Харж байна уу, дэлхийн хүн амын 41% нь энэ ангилалд багтаж байгаа биз!! Тэд юу юм бэ гэхээр хүн-бус хүмүүс юм. Тэдний хийдэг зүйл юу вэ гэхээр бузар муу үйлүүд. Сөрөг нөлөөгөөр энэ хувь нэмэгдэх юм бол тэдний давамгайлах хүчийг төсөөлөх ч аргагүй болно. Тэгээд жинхэнэ хүмүүс хүчин мөхөстөн дарагдаж, боолчлогдож, эсвэл оршихоо болино! Ийм золгүй төгсгөлд хүрч мэдэх юм. Тэгэх юм бол дайны хэт харгис хэрцгий тамлалт, тэр дундаа садист маягаар тааралдсанаа хядах явдал, хөөрхий гэм зэмгүй амьтан-хүмүүсийн айдас, өвдөлт, шаналал эцэс төгсгөлгүй үргэлжилж, тасралтгүй үхлийн аюулт гамшиг, үхлийн тахал гарч нийгэмд тоймгүй олон үймээн самуун дэгдэнэ!!!
Бүгдээрээ сайн байцгаана уу, Бурханы хайрууд минь? Энэ дэлхийг хэн бүхэн амьдрахад илүү дээр болгохын тулд боломжтой бүхнийг хийж байгааг минь та нар мэдэж байгаа. Гэвч үр дүн нь миний санаанд хүрдэггүй. Яагаад гэвэл энэ дэлхий өөр газар. Хүмүүс зүрх сэтгэлдээ буй дээд дуу хоолойгоо, илүү дээдийн зөвлөгөөг сонсож тэр бүр чаддаггүй. Сүнс бол ямар ч өө сэвгүй, төгс цэвэр ариун байдаг. Даанч оюун бодол, зүрх сэтгэл, оюун ухаан сэтгэлзүй, сэтгэл хөдлөл зэрэг бусад олон хүчин зүйлсийн тухай ярих юм бол тэс өөр хэрэг.
Тэгээд би Диваажингуудаас энх тайван яагаад тогтохгүй байгаа талаар асуугаад авсан хариултыг та нар миний өмнөх захиаснаас хэдийн сонссон. Тэгэхээр одоо ингэж бодож байна. Яах вэ, хэрэв та нарыг бүгдээрээ... өөрөөр хэлбэл олонх чинь, эсвэл тэн хагас чинь ч юм уу дийлэнх олонх чинь Диваажин руу буцаж очихдоо энэ үүрд мөнхийн бэрх замыг туулахыг хүсэж байгаа юм бол би үүнийг тань хүндэтгэн хэвээр нь орхиё гэж бодож байна.
Харин тусалж чадах бүхэндээ, энэ логикийг ойлгох хэн бүхэнд мөн энэ зуурдын, хуурмаг, төөрөгдүүлэм ертөнцөөс аль хэдийн залхсан, Гэртээ хамгийн хурдан, амархан, нөхцөл болзолгүй замаар харихыг хүсэгсдэд туслах гэж хичээх болно. Нөхцөл болзолгүй гэдгийн учир нь авшгийн дараа та нарт нэг их зүйл хийх шаардлагагүй байдаг. Ердөө бясалгаж, Бурханы Хуулийг, Ертөнцийн Хуулийг хүндлэхэд болно. Үнэндээ Оройн Дээд Бурханд ямар ч Хууль байдаггүй. Тэр шийтгэдэггүй, шагнадаггүй; зөвхөн та нарыг Гэртээ ямар нэг аргаар ирээсэй л гэж хүсдэг. Гэхдээ гол нь зүрх сэтгэл минь, сүнс минь хамаг амьтны, тэр дундаа хүмүүс болон амьтан-хүмүүсийн зовлон зүдгүүрийг хараад маш их гуниглах юм. Амьтан-хүмүүс ч гэсэн урьд насандаа бусдын амийг хороосон, идэх гэж амьтдыг хороосон үйлийн үрийг хураасан байдаг. Гэхдээ зарим амьтан-хүн зориудаар хүн төрөлхтөнд туслах гэж ирдэг. Гэсэн хэдий ч зарим хүнийг насан туршид нь аймшигтай тогтолцоонд гацааж хордуулан, тархийг нь угаан боолчилсон байдаг тул бидний зүгээс тэднийг сэрээхийн төлөө хийж чадах зүйл бараг байдаггүй; тэд төрлөөс төрөлд, үүрд мөнх энд байхад хүрч магадгүй юм. Өдөр бүр ийм зүйл харах нь үнэхээрийн шаналгаатай.
Та нар чөлөөт сонголттой, түүнийгээ ийн ашиглахыг хүсэж. Би яалтай билээ? Олон удаа энх тайван тогтох учиртай байтал яагаад тогтсонгүй вэ, ядаж яагаад сүүлд энх тайван болох байсан нь болоогүй байна вэ, гэж асуухад тэд надад “Энх тайвны тухайд Та хүмүүст хэзээ ч хэлж болохгүй. Яагаад гэвэл тэд мэдэх юм бол сүйтгэж орхино.” гэж хэлсэн. Ийм зүйл хэд хэдэн удаа тохиолдохыг харлаа. Тухайлбал веганизм арай эрт, хэдэн жилийн өмнө биеллээ олж болохоор байлаа. Зарлачихсан учраас биелээгүй. Бас энхтайван тогтох болно гэж хэлснийг хүмүүс сонссон.
Би энэ дэлхийд дандаа хүн байх хувьтай сүнснүүд оршин байдаг биш бас элдэв чөтгөр, муу энергиүд оршин байдаг гэдгийг мартсан байж. Яагаад гэвэл элдвийн чөтгөрүүд тэр бүр жинхэнэ Сүнснээс гаралтай байж байгаад тийм болж өөрчлөгдсөн байдаггүй үнэхээр хүмүүсийн муу бодол, муу үйлдэл, хүсэл шунал - тэр дундаа далд хувиа бодсон, муу, дорд хүсэл шуналаас үүсэн гарсан байдаг. Үүнд л хамаг хэрэг байгаа юм. Энэ бүх энергийг сарниулахын тулд уртаас урт хугацаа шаардагдана. Хэчнээн олон хүний биед чөтгөрүүд, тэнүүл сүнс шүглэж, тамын төрөлтөн, ер нь төрөлтөн ч гэхэд хэцүү зүйлс эзэлж, эсвэл биед нь шүглэсэн байгаа талаар бүр ярих ч юм биш.
Харж байна уу, дэлхийн хүн амын 41% нь энэ ангилалд багтаж байгаа биз!! Тэд юу юм бэ гэхээр хүн-бус хүмүүс юм. Тэдний хийдэг зүйл юу вэ гэхээр бузар муу үйлүүд. Сөрөг нөлөөгөөр энэ хувь нэмэгдэх юм бол тэдний давамгайлах хүчийг төсөөлөх ч аргагүй болно. Тэгээд жинхэнэ хүмүүс хүчин мөхөстөн дарагдаж, боолчлогдож, эсвэл оршихоо болино! Ийм золгүй төгсгөлд хүрч мэдэх юм. Тэгэх юм бол дайны хэт харгис хэрцгий тамлалт, тэр дундаа садист маягаар тааралдсанаа хядах явдал, хөөрхий гэм зэмгүй амьтан-хүмүүсийн айдас, өвдөлт, шаналал эцэс төгсгөлгүй үргэлжилж, тасралтгүй үхлийн аюулт гамшиг, үхлийн тахал гарч нийгэмд тоймгүй олон үймээн самуун дэгдэнэ!!!
Энэ бүх саад тотгорыг үл хайхрахыг хичээж би Бурханы Ивээлд итгэж, дэлхийнхээ оршин тогтнолын төлөө залбирч, ажлаа хийхийн тулд эерэг талд анхаарлаа төвлөрүүлэхийг хичээсээр байгаа. Харин хүмүүсийн тусламж үнэхээр хэрэгтэй байна. Тэдэнгүйгээр өнгөрсөн, одоо, ирээдүйн ямар ч Их Багш ганцаар бүгдийг хийж чадахгүй!!! Харин миний мөн чанар залбирал, бясалгал бөгөөд итгэл найдварын гал ассаар байгаа. Хайраас болоод тэр!
Тиймээс л өнө эртнээс нааш тэр олон Их Багш ирж буцан цөөн хэдэн шавь, аврагдсан сүнснүүдийг аваад явдаг юм. Учир нь тэд бүгд энэ бүх зарчмыг мэддэг. Тэгэхээр энэ дэлхийг, бүхэлд нь ерөнхий дүр зургаар нь харвал учрыг нь олж зохицуулахад тийм ч хялбар биш. Бүх Их Багш нар үүнийг мэддэг байсан. Тийм ч учраас Тэд энэ гараг дээрх хамаг амьтныг аврах тухай бодож эсвэл аврахыг оролдож ч байгаагүй, ердөө юу чадахаа хийгээд оддог байсан юм. Харин одоо энэ бэрхшээлийг шийдвэрлэж, энэ гараг дээрх зовсон сүнснүүд болон биет төрөлтнүүдэд туслах гэж аль байдгаараа хичээх та бид л байна. Гэхдээ гол асуудал нь би ганцаараа хийх боломжгүйд байгаа юм. Хэдийгээр зүрх минь өдөр бүр шархирч, туслахыг хичээж, энэ гаргийг, энэ гараг дээрх хамаг амьтдыг аврахын тулд чадах бүхнээ хийхийг хичээж байгаа ч гэсэн хэн ч ганцаараа чадахгүй.
Диваажинд түр зуур очоод бүх буянаа дуустал нь сайхан байгаад ирлээ гэхэд хангалтгүй. Тэгээд дараа нь энэ дэлхийд эргээд л ирж дахиад зовох учраас тэр. Гэхдээ тэгсэн ч гэсэн та нар тэгэхийг хүсэж байгаа бол: төрлөөс төрөлд энэ зовлон, уй гашуу, хагацал, бие, ухаан, сэтгэл хөдлөл гэх мэт бүх зүйлийн зовлон шаналлын хүрдэнд орчилдон зовохыг хүсэж байвал би үүнийг тань хүндэтгэе. Гэхдээ зүрх сэтгэл минь энэ дэлхий дээр байгаа цагт та нарыг уй гашууд автаж, туйлын их зовж цөхөрч байхыг хараад мөнхөд шаналсаар байх болно. Энэ дэлхийн бүх зүйл урхи занга. Мултрахад хэцүү урхи. Арга заль. Энэ дэлхийн бүх зүйл та нарыг зовоож, завгүй байлгаж, бүр Бурханыг ч санах завгүй байлгах гэж хамтран зүтгэж буй хүчин зүйлс юм.
Хэдий сүмд очоод магтуу дуулж байлаа ч ухаан санаа чинь ажил, найз охин, уй гашуу, шархалсан зүрх сэтгэл, үр хүүхдийн асуудал, бизнесийн бүтэлгүйтэл юм уу, амжилт гэх зэрэг өөр хаа нэгтээ байж, Бурханаас өөр зүйлийн талаар бодож байдаг. Мөн түрхэн зуур Бурханыг бодлоо ч гэсэн зүрх сэтгэлээ зориулдаггүй. Зүрх сэтгэлдээ гэтлэхийг, билиг ухааныг, гэгээрлийг хүсэж, уул чанар лугаа Бурханы эрхэм ариун үр сад байя хэмээн, өөртөө туслахын төлөө, дэлхийг сайжруулахын төлөө, эсвэл бүр диваажин болгохын төлөө үнэхээр чин сэтгэлээсээ залбирдаггүй. Гэртээ очоод л хийдгээ хийж, өчигдөрхөн амьд гүйж явсан нэг төрөлтний цусыг урсган махыг нь таалан идэж байдаг. Би та нарт өөр юу гэж хэлэхээ мэдэхгүй нь. Та нарын зовлонгийн хүрд орчлон дэлхийн одоо танд тулгаж буйгаас илүү хурдан төгсөнө гэж л найдахаас даа. Үйлийн үр болон энэ ертөнцийн сөрөг хүчний нөлөөлөл танд нинжин сэтгэлтэй, нигүүлсэнгүй, өршөөнгүй байх нь энэ амьдралдаа болон хэрэв хойд төрөлд итгэдэг бол хойд төрөлдөө ч бас сүнсэнд чинь, өөрт чинь тустай гэдгийг ойлгох боломж олгохгүй байгааг та харж байгаа биз.
Энэ нь дэлхийг веганизм аврах тухай биш юм. Ийм амьдралын хэв маягийн нигүүлсэнгүй сэтгэлгээ нь, нигүүлсэнгүй бүрэлдэхүүн нь таны амьдарч буй энэ дэлхийд илүү сайхан энерги, илүү ач тустай энерги бий болгож, үүнийх нь ач тусыг та нар хүртэнэ гэсэн үг. Иймээс л дэлхий илүү сайхан болох юм. Бүх зүйл илүү сайжирна. Бүх зүйл таны хувьд илүү сайхан амьдрах арга зам руу эргэж, энэ дэлхийд бараг л Диваажингийнх шиг бүх төрлийн эрх чөлөөг эдлэх боломжтой болно. Яагаад гэвэл веганизмын энерги дэх нигүүлсэл, өршөөл нь амьдарч байгаа энэ дэлхийн чинь уур амьсгалыг өөрчлөх юм. Тэгээд та нар ач тусыг нь хүртэнэ. Би хэчнээн л бол хэчнээн удаан ярьж болох ч та нарын хэдхэн нь миний ярьж буй зүйлийг ойлгох байх. Тэгсэн ч гэсэн яах вэ дээ.
