Дэлгэрэнгүй
Татаж авах Docx
Дэлгэрэнгүй уншаарай
Өдөрт нэг удаа хооллох энэ уламжлал нь мэдээж билиг ухаан болон амар байхаас үүдэлтэй. Будда үүнийг “Дундаж Зам Мөр” гэж нэрлэсэн, - хэт хатуу биш, хэт умбахгүй. […] Хэрэв шавь нар, дагалдагч нар өдөрт хоёр гурван удаа ирээд тэдэнд хоол хийж өгдөг байсан бол тэдэнд нам гүм, амарч, бясалгах, эсвэл Буддагийн сургаалыг сонсох цаг хэзээ гарах вэ? Тэр үед ямар ч том, тод гэрэл гэж байгаагүй. Бүдэгхэн асдаг байв. Тиймээс Будда өдрийн цагаар ном айлддаг байсан нь дээр. […] Тэгээд шөнөөр тэд хамтдаа бясалгадаг. […]
Шөнийн цаг бол сөрөг хүчин үүгээр түүгээр эргэлдэн, амар амгаланг тань алдагдуулж, эрчмийг чинь сорон, тэр бүү хэл буруу үйлд уруу татаж, өөрт тань болон цаашлаад өрөөлд муу үйлийн үр хураалгах цаг. Би бас заримдаа шөнө дөлөөр ажиллахаас өөр аргагүй байдаг. Өөрийгөө их өрөвдөнө. Би чулуу шиг биетэй хүн биш. Төмөр шиг биетэй ч хүн биш. Өөрийгөө болон бас багийнхаа шөнө ажиллах шаардлагатай хүмүүсийг өрөвддөг. Гэхдээ бид хийх ёстой юмаа хийцгээдэг.Суприм Мастер ТВ-ийнхний дотор өдөрт ганц удаа хооллохыг хүсэж байгаа хүмүүс байвал тэгж болно. Тэгэх нь нэмэртэй санагдаж байгаа бол, хэр сайн гэдгийг нь мэдэхийн тулд биеэ чагнаж, эрч хүчээ ажиглах хэрэгтэй. Жаахан ч гэсэн эвгүй болбол тэр дороо болих хэрэгтэй. Бидэнд хангалттай мөнгө бий. Бидэнд та нарт өгөх хоол хүнс хэзээд хангалттай бий. Надад байгаа, бүү санаа зов.Тав тухтай амьдрахад хэрэгтэй бүх зүйл та нарт байгаа шүү. Тиймээс мөнгө хэмнэх гэж эсвэл тийм маягийн шалтгаанаар өөрийгөө бүү хүчлээрэй. Хэрэггүй шүү, хэрэггүй. Би тэрбумтан биш ч миний бизнес хангалттай орлого олдог. Цар тахлын үеэр ч бидэнд илүүчлэх зүйл гардаг байсан. Бид ажлаа үргэлжлүүлэн хийсээр байх боломжийг би хангана. Гэхдээ энэ бас Бурханы ивээл юм. Хэрэв байхгүй гэх өдөр ирвэл би та нарт мэдээлнэ. Одоогоор та нар минь сайн идэж, сайн унтаж, Суприм Мастер ТВ-ээр дамжуулан дэлхий ертөнцийн төлөө чадах зүйлээ хийж бай. Учир нь өнөө үед зөвхөн иймэрхүү олон нийтийн мэдээллийн хэрэгслээр дамжуулж байж л Үнэн ёсыг, бүх үнэн зөв мэдээг дэлхий дахинд түгээх боломжтой байна. Би дэлхийг тойрон аялан, ном тайлж байсан, үр нөлөө нь Телевиз, интернэт зэрэг мэдээллийн хэрэгсэлтэй харьцуулахад бараг юу ч үгүй жаахан байсан. Тиймээс л бид үүнийг хийж байна. Харин биеэ хэт хатамжлан, бүү хохироогоорой.Эрхэм ариун аливаа зорилго, зардал багатай энгийн амьдарч гараг дэлхийнхээ нөөцийг хэмнэхийн төлөө хийж буй бүхэнд тань би гүнээ талархаж байна. Би гүнээ талархсаар байх болно. Гэвч хэт их бүү хүчлээрэй. Бие тань, энэ материаллаг амь амьдрал тань оюун санааны дадал бясалгалд асар чухал шүү. Диваажингаас энд бясалгах нь илүү хялбар байдаг. Диваажинд дэвшил удаан. Учир нь тэнд хийх юм огт байхгүй. Өөрийгөө сорин, улам сайжрах хувь заяа, буян тэнд бага. Тиймээс энэ дэлхий дээр оюун санааны дадал бясалгалаар олж авсан бүхэн тань хаанахаас ч илүү түргэн, илүү үнэ цэнтэй. Иймд биеэ гамнаж, дэлхийдээ хувь нэмэр оруулаарай. Юуны ч төлөө, Суприм Мастер ТВ-ийн төлөө ч “биеэ үрэх” хэрэггүй. Ойлгоо биз?Хэрэв та нар ургамлыг өвтгөхгүй хүнсийг хэрэглэхийг хүсвэл болно. Бие махбодод тань зохих нь уу, хар. Юутай ч бүү хүчлээрэй. Хэрэв хүсвэл тийм хоол идээд амьдарч болно гэж л хэлж байна. Учир нь надад болж байсан. Би тэгж үзсэн. Зүгээр. Бор будаа, гүнждийн үр, давстай идэхэд болоод л байдаг. Тэр бүү хэл өдөрт ганц идэх ч бас зүгээр. Та нар хэр их ажиллаж, хэр их хөдөлж гүйх хэрэгтэйгээс л хамаарна.Бидний ажил амаргүй. Цаг наргүй ажиллана. Заримдаа шөнөөр, бүр унтах ч завгүй, яаралтай хэрэг гарвал хийхээс өөр аргагүй болдог. Яаралтай мэдээ ирэх бүрд та нарыг маш их зүтгэл гарган, хичээнгүйлэн, хурдтай ажилладагт би асар их талархдаг. Та нарын бүтээлч шалмаг байдал намайг байнга гайхшируулдаг. Та нарт дахин дахин баярлалаа. Бурхан та бүгдийг ихэд адислан ивээх болтугай. Тийм учраас байрлан ажиллаж байгаа Суприм Мастер ТВ-ын баг хамгийн багадаа өдөрт гурван удаа бясалгах ёстой бөгөөд илүү цаг гарвал мэдээж илүү бясалгах хэрэгтэй бөгөөд шөнөөр бас бясалгаарай.Будда яагаад Хэдийгээр лам нар нь дурамжхан байсан ч Будда яагаад лам нартаа шүүс уухыг зөвшөөрсөн бэ? Яагаад гэвэл тэр өдрөөс өмнө Будда болон лам нар үдээс хойш хоол шиг харагддаг, хоолноос гаралтай юу ч идэж уудаггүй байсан. Үдээс хойш зөвхөн ус л ууж, шөнөөр юу ч идэж уудаггүй байв. Өглөөгүүр гарч бадар бариад дараа нь гэртээ ирээд үд дундад үдийн цайгаа ууна. Лам нар ногооны шүүс нэмж уулаа гээд хамаагүй байж, учир нь тэд үүнийг шингээх, ууж байгаа шүүснийхээ хэмжээгээр дэлхийд өгөх, шүүс өгсөн хүмүүстээ өгөх хангалттай буянтай байсан. Бүр үүнд нь оролцсон ногоо, жимсний модонд хүртэл өгөх буянтай байв.Учир нь Буддагийн лам нар нэг давуу талтай байсан нь тэд өдөрт нэг удаа гарч бадар барьж, буцаад урц ч юм уу байрладаг газартаа харьж, тэр зүйлээ л идчихээд дараа нь бясалгах юм уу, Буддагийн айлдварыг сонсдог байв. Тиймээс тэд маш их бясалгаж, Будда гэх мэт сүнслэг Их Багш нартай их холбоотой байсан. Үүний дараа, эсвэл дунд нь, эсвэл өмнө нь тэд их бясалгаж амрахдаа бас бясалгалын төлөвт амардаг байлаа. Тиймээс тэд өдөрт нэг удаа хоол идлээ гээд зүгээр, учир нь тэд өөр юмс хийж хэт их энерги зардаггүй байсан. Шинэхэн ногоо жимснээс гаргасан шүүс нэмж уулаа гээд тэд үүнийг шингээх боломжтой байв. Тэдний буян хэмжээлшгүй байсан. Тийм учраас хүмүүс Буддад залбирч, лам нарт залбирч, шууд эсвэл дараа нь буян хүртдэг байлаа. Та нар бас өдөрт хоёр удаа хооллох буянтай. Эсвэл хүсвэл та нар үд дундад юм уу үдээс өмнө нэг сайхан хоол идчихээд дараа нь хөнгөн хоол идэж болно, эсвэл үдээс хойш шүүс ууж болно.Өдөрт нэг хооллох энэ уламжлал нь мэдээж билиг, амар байх байдлаас үүдэлтэй. Будда үүнийг “Дундаж Зам Мөр” хэмээн нэрлэсэн – хэт хатуу биш, мөн хэт бас умбахгүй. Учир нь төсөөл дөө, Будда нар эсвэл лам нар өдөрт хоёр, гурван удаа бадар барьж Эрт дээр үеийн хүнд өдрүүдэд, юу ч тийм хялбар бэлэн байдаггүй байсан бөгөөд хүн хүч, тээврийн талаар ярилтгүй! явбал яах вэ? Эсвэл шавь нар, дагагч нар нь өдөрт хоёр гурван удаа ирж, тэдэнд хоол хийж өгч байна гээд төсөөл. Тэгвэл хэзээ тэд амарч, аниргүй болж бясалгах болж байна? Эсвэл хэзээ Буддагийн сургаалыг сонсох вэ? Тэр цаг үед ямар ч том, тод гэрлүүд байгаагүй. Их л бүдэг байсан. Тиймээс Будда өдрийн цагаар ном айлдсан дээр байв. Мөн лам нарын хувьд нэг байшингаас нөгөө рүү явж өргөл гуйснаараа тэд Буддаг болон Түүний ариун Сургаалыг олон түмэнд танилцуулах боломж олддог байв. Учир нь тухайн үед одоогийнх шиг харилцаа холбооны өндөр технологи байгаагүй. Тэгээд шөнөөр тэдэнд хамт бясалгах цаг гарна. Харанхуй байсан учраас тэдэнд хол явах шаардлага байгаагүй.Энэ уламжлал нь мөн Буддагийн Билиг Ухаанаас үүдэлтэй. Яагаад гэвэл үүнээс өмнө, Будда гэгээрэхээсээ өмнө өөр бясалгал дадлуудыг дадуулдаг байлаа. Эдгээрийн нэг нь биеийн хэрэгцээндээ үнэхээр туйлын хатуу байх дадал байсан бөгөөд бараг л өлбөрөхийн даваан дээр, ямар ч юм уухгүй - бараг ч юу ч идэж хэрэглэдэггүй. Ингээд Будда Бодь модны дор суугаад эцсийн гэгээрэлд хүрэх гэж бясалгах гэхэд нь Түүний бие нь үнэхээрийн турж эцэж, улмаар эцэст нь 49 хоногийн ганцаарчилсан даяанаа дуусгаад нэгэн үхэрчин охиноос нэг аяга сүүтэй будааны зутан хүлээн авдаг. Ингээд бие нь дээрдэхийг мэдэрсэн Тэрээр, илүү эрүүл саруул сэтгэж, бүх зүйл нь дээрддэг. Ийнхүү Тэрээр туйлширсан огоорол тийм ч таатай биш болохыг ухаардаг. Учир нь бие махбод тань өвдөж, хэт сульдаж, цаг агаарын нөхцөл байдлыг тэсэхээргүй хэт ядарвал өндөр дээд юм уу хамгаас дээд гэгээрэлд хүрэхийн тулд яаж үргэлжлүүлэн амьдрах вэ? Мөн Үнэн Номыг, Жинхэнэ Сургаалыг түгээн дэлгэрүүлж, дэлхийг бүхэлд нь адисалж, гэгээрэхийг, гэтлэгдэхийг эрэлхийлсэн бүхнийг адисалж энэ сансрын хүрдэнд ахиад хэсэг хугацаанд яаж амьдрах вэ? Бие махбодын тань цаг болж, буцаад Диваажин руу, Нирваан руу явах хүртлээ тэдний төлөө, дэлхийн төлөө та нар энд байх ёстой. Одоо та нар мэдлээ.Та нар өдөрт нэгээс илүү хооллох хэрэгтэй бол миний зүгээс асуудал байхгүй шүү. Та нар байрандаа Суприм Мастер ТВ-ийн ажил хийхэд биеэрээ, мөн сэтгэл, оюун санаагаараа ажиллах хэрэгтэй болдог. Та нарын бие эрүүл чийрэг, ухаан сэргэлэн, сэтгэл хангалуун байх ёстой. Өдөрт ганц иднэ гэдэг хүн бүрд тохирох зүйл биш. Яг үүнд тусгай зориулсан хатуу чанга сургалт хэрэгтэй байх. Тэр сургалтын үеэр энэ дэглэм дээр төвлөрөх ёстой. Хэрэв үүний өмнө эсвэл дараа, өдрийн явцад харин өлсвөл бясалгалдаа төвлөрч, Суприм Мастер ТВ-ийн ажил хийхэд хэцүү байж мэднэ. Тийм болохоор өдөрт гурван удаа бясалгаж, хоёр хооллох нь байж болохоор, боломжийн зүйл.Гэвч хүн бүр нэг хооллож чадахгүй. Зарим хүмүүс өдөрт хэд хэдэн удаа маш багаар хооллодог, яагаад гэвэл тэд нэг дор их идэж чаддаггүй. Эсвэл зарим нь эмчийн заавраар, эсвэл биеийнхээ нөхцөл байдлаас болоод өдөрт хэд хэдэн удаа хооллох ёстой байдаг. Зарим хүмүүс төвлөрөөд, нэг дор их идэж чаддаг. Тиймээс өдөрт нэг хооллох нь та нарын бие махбод сүнслэг байдал болон сэтгэл зүйн хүчнээс хамаарна. Дээрээс нь та нар энэ дэлхийд амьдардаг учраас та нарыг тойроод нэлээд үлэмж хэмжээний үйлийн үрийн энерги байж мэднэ, эсвэл дэлхийд хаа явсан газарт тань.Photo Caption: Хүлээн Зөвшөөрч, Дотооддоо Гэрэлтэйгээр Хагацна!
