Тэд надад зүгээр л аюулгүй, нэг дороо хөдөлгөөнгүй бай гэдэг. Нэг төрлийн амьтад байна уу, өөр өөр амьтад байна уу, бүх зүйл амьтад маш олноор ирсээр л байна. Өчигдөр миний эрхий хурууны дайтай жижигхэн мэлхий ирээд миний анхаарлыг тарахыг хичээгээд надад хэллээ.
( Багшаа, Таны шавь нарт уншиж өгсөн Буддын түүхүүдийн нэгэнд, Брахма, Гурван Ертөнцийн Эзэн, Буддагаас энэ дэлхийн төрөлтнүүдийг зовж байгаа учраас бүү орхиоч гэж гуйдаг. Өөрийнхөө үйлийн үрийн хуулиар тэр хамаг төрөлтнүүдийн зовох шалтгаан нь болж байж яагаад тэр тэгсэн юм бэ? )
Сайн асуулт байна. Эндхийн дэлхий, Сүүдрийн Ертөнц, хуурамч ертөнц. Та нарт хэлье. Брахма бол материаллаг оршихуйн бүтээгч. Нэг талаараа, түүн дээр сүнснүүд ирэх бүрд “Та нар нэг нэгнээ хайрлах ёстой,” гэж хэлдэг, хайраа илэрхийлж, нигүүлсэнгүй байх учиртай, энэ тэр гэдэг. Гэтэл нөгөө талаараа энэ бүх урхи, зангыг тавьж хүмүүсийг унагаж, нэгнээ гэмтээж, амьтад гэх мэт бусад төрөлтнүүдийг гэмтээхэд хүргэж байна. Тиймээс би түүнийг загнасан. Би, “Чи хоёр нүүртэй төрөлтөн! Зүгээр л чамайг хармааргүй байна. Чадах хэнийг нь ч бай би дээш дэвшүүлнэ.” гэсэн. Тийм. (За, Багшаа.) (Баярлалаа, Багш аа.)
Шакра бурхан болон бусад бурхад заримдаа зовох ёстой байдаг. Брахма бурхад илүү удаан байдаг. Бүх Гурван Ертөнц аяндаа устаж үгүй болох хүртэл тэр байдаг. Гурван Ертөнц дахь юу ч байсан үүрд оршихгүй. Гэвч Брахма бусад бурхадаас, Хоёрдугаар Түвшний эсвэл Асурын Түвшний бурхадаас илүү удаан байдаг. Тэдгээр бурхад, захирагчид арай богино хугацаанд байдаг, олон мянган жил гэж болох ч богино юм. Эсвэл бүр үүнээс ч уддаг. Гэвч тэд байр сууриндаа удаан байхгүй, учир нь тэдний буян нь дуусна. Та нарт хангалттай буян байвал Хоёрдугаар Түвшний ямар ч бурхан болж болно. Шагжамуни Будда бас заримдаа эдгээр Диваажингуудын хаан байсан, эдгээр Диваажингуудын хаан бурхан байсан. Тийм учраас төрөлтнүүдийн төлөө хүн золиос гаргахыг хүсвэл тэд бууж ирээд тэднийг маш ихээр шалгадаг. Тэд жинхэнэ эсэхийг, эсвэл хаан ширээг нь авахыг хүссэн эсэхийг шалгадаг. Учир нь та нарын буян бурхадын буянаас давбал тэднээс хаан ширээг нь авч болдог. Буян багатай нь доош бууж, дахин хүн эсвэл бүр амьтан болж төрөх ёстой болдог. Тийм! Тиймээс тэд Буддагаас өөрсдийг нь аврахыг гуйдаг. Хамаг төрөлтнүүдийг гэдэг нь түүнийг бас дахин хүн эсвэл амьтан болж төрвөл аврахыг хэлж байгаа юм. Одоо харав уу? (Ойлголоо. Тийм.) Учир нь тэр зовдог учраас бас ойлгодог. Төрөлтнүүдийг аврахын тулд Будда болохыг хүссэн бясалгагчийг шалгадаг ч, энэ нь тэр тэднийг хүндэтгэдэггүй гэсэн үг биш. (За.) Тэр мэдэж байдаг, жинхэнэ байвал төрөлтнүүдэд их тусалж чадна. Одоо та нар ойлголоо. (Тийм, Баярлалаа, Багш аа.) Брахма болон энэ бүх бурхад, хоёр нүүртэй. Би тэднийг байнга загнадаг.
( Багш саяхан үйлийн үрийн хүч байхгүй болсон гэж хэлсэн. Энэ нь төрөлтнүүд шинэ үйлийн үрээ төлөх гэж дахин төрөхгүй харин энэ төрөлд нь эсвэл дараа төрөлд нь Диваажингийн шүүлтээр төлөх ёстой юу? )
Нөхцөл байдлаас хамаарна, хэрэв тэд сайн байж, гэмшвэл, би тэдэнд дээш явахад нь тусална. (За.) Гэвч үйлийн үрийн хүч байхгүй болсон гэдэг нь та нарт зохицуулах нэмэлт ачаа байхгүй гэсэн үг. Гэвч үйлийн үрээ та нар зохицуулах ёстой. (За.) Жишээ нь нэг улсад засгийн газар хар тамхийг хоригловол ядаж л амьдралын тань ачаан дээр нэмэгдэх тэр хүсэх хүсэл нь байхгүй байна. (Тийм.) Хүүхдүүд төрөөд, хар тамхины нэрийг ч мэдэхгүй, хар тамхийг харахгүй, үүнийг огт сонсохгүй бол тэдэнд тэмцэлдэх уруу таталт нэгээ багасаж, ачаа дарамт нь нэгээр багасна. (Тийм.) Тэд хэзээ ч хар тамхинд донтохгүй. Тэд хар тамхины донтолтоос болж хэзээ ч тамд унахгүй. (За.) Тэдэнд хэзээ ч хар тамхитай хамааралтай өвчлөл, асуудал үүсэхгүй. (За, Багш аа.) Үйлийн үрийн хүч хүмүүсийг муу зүйл хийхэд илүүтэй хөтөлдөг, хялбархан хуурч муу зүйл хийхэд хүргэдэг. Гэвч энэ нь муу зүйл хийвэл төлөөсийг нь төлөхгүй гэсэн үг биш. Төлөх ёстой. (За.) Бага л байх юм. (Ойлголоо.) Хэрэв хүмүүс өнгөрсөнд муу зүйлс хийсэн ч, одоо гэмшвэл, чин сэтгэлээсээ гэмшвэл, Их Багшийн хүч тэдэнд Диваажин руу явахад нь туслах боломжтой. (За. Баярлалаа, Багш аа.) Зүгээр дээ.
( Багш аа, бүх Сүүдрийн Ертөнцөд Арван Түвшний яг л адилхан бүтэц байдаг уу, түвшин тус бүрдээ эзэнтэй, тамтай, маяатай, мөн үйлийн үрийн хуультай? ) Үгүй, зөвхөн Сүүдрийн Ертөнцийн доод түвшнүүдэд байдаг. Өндөр түвшинд үгүй. (За, Багш аа.) Дөрөвдүгээр Түвшнөөс дээш там байхгүй. Үйлийн үр байхгүй болдог. Сүнснүүдийг муу зүйлс хийхийг уруу татаж, дахин төрөл авахад хүргэх юу ч байхгүй. (За, Багш аа.) Мөн сүнснүүд устгагдахгүй. Бид зөвхөн энэ материаллаг ертөнцөд байгаа үед л, Гурван Ертөнц дотор байгаа үед л энэ бүхэнд захирагддаг, зарим Диваажинд, зарим тамд, мөн энэ дэлхий шиг зарим материаллаг оршихуйд. Ийм зүйл асуух гээ юу?
( Бусад Сүүдрийн Ертөнцүүд адилхан... эсэхийг асуух гэсэн юм... ) Тийм, төстэй. ( За, Багш аа. Багш бусад Сүүдрийн Ертөнцөд яг л одоо манай гараг дээрх шиг нөхцөл байдлыг зохицуулж байгаа юу? ) Тийм, Их Багш тэнд байвал тэгэх ёстой. ( Өөр өөр Сүүдрийн Ертөнцүүд адил төстэй байдлаар хөгждөгийн шалтгаан юу вэ, жишээ нь тэр бүх усад гаргуудад мах болон аллага байдаг уу? ) Юу гээч, шинэ ертөнц бий болоход, жишээ нь, шинэ гараг бүрэлдэхэд, ямар нэг хүчний нөлөөгөөр, сайн эсвэл муу-с болж бүрэлдэхэд энэ нь яг л хаангүй улс шиг, хоосон, юу ч үгүй байдаг. Тиймээс очоод авахад бэлэн байдаг. Хангалттай хүчтэй л бол хэн ч тэнд очиж болно, (За.) бүтээлийн хүч шиг, Брахма шиг. Брахма Диваажингийн Гуравдугаар Диваажингийн бурхадын нэг нь эсвэл төрөлтнүүдийн нэг нь үүнийг хараад, “Өө энэ давгүй газар байна. Би тийшээ явна аа.” гэдэг. Тэгээд тэр тэнд очиж, өөрийнхөө хаанчлалыг байгуулж, юмсыг бүтээн эхэлж, бусад төрөлтнүүдийг өөрийн гарагтаа ирүүлэхээр татдаг. Ойлгож байна уу? (За.) Тэгээд энэ нь тэр бүх харилцаа, холбоог эхлүүлдэг: сайн, муу, дундаж, нэг нэгэндээ тусалсан, санаандгүй эсвэл санаатай нэг нэгнээ гэмтээсэн, гэх мэт. Дараа нь үйлийн үр дахин дахин ахин дахин бий болж эхэлдэг. (За. Ойлголоо.) Дараа нь энэ нь энэ нөхцөл байдалтай төстэй болдог. (За, Багш аа.) Шинэ ертөнцүүд, шинэ гаргууд, байнга үүссээр байна. Харин эрдэмтэд л үргэлж тэднийг олж нээгээд байдаггүй, магадгүй тэд дэндүү хол байдаг ч юм уу эсвэл үл үзэгддэг байх. (За, Багш аа.) Магадгүй тэдгээр нь үл үзэгдэх хамгаалалт хийдэг байх, бусдын нүднээс нуух гэж, учир нь тэд урилгагүй зочдоос эмээдэг. (Ойлголоо, Багш аа.)
Харж байна уу, бид бас хэдийнээ Ангараг, сар, Сугар гаргуудад халдахаар оролдож байна. (Тийм, Багш аа.) Тэд хэдийнээ оролдож, төлөвлөж, удахгүй явна. (За.) Удахгүй явахыг хүсэж байна, хэдийнээ төлөвлөж байгаа. Мэдэж байна уу? (Тийм, Багш аа.) Хүмүүс хэдийнээ сарыг зардаг. Сарны зарим хэсгийг зардаг ба зарим хүмүүс хэдийнээ худалдан авсан. Та нар мэднэ. (Тийм.) Тэгээд одоо бүр албан ёсоор эрдэмтэд хүмүүсийг тийш явбал чулуу зараарай гэж асууж, хүсэж байгаа. “Дашрамд нь хэдэн чулуу авчраад бидэнд зараарай.” Туршилт энэ тэр хийх гэж. Харж байна уу? (Тийм, Багш аа.) Бид бол булаан эзлэгчид. Гараг дэлхийнхээ асуудлуудыг бид зохицуулж чадахгүй байж бусад хэсгүүдийг, өөрсдөөсөө хол байгаа, олон зуун мянган, эсвэл сая сая гэрлийн жилийн цаана байгаа хэсгийг зохицуулахыг хүсэж байна. Бурхан минь! Их инээдтэй. Бүх зүйлс маш хурдан ба мөнх бус. Энд хэдэн мянган жил амьдрах мэт л дэндүү шаргуу хичээх юм. (Тийм.) Хариулт болов уу, эсвэл...? (Тийм, Багш аа. Баярлалаа, Багшаа.) Дараагийнх нь.
( Багш аа, Шинэ Сүнслэг Оршихуйтайгаар Багш төрөлтнүүдийг бүх өөр өөр Сүүдрийн Ертөнцөөс нэг л адил Шинэ Оршихуйд дэвшүүлэх үү? ) Тийм, тэд барилдлагатай бол. Би чадахаар бол, тэгнэ. (Хөөх. Баярлалаа, Багш аа.) Хэзээ ч тайлбай нь багадахгүй. Санаа зоволтгүй. Том, маш том. (Мэдэхэд таатай байна, Багш аа.)
( Шинэ Сүнслэг Оршихуйн талаар Багш илүү ярьж болох болов уу? Ямар вэ? Хүмүүс нь ямар вэ? Тэнд юу хийдэг вэ? ) Өө, би өөрсдийнхөө хэлээр үнэндээ хэрхэн тайлбарлахаа мэдэхгүй байна. Тэнд очтолоо хүлээ, тэгвэл мэднэ. Тэд тун эрх чөлөөтэй, маш аз жаргалтай, үүний юуг нь ч ярих боломжгүй. (За, Багш аа.) Тавдугаар Түвшинг хүртэл хэдийнээ ярих боломжгүй. Зүгээр л тэднийг тод Гэрэлтэй гэж хэлж болно, үнэхээр маш гайхалтай үзэсгэлэнтэй, маш эрх чөлөөтэй. Тэд зүгээр л оршдог. Мөн тэд хийхийг хүссэнээ хийдэг. ( Мэднэ гэхээс сэтгэл догдолж байна. ) Тийм, тийм. Бидний амьдрал тийм ч удахгүй. Хэдхэн арван жил. Тиймээс тэвчээрэй залуу минь.
( Багш аа, хамгийн сүүлд хийсэн конференцоор тэндхийн хүмүүс ямар ч “би” үзэлгүй болдог гэж Багш хэлсэн. Тиймээс тэнд ямар нэг бие даасан тусгаар байдлын мэдрэмж үгүй болдог уу? ) Үгүй, тийм биш. Тийм биш. Бид бүгд хувийн орон зайтай, тусгаар. Та нар хамтдаа нэг л бөөн гурил шиг байна гэсэн үг биш. Эрх чөлөөтэй, өөрөөрөө байх ба бүх зүйлс зүгээр. “Би” үзэл гэдэг бол зөвхөн манайх шиг ийм дэлхийд л байдаг зүйл юм. (За, Багш аа.) Тиймээс энэ нь та нарыг хүмүүстэй тэмцэлдүүлдэг маягийн нэг хүч. Атаархалтай болгодог, газар өмчирхдөг болгодог, бусдаас сайн болохыг хүсдэг болгодог, бусдыг доош түлхдэг болгодог гэх мэт. (За.) Бусад ертөнцүүдэд ийм хандлага, ийм чанар байдаггүй, хэрэггүй байдаг. (За.) Хүн бүрд хэрэгтэй зүйлээ авах гэж тэмцэлдэж, тулалдах ямар ч шаардлага байхгүй. (За.) Энэ дэлхийд, энэ бүх зүйлс бас өссөн орчин, сурсан зүйлээс болж гарч ирдэг. Хүмүүст хангалттай хоол хүнс байхгүй, хангалттай хүч байхгүй; хүчтэй нь сул доройгоо дээрэлхдэг. Тиймээс тэд эн тэнцүү байхын тулд босоод тулалдахыг хүсдэг, гэх мэт. (Ойлголоо.) Эсвэл илүү хоол хүнстэй байх гэж энэ бүх зүйлс гарч ирж, ялгарахыг хүссэн хүчийг хүчирхэгжүүлдэг. Энэ нь “би” үзэл юм. (За, Багш аа.) Диваажингийн ертөнцөд ийм зүйл байхгүй. Шаардлагагүй. Мэдээж дээд Диваажинд шүү дээ. Асурын Диваажинд, байдаг. (Ойлголоо.) (Баярлалаа, Багш аа.)
( Багшид ямар нэг мессеж хэлэхээр сүүлийн үед амьтад зочлон ирсэн болов уу, эсвэл ямар нэг өөр төрөлтөн? Эсвэл Багшийн бясалгалд? Магадгүй бидэнтэй хуваалцаж болох шинэ нээлт, Багш аа? )
Тийм, тийм. Тэд ирсээр байгаа. Харин миний бясалгалд одоо байгаа нээлтүүд бол та нарын санаа зовоод байх зүйл биш. Тэд зүгээр л намайг аюулгүй байж тэндээ үлд, бүү нүү гэдэг. Маш олон амьтад ирсээр байгаа, төрөл бүрийн төрөл зүйлийн амьтад, өөр өөр амьтад ирсээр байгаа. Өчигдөр маш жижиг нэг мэлхий, эрхий хуруу шиг минь хэмжээтэй мэлхий ирээд анхаарлыг минь татаад юм хэлэх гэсэн. Би, “За. Юу, чамд бас надад хүргэх мессеж байгаа юм уу, за хэлээрэй?” гэсэн. Тэр, “Тийм, Битгий яв, наанаа бай эсвэл Өөртөө сайн өөр хаа нэгтэй яв...” гэж хэлсэн. Би, “Хэн чамайг илгээсэн юм бэ? Чи өөрөө юу? Сөрөг хүч чамайг илгээсэн үү, эсвэл...? Чи хаанаас ирсэн юм?” гэж асуусан. Эм байсан уу? Эр байж. Тэр надад, “Divinity намайг илгээсэн” гэсэн. Би, “Хөөх! Тэдэнд илүү жижиг өөр зүйл байхгүй юм байхдаа?” гэсэн. Тэгээд би, “За. Маш их баярлалаа.” гэж хэлсэн. Удаа бүрд би тэдэнд талархдаг. Учир нь аалз, мөн төрөл бүрийн хэрмүүд, шувууд, мэлхийнүүд, өмхий хүрнүүд хүртэл ирдэг. Өмхий хүрэн үнэхээр үзэсгэлэнтэй байсан. Толгойноосоо сүүлээ хүртлээ цагаан судалтай, мөн хөлдөө бас цагаан зүйлтэй. Өө, үнэхээр үзэсгэлэнтэй! Маш үзэсгэлэнтэй. Тэр надад адил зүйлийг хэлсэн. Би, “Яагаад та нар яг ийм адил зүйл хэлэх ёстой юм бэ?” гэхэд тэд, “Үүнийгээ илүү хүчтэй, хүчирхэг болгох гэж юм. Тэгснээр та үүнийг тоохгүй орхихгүй. Таныг энд байлгах илүү хүчтэй энерги бий болгох гэж.” гэсэн. Би, “За. Би үүнийг бодолцоно оо, гэхдээ би нүүх ёстой болбол нүүнэ. Гэвч ирсэнд маш их баярлалаа.” гэсэн. Тэд бүр амь насаа эрсдүүлсэн. Миний анхаарлыг татах гэж тэд зарим нэг аюултай газруудад орж ирдэг. Би, “Та нар өөр бусад дээр ингэж болохгүй шүү, тэд жижгүүдийг нь няцалж мэднэ.” гэж хэлсэн. Мөн би тэдэнд, “Амьд юу ч бүү ид, хаягдсан зүйлсийг ид.” гэж хэлсээр байгаа. Тэгвэл би тэднийг Диваажинд хүргэж болно. Тэгээд л болоо. Богинохон харилцдаг. Дотоодод тэд надад бусад зүйлс хэлдгийг, заримдаа та нарт хэлж болохгүй. (За, Багш аа. Ойлголоо.) Мөн хэрэв та нар надад ийм их ажил үргэлжлүүлэн, өдөр бүр өгсөөр байвал, дотоод и-мэйлээ шалгах цаг зав ч надад гарах эсэхийг мэдэхгүй. Би үнэхээр харамсаж байна. Заримдаа би дотоод судалгаа илүү хийхийн тулд үүнийг орхиё гэж боддог ч зүгээр л чаддаггүй. Надад бүх зүйл байх боломжгүй. Харамсалтай. (За, Багш аа.)
( Тэр бүх амьтад, төрөлтнүүд зөвхөн Багшид туслах гэж Диваажингаас бууж ирсэн үү эсвэл тэд зүгээр л Диваажинтай илүү ойрхон байдаг болохоор хүмүүс шиг хаалтгүй байдаг ба тийм учраас тэд Багшид өгөх эдгээр мессежийг хүлээн авч чаддаг уу? )
Таны зөв, тэд хүмүүс шиг хаалтгүй. Тэдэнд хүн-биш байх сул тал байдаг ч бидэн шиг хаалттай биш гэсэн давуу талтай. Бидний бодол тархи хэт завгүй учраас ажиллагаатай байсаар байхын тулд олон зүйлийг хаадаг. Өнгөрсөн төрлийнхөө талаар, мөн дараа нь юу хийх вэ, гэх мэт талаар хэт их зүйл мэдвэл гайхалтай, тийм үү? (Тийм, тэгнэ.) Гэвч өнгөрсөн төрлийнхөө талаар дэндүү ихийг мэдэхийг хүсвэл, тийм ч сайнгүй байж мэднэ. Хэрвээ та нар өөрсдийгөө энэ улсын хаан байсан гэдгээ мэдтэл, одоо зөвхөн хоолны төлөө Суприм Мастер ТВ-д ажиллах ёстой болж байвал, та нар өдрийн хоёр хоолны төлөө баяртай байх эсэхийг мэдэхгүй. (Үнэхээр баяртай.) Магадгүй хаан ширээгээ эргүүлэн авах гэж хувьсгал гаргаж мэднэ. Хэн мэдлээ? Эсвэл хөрш тань эхнэр тань байсныг мэдвэл, та нар очиж түүнийг хараад, “Бурхан минь, тун царай муутай! Яах вэ?” гэнэ. (Тийм.) Тэгэхээр энэ бол хараал, гэвч их зүйл мэдэхгүй байх нь бас адислал юм. Бид өдөр тутмынхаа юмыг л хийнэ. Яг л над шиг, нэг минутаас нөгөөд. Нэг минутаас дараагийнхад, зүгээр л урдаа байгаа хийх ёстой зүйлээ хий. Тэгээд мэдээж залбир, бясалга. Дундаж ид. Ийм байдлаар. (За, Багш аа.)
