Авшиг хүртсэний минь ойгоор чин сэтгэлийн залбиралд минь хариулсан Тандаа гүнээ талархъя.

Канадын Торонто хотоос Артан-ы ирүүлсэн сэтгэлийн үгийг одоо хүргэе:

Төгс Гэгээрсэн Их Багш болон бүх эрхэм авшигтан ах, эгч нартаа мэндчилье. Би Канадад амьдардаг иран хүн. Миний хамгийн том хүсэл Арьяабалын авшиг хүртэх байсан бөгөөд ноднин жил биелсэн. Авшиг хүртсэнээс хойш нэг жил өнгөрчээ, Төгс Гэгээрсэн Их Багш Чин Хай Тандаа талархлаа ямар үгээр илэрхийлэхээ мэдэхгүй байна. Авшиг хүртсэний минь ойгоор манай хотод хүн бүрийн сэтгэлд хүчтэй нөлөөлсөн зүйл болсон юм. 14 настай еврей охин сураггүй алга болж, хоёр долоо хоногийн турш ямар ч мэдээлэлгүй байгаагүй. Ар гэрийнхэн нь охиндоо маш их санаа зовж байсан бөгөөд би ч энэ мэдээг сонсоод гүнээ гуниглан, сэтгэл шимширсэн.

Түүний алга болсон газарт би, Төгс Гэгээрсэн Их Багш Чин Хай Танаас энэ охин болон түүний гэр бүлд нь тусалж, тэд энэ хүнд үеийг даван туулж, охин нь эсэн мэнд гэртээ эргэн ирээсэй хэмээн чин сэтгэлээсээ залбирсан. Миний залбирснаас ердөө нэг хоногийн дараа буюу тавдугаар сарын 29-нд цагдаа нар охиныг олсон бөгөөд ямар ч гэмтэлгүй гэж мэдэгдсэн. Энэ мэдээг сонсоод би туйлын их баярлаж, үүнийг Төгс Гэгээрсэн Их Багш Чин Хайн агуу Адислал гэдэгт итгэлтэй байсан. Авшиг хүртсэний минь ойгоор чин сэтгэлийн залбиралд минь хариулсан Тандаа гүнээ талархъя. Төгс Гэгээрсэн Их Багш Чин Хай Та минь, биднийг ганц хором ч бүү орхиоч. Таны Агуу сүр хүч, мөнхийн Хайр Энэрэлд баярлалаа. Артан, Канадын Торонто хотоос

Халуун сэтгэлт Артан, Нэгэн үзэсгэлэнт сүнс манай Арьяабалын Гэр бүлийн гишүүн болох бүрд бид баярладаг. Таны залбирал бараг тэр даруй биелж, алга болсон охин хайртай хүмүүстэйгээ эсэн мэнд эргэн уулзсанд бид БУРХАНД талархаж байна. Хүн бүрийн зүрхэнд амар амгалан цэцэглэж, та болон Канадын энэрэнгүй хүмүүсийг илүү эв зохицолтой дэлхийг бүтээх урам өгөх болтугай, Суприм Мастер ТВ-ийн хамт олон

Жич: Их Багш танд чин сэтгэлийн захиас илгээлээ: “Энэрэнгүй сэтгэлт Артан, хүртсэн адислал бүрдээ талархдагт баярлалаа. Мэдрэхүйт төрөлтөн бүрийн зовж шаналсан ямар ч дуу Тэнгэрт хэзээ ч анзаарагдалгүй өнгөрч байгаагүй. Гэвч олон амьдралын турш бий болгосон бидний үйлийн үрийн хүнд ачаа дарамт нь Тэнгэрлэг Оршихуйнуудын энэрэнгүйгээр хайрлан өгч буй удирдамж, тусламжийг хүлээн авахад саад болж магадгүй. Энэ шалтгааны улмаас биднийг төрөлт, үхэл, дахин төрөлтийн тасралтгүй мөчлөгөөс гэтлэхэд туслах амьд гэгээрсэн Их Багш хэрэгтэй. Та болон ариун дагшин Канадын нутаг гэгээрсэн нийгмийг тэтгэн хөгжүүлэх болтугай. БУРХАН танд маш хайртай.”