Энгийн Амьдарж Эрх ЧөлөөтэйБайхуй

Орчин цагт бид аливаа зүйлийг хийх, илүү ихийг бүтээхийн тулд олон сэтгэлгээ хэрэгтэй. Материаллаг хангалуун байдал нь бидэнд үргэлжийн аз жаргал, оюуны амар амгаланг өгдөг гэдэгт итгүүлэхийн тулд нийгэм бидний тархийг угаадаг юм. Гэлээ ч өнгөрсөн болон одоо цагийн ухаантан мэргэд тэс ондоо хэтийн төлөвийг дэлхийн хүмүүстэй хуваалцдаг юм. 20-р зууны агуу эрдэмтэн гэгддэг Альберт Энштейн “Амжилтын төлөө амрах чөлөөгүй ажиллахаас илүү тайван энгийн даруу амьдрал нь аз жаргалыг авчирдаг” гэсэн үзэлтэй байжээ.

Амар амгалан, зөв зохистой амьдралын хэвшлийг бий болгохын тулд ямар алхам байна вэ? Ухамсартайгаар дасгал хөдөлгөөнөөр хичээллэх нь бие махбодоо мэдэрч, цусны эргэлт сайжирч, оюун ухаан саруул болно. Өдөр бүр бид тусгай багаж шаардагдахгүй энгийн иога, тайчи, чигон зэрэг дасгалуудыг хийж болно. Гадаа 15 минут алхах нь үнэ төлбөргүй бөгөөд бие махбод, сэтгэц, сэтгэл санааны онцгой шагнал болдог.

Бид өдөр бүрийн бясалгалаа эн тэргүүнд тавих ёстой. Аль болох өглөө эрт оюун ухаан нь тайван амгалан, хөршүүд чинь чимээгүй байгаа үед хамгийн түрүүнд бясалгахыг хичээгээрэй. Боломжтой бол өдрийн цагт өөрийн бурхан-чанартайгаа холбогдохын тулд бясалгаарай. Хамгийн дээд хүчинд төвлөрч ухамсар болон билиг ухаанаа хөгжүүлэх нь бидний бие махбодын сайн сайхан байдалд ач тустай.

Бид гэрээсээ шаардлагагүй зүйлээ цэвэрлэж, өөрсдийн сүнсийг өргөхийн тулд өрөөгөө нямбай, цэвэрхэн байлгаж чадна. Жишээ нь, бид өмсдөггүй хувцас болон гутлаа хуучин барааны дэлгүүрт эсвэл гэр оронгүй хүмүүст бид өгч болно. Бид дахин уншихгүй номуудаа сургууль эсвэл нийтийн номын санд хандивлах нь маш сайн санаа юм. Бид сүүлчийн 2 жилд хэрэглэдэггүй зүйлсээсээ ангижирснаар бидэнд зайлшгүй шаардлагатай зүйлсийг түргэн шийдвэрлэх гайхалтай арга юм. Гэрийн цэвэрхэн сийрэг орчин нь сэтгэлийн амар амгаланг авчрахад тусалдаг.

АНУ-ын веган зохиолч, минималист Лео Бабаута нь “Бага байхын хүч” номдоо зарим зааварчилгаа зарчмуудыг өдөр бүрийн амьдралдаа төвөгтэй байдалтай тулдаг, стресст ордог хэн бүхэнд санал болгосон байна. Түүний зөвлөгөөний үндэс нь зайлшгүй шаардлагатай болон шаардлагагүй гэдгийг ялгах чадвар юм. Бид билэг ухаанаа ашигласнаар бидний ач холбогдолгүй зүйлсийг бүгдийг нь ялгах ба зөвхөн хамгийн чухал зүйлүүдэд анхаарлаа төвлөрүүлэн энгийн амьдардаг.