чи ихэд гуниглаж хэнтэй ч гадагш гардаггүй байсан. Зөвхөн би л чамайг салхилуулах боломжтой байсан. Одоо тэр өөд болчихсон болохоор чи зүгээр үү? Гунигтай байна уу? Учир нь би ч гунигтай байна.” гэж хэлсэн. Тэгтэл тэр, “Өө, юу ч биш. Бүхэлдээ алдагдаагүй, бүхэлдээ алдагдаагүй. Ловү Танд хайртай. Ловү Танд хайртай, би түүний хайрыг одоо ч мэдэрдэг.” гэж хэлсэн. Жижигхэн нь, хамгийн жижиг нь. Тэд төрөл бүрийн мэдрэмжтэй, супер ухаантай, бас өөрсдийнхөөрөө туйлын ариун. Мэдээж надад олон зүйл хэлж байсан; би та нарт илчилж болохгүй.Зүгээр л би өртэй; өдөр бүр, өдөржин би талархаж байдаг, санах боломж гарах бүрд зөвхөн Бурханд талархаад зогсохгүй, Бурханы бүх хүүхдэд, Бурханы амьтан хүүхдүүд гээд бүгдэд нь талархдаг. Жишээ нь зэрлэг үнэг-хүмүүс байна, хэн нэгэн харчихвал намайг тэнд байгааг мэдэх учраас надад тэднийг хооллохыг зөвшөөрдөггүй. Мөн Ном Хамгаалагч надад, “Битгий. Та хэт их анхаарал татна” гэж хэлдэг. Ганц л газар би нэг хоёр шавь-д найдан шувуу- хун-, үнэг-хүмүүсийг, усны болон хуурай газрын бүх амьтан-хүмүүсийг хооллох боломжтой байсан. Сүүлийн үед бол би их зүйл хийх боломжгүй болжээ.Санни хэмээх үрчилж авсан шувуу-хүн маань бас явчихсан. Гэхдээ би түүнийг бас Шинэ Газартаа аваачиж чадсан болохоор их баяртай байгаа. Бүх шувуу-хүмүүс, нохой-хүмүүс маань өөд болбол би дээш нь аваачдаг. Надтай уулзах гэж тэд дахин төрөх гээд доогуур төвшнөөр эргэлдэхгүй л бол тэгдэг. Гэвч одооноос эхлэн би тэдэнд, “Битгий эргэж ир. Энэ дэлхий та нарт сайнгүй. Гуйя, битгий эргэж ир.” гэж хэлж байгаа. Гэвч заримдаа тэд хайраасаа болж тэгдэг. Би үүрд талархдаг.Би гэнэт саналаа. Тав зургаан жилийн өмнө бид Энэ дашрамд хэлэхэд нэг удаа хэн нэгэн надад онцгой бэлэг авчрахад би талархахаа мартаж. бясалгалын төвтэй байх үеэр та нарын нэг номын эгч, та нар түүнийг мэднэ дээ. Түүний нэрийг энд дурдмааргүй байна. Та нар олж очоод амар заяаг нь үзүүлэхгүй шавах вий гэж сэргийлэх үүднээс. Би түүнийг мэднэ, та нар ч мэднэ. Хятад хүн байгаа юм. Тэрээр биднийг дияан хийж байх үед Будда нар ирж, уулздаг тухай өөрийнхөө гайхамшигтай ахуй ойлголтыг ярьж өгсөн. Тэгэхээр та нар сайн санаж байгаа. Түүний ах нь лам, Хятадад хийдтэй. Тэр хоёр хоёулаа манай нийгэмлэгийн гишүүд. Лам гэхээр л бүгд муу гэсэн үг биш шүү. Тиймээс элдэв зүйл битгий бодож байгаарай.Ном үгүйрэх цөвүүн цагт чөтгөр бүх хүүхдүүд, ач гуч нараа явуулж лам болгоод адилхан арга зам, адилхан нөмрөг нөмөрч, Буддагийн ном сургаалыг устгана гэж хэлэхэд Будда бүр уйлж байсан. Чөтгөрийг тэгснээр энэ дэлхийд Буддын сургаал үгүй болно.“Касяапа-д хандан Будда ийн хэлжээ: ‘Намайг Паринирваанд ороод долоон зуун жил өнгөрсний дараа энэ Марапапияа нар миний гайхалтай Номыг үгүй хийнэ. Яг л анчин санваартны нөмрөг нөмөрсөн мэт. Марапапияа нар бас ийн үйлдэнэ. Тэрээр өөрийгөө бхигшү, бхигшүни, упасака, упасика нарын дүрээр харагдана.’” - Махаяана Махапаринирвана Судар (“Зөв ба Буруу хэмээх Есдүгээр бүлэг”-ийн хэсгээс)“Шагжамуни Будда нирваан дүр үзүүлэхийнхээ өмнөхөн чөтгөрийн хааныг дуудаж түүнийг загнан, ‘Чи дүрмээ дагах ёстой. Одооноос эхлэн дүрмээ дага. Тэдгээрийг бүү зөрч.’ гэжээ. Тэгэхэд нь чөтгөрийн хаан, ‘Та намайг дүрмээ дага гэж байгаагүй юм уу? За яах вэ тэгье. Ном үгүйрэх цөвүүн цагт би таны хувцас нөмрөгийг нөмөрч, таны хоолыг идэж, өргөл барьц авдаг аяганд тань баах болно.’ гэдэг. Тэр Ном сургаалыг дотроос нь устгана гэсэн утгаар хэлсэн. Будда үүнийг сонсоод ихэд санаа зовдог. Тэрээр уйлан, ‘Чамайг би үнэндээ яаж ч чадахгүй нь. Чиний арга болбоос хамгаас хортой, хамгаас хөнөөлтэй.’ гэж хэлдэг.” - Бодохуйн Судрыг (Сурангама Судрыг) Хүндэт Их Багш Шүан Хуа-н (цагаан хоолтон) тайлбарласан хэсгээс
Би энэ бүхэнд итгэдэггүй, учир нь орчин үед бидэнд техник байна, компьютер байна, өндөр технологи байна, тэр бүх Буддын судруудыг бид сэргээх боломжтой. Тэгэхээр Буддын судруудыг цаашид судалсан хэвээр байхыг хүсвэл их амархан олох боломжтой. Эсвэл өөр ямар ч шашны судрыг олоход одоо их хялбар болсон. Хурууны тань үзүүрт бий. Та нарын анхаарлын төвд би нэлээдгүй олныг авчирч байсан. Буддын олон түүхийг ярьж, Буддын олон судрыг тайлбарлаж өгсөн.
