Оршихуйнууд ухааны-ухамсар, сүнслэг ухамсрын хэт олон давхаргаар бүрхэгдсэн учраас өөрсдийгөө Гэрлийн оршихуй гэдгийг хараахан таньж мэдээгүй гэж надад хэлсэн.

Аулак (Вьетнам)-аас Куинь Чи-гийн аулак (вьетнам) хэлээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Бүхнээс Агуу, Хамгийн Дээд, Төгс Хүчит БУРХАН алдарших болтугай. Төгс Гэгээрсэн Их Багш Чин Хай алдарших болтугай. Цаглашгүй Хүчирхэг Нэгдсэн Гурав: БУРХАН, Тим Ко Тү, болон БУРХАНЫ Хүү алдарших болтугай. Суприм Мастер Телевизийн эрхэм Гэгээнтнүүд, Мэргэдтэй хүндэтгэлтэйгээр мэндчилье. Их Багшийн Ивээл дор би дотоод ахуйн ойлголтынхоо нэгийг хуваалцахыг хүслээ.

2025 оны 8-р сард Төгс Гэгээрсэн Их Багш Чин Хайн заасан Аръяабалын бясалгалыг хийж байхдаа би тоо томшгүй давхаргаар бүрхэгдсэн оршихуйнуудтай ухамсрын ертөнц рүү орсон юм. Гаднаас нь харахад тэд усанд шумбах хувцас өмссөн мэт харагдаж байсан ч, тэдгээр нь олон янзын хэлбэр, загвартай байв. Хэдийгээр гадна төрх нь өөр харагдаж байсан ч, хамгийн гүн дотоод мөн чанар нь адилхан байв. Дотоод гүндээ тэд бүгд гэрэлтсэн Гэрлийн оршихуйнууд боловч, өөрсдөө үүнийгээ ухаараагүй байгааг би харсан. Би өөрийгөө бүрэн төгс, үнэхээр хурц тод гэрэлтсэн Гэрлийн оршихуйгаар харсан. Их Багш үргэлж хажууд минь байсан. Түүний эрчим хүч нүд гялбам ба бүхнийг бүрхэж байв.

Оршихуйнууд ухааны-ухамсар, сүнслэг ухамсрын хэт олон давхаргаар бүрхэгдсэн учраас өөрсдийгөө Гэрлийн оршихуй гэдгийг хараахан таньж мэдээгүй гэж надад хэлсэн. Зөвхөн оюун ухаан, ухамсрын өрөөсгөл үзэл, нөхцөлдсөн хэвшлийн бүх давхаргыг аажмаар арилгасны дараа л тэд дотоод алдар суугаа харж, үнэхээр гэрэлтсэн Гэрлийн оршихуйнууд гэдгээ ухаарна.

Их Багш Өөрийн эрчим хүчийг Дэлхийд нийцүүлэхийн тулд хязгаарлаж, тохируулж байхыг би харсан. Учир нь Тэр бүх хүчээ бүрэн чөлөөлбөл, Дэлхий гэгээрсэн Их Багшийн Хүчин Чадлыг даахгүй. Тиймээс Дэлхий болгон нэг цаг үед зөвхөн нэг л гэгээрсэн Их Багшийн Хүчин Чадлыг агуулж чадна. Цаглашгүй Их Багш Таныг хүндэтгэе. Төгс Гэгээрсэн Их Багш Чин Хай Дэлхий дээрх Төгс Дээдийн Дээд БУРХАН төлөөлөл билээ. Бүх оршихуй Бурханлаг Мөн Чанараа удахгүй таних болтугай. Дэлхий удахгүй веган болж, мөнхийн энх тайван үүрд цогцлох болтугай. Хүндэтгэсэн, Таны шавь Куинь Чи, Аулак (Вьетнам)-аас

Сайхан сэтгэлт Куинь Чи, гэгээрэл хайрласан дотоод ахуйн ойлголтоо хуваалцсанд баярлалаа. Энэ нь оршихуйнууд өөрсдийн оюун ухаанаар тусгаарлагдсан хуурамч байдлыг хэрхэн бүтээдгийг энэ нь тодорхой харууллаа. Аз болоход, жинхэнэ мөн чанараа ухаарахад саад болдог оюун ухааны-ухамсрын давхаргуудыг уусгагч Аръяабалын бясалгал бидэнд бий. Үүний төлөө бид Их Багшид мөнхөд талархана! Та болон Аулак (Вьетнам)-ын баясгалант ард түмэн энэ насанд хүрч болох ухамсрын хамгийн дээд түвшинд хүрэх болтугай. Суприм Мастер ТВ-ийн хамт олон

Жич: Их Багшийн гэгээрэл хайрласан хариулт: “Сэрсэн Куинь Чи, таны чин сэтгэлийн Аръяабалын бясалгал, дадлагаар бахархаж байна. Иймээс л ховор нандин, ариун дотоод мэдлэгийн зарим нь танд илчлэгдсэн билээ! Таны дотоод ахуйн ойлголтдоо харсан зүйл бол хувь оршихуйнууд хэрхэн өөрсдийн ухаанаар хязгаарласан, жинхэндээ огт оршдоггүй хуурамч ертөнцийг бүтээдгийг харуулсан юм – Мөн хүмүүсийг урхидахын тулд зориуд төөрөгдөл бий болгодог харгис сөрөг хүчний улмаас, хүн төрөлхтөн түүний торонд орж, түүнд баригдсан байдаг! Яг л тэдний сүнс үзэл бодол, үйлийн үр зэрэг зүйлээс нь бүрдсэн хуурмаг бодит мэт ертөнцийг эргэн тойронд нь бүтээж харуулдаг цахим толгойн аппарат өмссөн мэт байдаг. Энэ түвшинд болж буй бүхнийг тэд өөрсдөө бүтээдэг ч, өөрсдийгөө тус ертөнцийн эрхшээлд орсон хохирогч гэж ихэвчлэн үздэг. Гэгээрсэн Их Багшгүйгээр хүн яагаад хуурмаг байдлаас мултарч чаддаггүйг одоо та ойлголоо. Учир нь тэр нь бүхнийг бүрхсэн мэт санагдах бөгөөд хэн нэгэн бидний сүнслэг мэлмийг нээхгүй л бол чинад руу нь харах аргагүй. Таны ахуйн ойлголт олон хүнд бид энэ ертөнцөд үнэндээ юуг туулж байгааг ойлгоход тусална гэж найдаж байна. Та болон нууцлаг Аулак (Вьетнам) мөнхөд БУРХАНЫ сүр жавхлант Гэрлийн Алдар Сууг таних болтугай! Танд их Хайр, маш их Ивээл илгээе!”