Иймд сэрж сэхээрч үз. Кремльд газар нутаг өгөх юм уу Украин (Урейн)-ы дайчдын сэтгэлийг гутаах замаар энх тайвныг тогтооно гэдэг санал дахин гаргах хэрэггүй. Бүгдийг тань Бурхан адислаг. Биднийг Бурхан адислаг. Бурхан эх дэлхийг маань веган болгон адисалж, улмаар дэлхийд мөнхийн энх тайван цогцлох болтугай. Би чадах бүхнээ хийж байгаа ч та нарын бүгдийнх нь тусламж хэрэгтэй байна. Бүгд туслаач гэж гуйя. Надад, Диваажинд туслаач. Аливаа гэм буруутай үйлээс, аливаа аллагын үйлээс, харгис хэрцгий үйлийг дэмжсэн аливаа гэрээ, дэмжлэгээс ухамсраа цэвэр авч үлдэхэд тусал.
Хэчнээн олон генерал, хошууч, цэргүүд байв гэдгийг би мэдэхгүй. Тэд яагаад өнөө хэр нь Кремльд итгэсээр, тэдний төлөө байлдаад, ингэж үрэгдэнэ вэ? Ямар ч учир шалтгаангүйгээр тэднийг хорлож, өдөр бүр үй олноор нь хөнөөж байна. Уржигдар л гэхэд хэдхэн цагийн дотор хэдэн зуун орос цэрэг амиа алдлаа. Удахгүй дахин олноороо үхнэ. Хүмүүс ингэж утга учиргүй үхэж байгааг мэдэж байж сэтгэл минь хэзээ ч амар байхгүй. Энэ харгис дэглэм тэдэнд талархаж ч мэдэхгүй, тэднийг үнэнч бус гэж сэжиглэх л юм бол хороодог. Тэднийг утга учиргүй зүйлд битгий үхүүлээч дээ гэж гуйя. Гэр бүл, эхнэр, хүүхэд, найз нөхөд нь тэднийг золиосолж, амиа алдсанд нь зүрх сэтгэл нь шимширч байна.
Эх орныхоо төлөө амь насаа хамгаалах хэрэгтэй. Өөрийнхөө төлөө биш юм гэхэд нэгэн галзуу, чөтгөрийн хүний юм уу бодлогын төлөө үхэлгүй эх орныхоо төлөө амьдрах ёстой. Амьд байх юм бол илүү сайхан зүйлсийг хийж болно шүү дээ. Хайран сайхан амь амьдралаа үрж, хэн таарснаа алж, гэм зэмгүй бусдад хор хөнөөл учруулах хэрэггүй. Тэднийг хохироогоод зогсохгүй өөрийгөө хохироож, улс орныхоо нэр төрийг гутааж байна. Кремлийн төлөө үхэхийн оронд Оросын төлөө амьдар. Биеэ сайн бодоорой. Хичээгээрэй. Ямар ч хамаагүй аргаар өөрийнхөө төлөө, улс орон, гэр бүл, найз нөхөд, хайртай бүхнийхээ төлөө амьдарч хойд насандаа тамд унахаас мултар.
Амь үрэгдсэн орос, украин (урейн) хүмүүсийг үхлийг утга учиргүй бүү байлга. Өөр замаар дуусгах гээд үз. Дэлхийн бүх удирдагчдаас би гуйж байна. Би та нарт итгэж байна. Бас дэлхийг веган дэлхий болго. Тэгвэл бид бүгд аврагдаж аймшигтайгаар үхэх шаардлагагүй болно. Бурхан бидэнд олон зүйл хайрласан: Өдөр, шөнө; хавар, зун, намар, өвөл бүх зүйлийг Бурхан цаг үргэлж өгч байдаг. Энэ дэлхий дээр, энэ гараг дээр жаргалтай, амар амгалан хамтдаа амьдрахад хүрэлцээтэйгээр ч барахгүй их зүйл бидэнд бий. Яагаад дайтах ёстой гэж? Яагаад ярилцаж болохгүй гэж? Бидэнд хүний хэл гэж бий. Бид Чулуун зэвсгийн үеийнхэн биш шүү дээ. Бурханы авралаар одоо XXI зуун. Хэрхэн хүмүүн лугаа байх талаар, хэрхэн сурсан мэдлэг бүхэндээ талархаж, үүгээрээ амьдралаа улам илүү сайхан болгох гоё зүйлсийг бүтээхэд ашиглахыг та нар бүгдээрээ сурсан шүү дээ. Бас Сүм, Бурхан, бүхий л өөр өөр шашны Библид бие биедээ нигүүлсэнгүй, амар амгалан, хайрлангуй, эелдгээр хандахыг сургадаг. Энэ бүхнийг сурчхаад үүнийгээ ашиглалгүй юунд энэ их мөнгө, цаг хугацааг үрэн таран хийнэ вэ?
Бүх удирдагчид одоо сэрж сэхээрэх ёстой. Кремлийг дэмждэг байлаа ч гэсэн таныг онилж мэднэ. Өөрсдөө бэлхнээ харж болохоор байна. Путин, Кремль өөрсдийн найз нөхдийг энхийн хэлэлцээр дээр ч хөнөөхийг оролдсон. Дайсан гэж байгаа хүмүүсээ хөнөөгөөд зогсохгүй Кремлийн төлөө, Оросын төлөө энхийн хэлэлцээр хийх гэсэн өөрсдийн найз нөхдөө ч хордуулсан шүү дээ. Азаар амь эрсдээгүй. Үхсэн ч байж мэднэ. Эсвэл удахгүй хаа нэгтээ учир битүүлгээр үхэж мэднэ. Хэн мэдэх вэ? Би ч нэг өдөр учир битүүлгээр амиа алдах хүмүүсийн нэг байж болох юм. Хэн мэдэх билээ? Дайн эхэлснээс хойш намайг ам нээж, дайн ямар муухай болохыг, үүнийг хоригловол таарах талаар, зөвхөн украин (урейн)-чууд төдийгүй хоёр тал хоёул ямар их зовох талаар үнэнийг ярьж эхэлснээс минь хойш намайг Оросын маш олон тагнуул нэхэж хөөх болсон. Энэ гаргийн хүмүүст бүх Их Багш нарын жинхэнэ сургаалыг сануулахын тулд би энэ олон жилийн турш тагнуул, хар тамхины (наймаачин) алуурчдаас бултах гэх мэтээр маш их зүйлийг туулах хэрэгтэй болсон.
Украин (урейн)-чууд болон оросууд аль аль нь гэм зэмгүй учраас би хоёуланд нь хайртай. Энэ бүхэн зөвхөн хорон санаатай, хэрцгий, чөтгөр шүглэсэн Путин мэтийн ичгүүр, гэмшилгүйгээр ийм дайныг өдөөгчдөөс л болсон юм. Тэгэхээр та нар тэднийг хүн биш гэдгийг хараа биз. Тэдэнд хүмүүний зүрх сэтгэл, оюун ухаан, ухаалаг чанар байхгүй. Тэд хэнийг ч өрөвдөж хайрладаггүй. Тэд бол хүмүүсийг сүйрүүлж, бидний эдийн засгийг, бүхий л тав дух, амар амгалан, дэлхийн аюулгүй байдлыг үгүй хийх гэж хүн дүрсэд хувирсан чөтгөрүүд. Энэ дайныг зогсооход Украин (Урейн)-д та нар чадах чинээгээрээ тусал.
Эхэндээ, дайн газар авах тусам Кремль Крымээс эхлээд энэ бүх газар нутгийг эзлээд байна. Яагаад гэвэл тэд Крымыг бааз болгон ашиглаад түүн дээрээ дөрөөлж Украин (Урейн)-ы газар нутаг руу улам бүр гүн нэвтэрч, Оростой хил залгаа өөр мужууд руу орсон. Тэд үүнийгээ Беларусь хүртэл тэлж, Беларусаас ч цааш явахыг хүсэж байгаа. Европтой хиллэдэг бүх газар нутгийг авахыг хүсэж байгаа. Энэ бүхэн ойлгомжтой.
Үүнийг ойлгоход дайны стратегич байх ч шаардлага алга. Би газрын зураг дээрээс харсан. Та нар хар даа, Украин (Урейн)-ы зоригт цэргүүд болон ард түмэн Орост эзлэгдээд байсан газар нутгийнхаа талаас илүү хувийг хэдийнээ эргүүлж авсан. Үүнд Бурханд талархъя. Бид тэдэнд өртэй. Яагаад гэвэл хэрэв тэд Беларусь хүртэлх бүх хил дагуух газар нутгийг авчихвал Европын хил дагуу хаа сайгүй баазтай болчихно. Тэгээд хэдийн баазуудтай, хүссэн газар бүртээ бэлдчих юм бол Европын аль ч улс руу хүссэн үедээ хялбархан дайрах болно. Тэд удаа дараагаар Европ руу нэг нэгээр нь дайрч мэднэ. Учир нь тэд Европыг бүхэлд нь, дэмжигч холбоотнууд гэгч нарынхаа дэмжлэгтэйгээр дэлхийг ч бүхэлд нь эзлэхийг хүсдэг. Одоо та нар миний хэлэх гэснийг ойлгоо биз.
Тэгэхээр Украин (Урейн) тэднийг талаас илүүгээр, эсвэл хагас орчим хувиар ухрааж чадсанд Бурханд талархъя. Украин (Урейн) цэргүүд болон ард түмэн нь эзлэгдээд байсан газар нутгийнхаа тал, эсвэл талаас ч илүүг эргүүлж аваад байгаа. Эхэндээ тэд хүн хүчдээ хүрэлцэхээргүй маш цөөн тооны зэр зэвсэгтэй байсан ч хичээсээр, эх орныхоо төлөө, Европын төлөө, дэлхийн төлөө зоригтойгоор тулалдсаар байсан. Бас дайны эхэн үеэс одоо үеийнх хүртэлх газрын зургаар украин (урейн)-чууд оросуудыг хэдийнээ газрын тал хувьд нь хүртэл ухраасныг та нарт харуулж болно.
Тиймээс тэд Оросын цэргүүдийг гэрт нь хүртэл буцаан шахаж, Украин (Урейн)-ы ард түмэн хүртэх ёстой амар амгалангаа олно гэж найдаж байна. Эх нутаг нь эвдэгдэж сүйдсэн ч тэд буцаан босгох болно. Бас аюулгүй байдлаа, Европын, дэлхийн улс орнуудын ч энх тайвныг бататгах болно. Дэлхийн томоохон удирдагчид та бүхэн тэдэнд талархаж, бишрэл, бахдалтайгаар тэргүүнээ гудайлган мэхийж, чадах бүхнээрээ туслан хүндэтгэх учиртай. Хүмүүн юм бол тэгэх учиртай. Тэднээс урваж ар нуруугаа харуулахгүй, тэдний урмыг хугалахуйц, эрх чөлөө, аюулгүй байдлынхаа төлөө дайтах чин зоригийг нь мохоох зүйл хэлэхгүй байх ёстой.
Оросууд тэдний эх орныг эзлэх юм бол үргэлжлүүлэн дарамталж, дээрэлхэж, шоронд хийж, зодож, хурууг нь огтолж, хэлийг нь тайрч, мөчилж, толгойг нь тастаж, эсвэл үй олноор нь булшилж орхих ч юм билүү. Учир нь тэд ямар ч украин (урейн) хүнийг өршөөхгүй. Яагаад гэвэл эргэж ирсэн бүх украин (урейн)-чуудыг хардаж сэрдэн, засаглалыг нь эсэргүүцлээ гэх болно. Тэгэхээр улам олон украин (урейн) хүн үхэх болно. Тэдэнд газар нутгаасаа өглөө ч, Украин (Урейн) улс бүхэлдээ Кремлийн системийн өмнө бууж өглөө ч гэсэн тэд сайхан эелдэг хандахгүй.
Тэд Беларусаас ч том баазтай болж улс орон руу тань хэзээ мөдгүй довтолно. Үүнийг ойлгохын тулд заавал ухаалаг байх шаардлагагүй. Газрын зургаас л харахад ойлгоно. Тэдний зорилгыг илхэн харж болно. Чулуунд байхуйц оюуны чадамжтай л биш бол та нар нөхцөл байдлыг, миний юу яриад байгааг ойлгох учиртай. Иймд сэрж сэхээрч үз. Кремльд газар нутаг өгөх юм уу Украин (Урейн)-ы дайчдын сэтгэлийг гутаах замаар энх тайвныг тогтооно гэдэг санал дахин гаргах хэрэггүй. Бүгдийг тань Бурхан адислаг. Биднийг Бурхан адислаг. Бурхан эх дэлхийг маань веган болгон адисалж, улмаар дэлхийд мөнхийн энх тайван цогцлох болтугай. Би чадах бүхнээ хийж байгаа ч та нарын бүгдийнх нь тусламж хэрэгтэй байна. Бүгд туслаач гэж гуйя. Надад, Диваажинд туслаач. Аливаа гэм буруутай үйлээс, аливаа аллагын үйлээс, харгис хэрцгий үйлийг дэмжсэн аливаа гэрээ, дэмжлэгээс ухамсраа цэвэр авч үлдэхэд тусал.
Надад туслаач гэж гуйя. Бурхан та нарыг адислаг. Бурхан намайг адислаг. Бурхан бид бүхнийг адислаг. Амен. Бурхан минь, гуйя, бидэнд туслаач. Эзэн Бурхан минь, Таныг ч бас ивээг. Үр хүүхдүүдээ хүчирхийлүүлж, алуулж, дарамтлуулж байгааг хараад Та маш их шаналсан биз ээ. Дайнаас дайны хооронд хүмүүс юу ч сурахгүй юм. Тэднийг гэгээрүүлж хайрла. Тэднийг өндөр ухамсарт хүртэл нь дэвшүүлж хайрла. Үр хүүхдүүдэд Тань туслах өөр юу хийхийг минь хэлж өгч хайрла. Гуйж байна. Эзэн Бурхан Тандаа хайртай шүү. Танд хайртай хэвээр олон хүн бий. Тэд ердөө л харалган, нүдээ халхлуулсан байгаа. Тэднийг хувиргачихсан юм. Тэднийг ердөө хордуулчихсан, бодож сэтгэж чадахгүй, өөрсдийнхөө төлөө юу ч хийж чадахгүй зомбинууд болгочихсон юм. Бидэнд туслаач. Бидэнд туслаач. Эрхэм Эзэн Бурхан минь, өөр юу л хүснэ вэ, би хийх болно. Гуйж байна.
Одоо баяртай гэж хэлье дээ. Бүгдэд тань хайртай шүү. Биеэ сайн бодоцгоож байгаарай. Өнөө цагт маш олон төрлийн өвчин гараад байгаа болохоор маск зүүж, хамраа ч мөн адил халхлаарай. Нүдний шил, нүүрний хаалт зүүж байж гарч байгаарай. Халдвартай эсэхийг нь мэдэхгүй л бол бусад хүмүүст аль болох ойртохгүйг хичээх хэрэгтэй. Та нарт халдааж, тэгээд та нар гэртээ үр хүүхэд, эхнэр, нөхөртөө халдааж мэдэх юм. Тэгвэл таагүй еэ. Биеэ сайн бодоорой. Гуйж байна. Хэн ч, юу ч гэж байсан биеэ сайн халамжлаарай. Маск зүүж, нүүрний хаалт зүүж, аль болох далдал. Болгосон хоол хүнс ид. Үнэхээр түүхийг идмээр байвал маш сайтар, олон дахин угаагаарай. Халдваргүйжүүлсэн усанд удаан сойх хэрэгтэй. Үүнийг эмийн сан, супермаркетуудад, худалдаалж байгаа. Эсвэл давстай усанд 5, 10 минут сойгоод олон удаа цэвэр усаар зайлаарай.
Бас гарахдаа бээлий өмсөөрэй. Гэртээ ирээд угаах хүртлээ толгойноосоо хөл хүртлээ гадаа байхдаа маажихгүй байгаарай. Үнэхээр маажмаар байвал савх хэрэглэ. Гуйж байна, гуйя, өөрийгөө өргөж дэвшүүлэх арга зам олох хүртлээ биеэ сайн бодож байгаарай. Эсвэл туслах Хүчтэй Их Багшийг олох хүртлээ. Над руу ир гэж байгаа юм биш. Үгүй шүү, үгүй, тэгээгүй. Би та нарыг үнэхээр нөхцөл болзолгүй хайрладаг. Та нарт үнэхээр туслахыг хүсдэг ч өөрийнхөө төлөө биш юм шүү. Та нар мэднэ гэж найдаж байна. Бурхан та нарт үүнийг мэдүүлэх болтугай. Маш их баярлалаа. Хүмүүс, амьтан-хүмүүс, модод болон бүх төрөлтнүүдэд бүгдэд нь хайртай шүү. Хайртай шүү.
