Дэлгэрэнгүй
Татаж авах Docx
Дэлгэрэнгүй уншаарай
Том улс орнуудын засгийн газар, том, хүчирхэг хүмүүсээс би бас бүх зүрх сэтгэлээсээ ийн хүсэж байна: Бид юу хийсэн юм бэ? Миний шавь нар дарамтлуулж, заналхийлэгдэж, хязгаарлагдаж, ямар нэгэн байдлаар хоригдож, саатуулагдаж, баривчлагдаж, ямар нэгэн байдлаар шоронд хоригдохоор юу хийсэн юм бэ? Бид та нарт ямар хор хөнөөл учруулав? Бид зөвхөн энэ гаргийг л аврахыг хичээдэг. Энэ бас та нарын гараг. Бид зөвхөн энэ дэлхийг илүү сайн газар болгохыг, хуулиа илүү сайн сахидаг иргэд, илүү эелдэг, илүү зөөлөн, илүү тусч иргэд байлгахыг хичээдэг. Энэ нь танай засгийн газарт ч хамгаас сайн байх болно. […]
Уг нь би багийнхаа бүх гишүүдэд болон дэлхийг аврах, хүний сүнсийг аврах энэхүү номлолд тусалсан бүх хүмүүс, амьтан-хүмүүс, мод, ургамалд талархал илэрхийлэхийг хүссэн юм. Харин би өөр бусад зүйлийн талаар зөндөө ярьчихлаа. Талархлыг минь хүлээн авна уу. Бурхан та бүхнийг үргэлж ивээх болтугай. Бурхан та нарыг эрхэм зорилгодоо хүрэхэд тань чиглүүлж, дэлхий дээрх амьдралын тань туршид та бүхний хэрэгтэй бүх зүйлд туслах болтугай. Миний хайрыг хүлээн авч, өөрсөдтэйгөө хамт байлгаарай. Зарим саад бэрхшээл, асуудалтай тулгарах үед энэ та нарт тусалж магадгүй юм.Учир нь та нарын зарим нь сайн үйлс хийхийг хичээж байгааг би мэднэ. Гэхдээ зарим хориотой улс оронд та нарт зөвшөөрдөггүй. Тэд та нарыг болиулдаг. Тэд та нарт саад тотгор учруулж, бүр шоронд хорьж, баривчлах юм уу амьдралыг тань төвөгтэй болгодог. Би маш их харамсаж байна. Би үүнийг бодоод уйлдаг. Чадахаар байвал хий. Хэрэв чадахгүй бол тайвширч, өөрсдийгөө болон гэр бүлээ хамгаалахыг хичээгээрэй.Би та нарыг ямар нэг байдлаар хохироосой гэж хүсэхгүй байна. Би тэгэхгүй. Зөвхөн чадахыгаа хийгээрэй. Нөхцөл байдал зөвшөөрвөл л. Учир нь бид энэ гараг дээр юунд ч, хэнд ч, аль ч засгийн газарт, ямар ч өвс ургамалд ямар ч хор хөнөөл учруулахгүй гэдгийг дэлхийн хүн бүр мэддэг болсон. Гэсэн хэдий ч та нарт хор хөнөөл учруулж, амьдралд тань төвөг уддаг зарим мунхаг хүмүүс хаана ч бий шүү. Үргэлж сайн бясалгаж байгаарай. Хамгаалалтад талархаарай. Бусдад туслах гэж ямар нэг зүйл хийхээр явахаасаа өмнө зөн совингоороо эерэг, баталгаатай эсэхийг мэдрээрэй. Эхлээд өөрсдөдөө тусал. Энэ чухал шүү.Том улс орнуудын засгийн газар, том, хүчирхэг хүмүүсээс би бас бүх зүрх сэтгэлээсээ ийн хүсэж байна: Бид юу хийсэн юм бэ? Миний шавь нар дарамтлуулж, заналхийлэгдэж, хязгаарлагдаж, ямар нэгэн байдлаар хоригдож, саатуулагдаж, баривчлагдаж, ямар нэгэн байдлаар шоронд хоригдохоор юу хийсэн юм бэ? Бид та нарт ямар хор хөнөөл учруулав? Бид зөвхөн энэ гаргийг л аврахыг хичээдэг. Энэ бас та нарын гараг. Бид зөвхөн энэ дэлхийг илүү сайн газар болгохыг, хуулиа илүү сайн сахидаг иргэд, илүү эелдэг, илүү зөөлөн, илүү тусч иргэд байлгахыг хичээдэг. Энэ нь танай засгийн газарт ч хамгаас сайн байх болно. Дараа нь та нар муу хүмүүстэй тэмцэх шаардлагагүй болно. Та нарт тэмцэх гэмт хэрэгтэн байхгүй болно шүү дээ. Яагаад? Яагаад биднийг дарамталж байгаа юм бэ? Авшиг өгөх газар руу дайран орж, хүмүүсийг маань шоронд хийж, интернэт бүртгэл, хувийн компьютерыг нь нэгжиж, энэ тэр бичиг баримтыг нь хурааж авах гэх мэтээр. Энэ бол засаглах зөв арга биш шүү.Бодож тунгааж, өөрийнхөө төлөө, эх орныхоо төлөө ийм дэмий, муу үйлийн үрээ зогсоо. Бурхан сайн хүмүүсийг, сайн улс орнуудыг хэчнээн их шагнаж урамшуулдаг шиг Орчлон ертөнцийн Зарчим, сайн зарчим, бие биетэйгээ болон энэ гараг дээр, эсвэл хаана ч байсан бусад төрөлтөнтэй харьцах эрхэм ариун замналын эсрэг явдаг хүмүүсийг, тэр улс орнуудыг Бурхан шийтгэх болно шүү дээ. Үүнийг санаарай. Та нар надад итгэх шаардлагагүй. Зүгээр л эрүүл ухаанаар сэтгэ. Та нар юу ч хийсэн үр дагавар нь байх болно. Сайн үйлс мэдэгдэх, мэдэгдэхгүй байдлаар сайн үр дагавар авчирна. Муу үйл мэдэгдэх, мэдэгдэхгүй байдлаар эрт орой хэзээ нэгэн цагт муу үр дагавар дагуулна. Яг л та нар будааны үр таривал будаа ургадаг шиг. Та нар алимын үр таривал, алимын мод, алимын жимстэй болно. Энэ маш энгийн, маш их учир зүйтэй. Энэ биет ертөнцөд ийм л байдаг.Диваажинд очихыг хүсээгүй ч энэ биет ертөнцөд Буддизмын таван сахил, эсвэл Христийн болон бусад шашны арван зарлигийг дагаж мөрдвөл сайн, эрүүл, чинээлэг хүн болж дахин төрөх болно. Яагаад ч юм амьтан-хүмүүсийн аймагт төрөл авах ёстой болбол тухайн амьтны аймгийн хаан нь байх болно. Ухаантай, цэцэн мэргэн, аюулгүй байж, амьдралынхаа сүүлчийн мөч хүртэл эрүүл саруул байх болно. Хүн ч байсан, амьтан-хүн ч байсан тийм байх болно.Бидэнд буу байхгүй, хутга байхгүй, арми, хүч, онгоц байхгүй. Агаарын 10-р хүчин энэ тэр ч байхгүй. Зарим улс орны Агаарын 1-р хүчнийг ярилтгүй. Та нарын эсрэг явах юу ч байхгүй. Тэгэх ч санаа үгүй. Тиймээс биднийг тайван орхи. Өөрсдөө аюулгүй, эрүүл саруул байхад анхаарч, Диваажин руу явахад, эсвэл ядаж л эргээд сайн хүн болж төрөөд, энэ болон дараагийн төрөлдөө ямар ч асуудалтай тулгарахгүй байхад анхаар. Маш их баярлалаа.Та нарыг шалтгаан үр дагаврын логикийг ойлгохуйц хангалттай ухаантай гэж найдаж байна. Шалтгаан, үр дагавар гэдгийг л санаж байхад болно. Хэн нэгнийг хохироовол эрт орой хэзээ нэгэн цагт та өөрөө хохирно. Мэдсэн ч, мэдээгүй ч магадгүй осолд орж, хүнд өвчин тусаж, эсвэл нэр төр, байр сууриа алдаж, эсвэл эд хөрөнгөө алдах юм уу хаа нэгтээ гацаж мэднэ. Яг л та нар сайн, сүнслэг, эрхэм ариун бясалгагчдыг хорьсон шиг. Та нарын хийсэн бүхэн эргээд өөрсдөд тань ирэх болно. Нэг зүйл гаргаж шидчихээд байрандаа хангалттай удаан зогсвол эргээд өөр дээр нь ирдэг. Энэ нь ертөнцийн бумеранг эффект (өөдөө хаясан чулуу өөрийн толгой дээр гэгч) юм. Тийм байдаг.Надад итгэх албагүй. Энэ тухай учир зүйтэй бодоод үз. Буддад ч итгэх албагүй. Бурханд итгэвэл, Буддад итгэвэл та нарт сайн л даа. Тэгнэ гэж найдаж байна. Гэвч итгэдэггүй байлаа ч зүгээр учир зүйтэй бодоод үз. Өөртөө итгэ, харж байгаа, хүрч байгаа зүйлстээ итгэ, батлах боломжтой. Жишээ нь алимын үр алимын мод л болж, алим жимс л ургана. Мэдээж хангалттай шим тэжээл өгч, сайн хөрсөнд суулгасан тохиолдолд шүү дээ. Тэгвэл энэ нь сайн ургаж алимын мод болно. Ердийн зэрлэг ургамал болохгүй. Энэ бол баттай. Энэ ургавал алимын мод болон ургаж, алим жимс өгөх болно. Тэгээд алим дотроо үртэй учраас тэдгээрийг нь тариад олон олон алимын мод тарьж, түүгээрээ амьдрах боломжтой. Өөр ямар ч үр адилхан байх болно. Эрдэнэ шишийн үр таривал эрдэнэ шиш ургана, эрдэнэ шишийн ургамал, жимс нь ургана. Ямар ч зүйл тийм байдаг. Учир зүйтэй.Зүгээр л биднийг тайван орхичих. Та нарт, танай засгийн газарт, улс оронд тань бид ямар ч гэм хор хүргэдэггүй. Гэвч дайн дэгдээвэл тэртээ тэргүй та нар өөрсдөө хор хөнөөлийг нь харах болно. Хүмүүс бас та нарыг буудаж мэднэ. Зөвхөн та нар тэднийг буудах биш, тэд та нарыг буудна. Хоёр тал хоёулаа нэг их зүйл олж хүртэхгүй. Харин ч эдийн засаг нь хямарч, эрүүл мэнд нь муудаж, нойргүйдэж, магадгүй бүр амиа алдаж мэднэ. Маш их баярлалаа. Та бүхэн үлэмж их адислуулан, улмаар ойлгож, илүү гэгээлэг амьдарч, илүү эрүүл, азтай, аз жаргалтай байж, сайн унтаж, сайн хооллож амьдрах болтугай.Би бас ямар ч засгийн газрыг ажиллагсдынх нь манай хүмүүст хийсэн зүйлст, хийж байгаа зүйлс, эсвэл хийх гэж байгаа зүйлст буруутгадаггүй. Яагаад гэвэл тэдгээр засгийн газрын ажилтнууд чөтгөрүүдийн, муу сүнснүүдийн, ад зэтгэрийн, маяагийн нөлөөнд автсаныг би мэднэ. Эсвэл өөрсдөө чөтгөрүүд, сувдаг тийрэнгүүд байдаг. Төв засгийн газраас улс орныхоо зарим бүсийг байнга хянаад байх боломжгүй. Улс орны тань нийслэлд хүртэл, засгийн газар болон тогтолцоонд нь таатай бус зүйлс тохиолдох боломжтой. Яагаад гэвэл хүмүүс заримдаа хүн мэт харагдаж байв ч тийм биш байдаг.Зарим нь урьд төрөлдөө муу байсан учраас эргэж ирээд нөгөө л муу юмаа ахиад хийдэг. Эсвэл зарим нь чөтгөр, ад зэтгэр, муу сүнснүүдэд эзлэгдсэн байдаг бол зарим нь өөрсдөө муу сүнс, муу чөтгөр, ад зэтгэр байдаг. Гэвч тэд өөрсдийн удирдагчдаас болж муу зүйл хийхээр шийдсэн байдаг. Эсвэл орчныхоо муу энергийн улмаас, эсвэл дээд албан тушаалтнууд, төв засгийн газраасаа болж, санаатайгаар юм уу далд ухамсраараа хохироохыг хүссэн хамгийн дээд албан тушаалтнаасаа болж тэгдэг. Яагаад гэвэл урьд төрөлдөө тэд энэ албан тушаалтнуудын юм уу дээд, доод албан тушаалтнуудын, эсвэл хамгийн дээд буюу улс орныхоо удирдагчдын дайснууд байсан байдаг. Тэд энэ төрөл дэх урьдын нууц дайснууд байж мэднэ. Эсвэл удирдагчид та бүхэнд, эрүүл саруул ухаантай, цэвэр сайн удирдагч нарт хор хөнөөл учруулах гэж юм уу улс оронд бүхэлд нь хор уршиг тарих гэж хүний биед орсон чөтгөрүүд, хий үзэгдлүүд байдаг. Яагаад гэвэл удирдагчид, өндөр албан тушаалтнуудад нөлөөлбөл улс оронд нийтэд нь тодорхой хэмжээнд нөлөөлнө. Болгоомжтой байж, засгийн газар, нэр төрд тань, засаглалд тань, улс эх оронд тань, мөн мэдээж ард түмэнд тань хэн нь сайн, хэн нь мууг нягталж шалгаарай.Би ямар ч улсын удирдагчид, засгийн газрыг огт буруутгадаггүй. Удирдлагын механизмыг захирах амаргүй гэдгийг би мэднэ. Дэндүү олон хүнээс бүрддэг, тэгээд тэд бүгд мэдээж сайн байхгүй. Тэд бүгд засгийн газрын зарчим, дүрэм журмыг дагаж мөрддөггүй. Ямар ч улс оронд тийм байдаг. Би та нарыг буруутгадаггүй. Дээр дурдсан зарим удирдагчид шиг та өөрөө л муу зүйл хийхгүй бол шүү дээ. Тэгсэн тохиолдолд яах ч аргагүй. Миний амь нас, аюулгүй байдалд эрсдэл үүсгэсэн ч хамаагүй би байнга үнэнийг хэлдэг. Хүмүүс зайлсхийг гэж, зайлсхийхийг сонгог гэж, асуудал, муу энергиэс зайлсхийж, өөрсдөдөө туслан, өөрсдийг нь хамгаална уу гэж Бурханд залбирах уу, эсвэл тэр чөтгөр удирдагчаа дагах уу, сонголтоо хийг гэж хэлдэг юм. Энэ нь тэдний сонголт. Надад үнэнийг хэлэх л сонголт бий. Харин хүмүүсийн юу хийхийг шийдэх сонголт байхгүй.Юутай ч энэ яриагаа өндөрлөн, Суприм Мастер Телевизийг үргэлжлүүлэхэд зүрх сэтгэлээрээ дэмжиж, ямар нэг байдлаар буюу хөдөлмөрөөрөө хувь нэмэр оруулан, засварлаж, текстийг нь бичин, дүрс бичлэг хийж, гэрэл зураг аван, нэвтрүүлэг хөтөлж, багийнхныг ажиллаж байхад хоол хийж өгөн, тэдэнд ямар нэг байдлаар тусалж, Суприм Мастер ТВ-ийн ажиллагаанд ямар нэгэн байдлаар тусалдаг бүх хүнд маш их талархаж байна. Хэдийгээр санхүүг нь би зохицуулж, засвар, хяналт, удирдлага зохицуулалтыг би хийдэг ч та нарын тусламжгүйгээр би ганцаараа одоогийнх шиг ийм их зүйл хийж чадахгүй. Тиймээс зүрхнийхээ гүнээс, сэтгэлийнхээ гүнээс та нарт талархаж байна. Үнэхээр их баярлалаа. Мөн гараг дэлхийн бүх ах, эгч, дүүст, ялангуяа амьтан-(хүмүүст) туслуулахаар та нарыг амьдралд минь илгээсэнд Бурханд талархал илэрхийлье. Би тэдэнд үнэхээр их хайртай. Хайрлахгүй байхын аргагүй.Өөр хэлэх зүйл алга даа. Бурханаас хайрласан Адис, Хайраас өөр өгөх зүйл алга. Мөн бусад төрөлтнүүдийн та нарт талархсан сэтгэлийг уламжилъя. Мэдээж би өөрөө бас талархаж байна. Та бүхэн үүрд үлэмж их адислагдах болтугай. Та бүхэн, ойр дотнынхонтойгоо энэ болон дараагийн төрөлдөө эрүүл энх, аз жаргалтай байх болтугай.Харин бусад нь бүгд Бурханыг санаж яваарай. Бурханыг хайрла, Бурханыг магт, Бурханд таларх, арван зүг, гурван цагийн бүх Их Багш нарт талархаарай. Өдийг хүртэл энэ гаргийг, бидний амьдралыг тэтгэхэд тусалж ирсэн бүх эрхэм төрөлтнүүдэд таларх. Мөн сайн байхыг, сайныг үйлдэхийг, сайныг бодохыг хичээ. Ямар ч сайн зүйл хийж чадахгүй байлаа ч сайн зүйл хийж буй нэгнийг магтаарай. Сайн зүйл хийхэд нь тусалсанд нь Бурханыг магт. Тэгвэл та нар бас буянаас нь хуваалцана.Та нарт маш их хайртай шүү. Үгээр илэрхийлэхийн аргагүй хайртай. Үүний мэдэрдэг гэж найдъя. Энэ бол надаар дамжин урсаж буй Бурханы Хайр, надаар дамжин урсаж буй бүхий л Их Багш нарын Хайр юм. Биеэ бодож, сайн байгаарай. Веган байж, Энх тайваныг тогтоо, Сайн үйлс үйлд. Бурхан та нарт хайртай. Бурхан та бүхнийг адислаг.Бурхан та нарыг хамгаалаг. Та нарт үүрд хайртай. Сайн байцгаагаарай, түр баяртай.Photo Caption: Зөв Шударга Амьдрах Гэж Дээш Босно
