Хөтлөгч: 11-р сарын 19-ний баасан гарагт Суприм Мастер Телевизийн ажлын багийнхантай бидний Хамгаас Хайрт Төгс Гэгээрсэн Их Багш Чин Хай дэлхийн төлөө дияан бясалгалаасаа цаг гарган дахин нэг конференц хийж ажлын багийнхны сүүлийн үед Католикийн Сүмд болоод байгаа үйл явдлын талаарх асуултуудад хариулсан юм.
“CBS-ийн мэдээ – 2021 оны 11.17:
Сүмийн хүн (эр): Эзэн Бурхан, Эцэг Хүү Ариун Сүнсний Нэрийн өмнөөс.
Сурвалжлагч(эр): Балтиморт болсон Америкийн Католик сүмийн хамба нарын уулзалтаар папын АНУ-д томилогдсон элч Ариун цуглааныг хэрхэн зохион байгуулах тухай хэлэлцүүлэг хийхээсээ өмнө “сонсох” шаардлагатай гэж сануулжээ.”
“CBS News-ийн мэдээ – 2021.11.18: Америкийн Ромын Католик Сүмийн хамба лам нар хэн Ариун Нэгдэлд оролцох талаар шинэ удирдамжийг баталсан байна. Энэ асуудал Ерөнхийлөгч Байден зэрэг үр хөндөх эрхийг дэмжиж байгаа католик шашинтай улс төрч энэ ариун цуглаанаас адис хүртэж болох эсэхээс үүдсэн маргаанаас болжээ. Шинэ удирдамжаар бол тэднийг Ариун Нэгдэлд оролцохыг шууд хориглоогүй байна. Гэхдээ зарим хамба лам нар тэднийг адислахаас татгалзахыг бас хориглоогүй байна.”
(Багш аа, саяхан АНУ-ын Католик сүмүүдийн хамба нарын бага хурал Балтиморт болж, тэнд хэлэлцсэн асуудлуудын нэг нь Ариун нэгдэл ёслол болон түүний талаарх бодлого байсан. Хэдийгээр энэ тухай шууд утгаар дурдаагүй боловч гол шалтгаан нь Байден үр хөндөлтийг дэмжиж буйг зарим хамба нар эрс эсэргүүцэж байгаа явдал. Ийм тохиолдолд түүнийг Ариун нэгдэл ёслолд оролцуулах ёсгүй гэсэн саналыг зарим нь гаргасан. Бага хурлын шийдвэрээр Байден мэтийн үр хөндөлтийг дэмждэг албан тушаалтнуудыг олон нийтийн өмнө Ариун нэгдэл ёслолд оролцохыг хориглохгүй гэж үзсэн. Гэхдээ тухайн хамба өөрийн сүмдээ Ариун нэгдэлд оруулах эсэхээ шийдэх эрхтэй хэвээр. Их Багш энэ талаар бодлоо хэлж болохсон болов уу? […]) Зарим нь дэмжиж, зарим нь эсэргүүцсэн, тийм үү? (Тийм.) […]
Тэд бүгд гэгээрээгүй болохоор л ийн хэлэлцэхэд хүрч байна. Уг нь энэ талаар зөвшилцөөд байх огт шаардлагагүй юм. (Тийм, Багш аа.) Бүх шашны номлолд “Амь тасалж болохгүй” гэж сургадаг. (Тийм.) (Үнэн.) (Мэдээж. Тийм.) Гэтэл тэд жил бүр дэлхий дахинд үй олноор нь, 40, 50 саяар нь хөнөөж байна. (Ай. Тийм.) Бурхан минь. Тэгсэн хэр нь олон ч улсад залуу үе болж өсөн торних хангалттай нялхас байхгүй хэмээн гомдоллох юм. (Тийм, Багш аа.)
Яаж үр хөндөлтийг бүр хэлэлцэж чадаж байна аа? Үр хөндөлтийн талаар хэлэлцэх юм огт байх ёсгүй. Тийм үү? (Тийм ээ.) Баримтат кино болон мэдээн дээрээс харсан тэр аймшигтай байдлаар та биднийг үр хөндөөд авчихсан байсан гээд бодоод үз дээ. Ёстой аймшигтай. (Энэ бол аймшиг.) Тамаас ч дор. (Яг тийм.) Чөтгөрийн үйлээс өөрцгүй. Тиймээс тэд Бурханд үйлчилдэг номлогч гэгч мөн л юм бол энэ талаар хэлэлцээд байж байх ёсгүй. (Тийм, Багш аа.) Ойлгож байгаа биз дээ. (Маш ойлгомжтой байна.)
Гэхдээ би зарим номлогчид Бурханы хуулийг дагаж, том, жижиг гэлгүй амийг хамгаалах ёстой гэдгийг мэдэх хэмжээнд хангалттай гэгээрсэн байгаад баяртай байна. (Тийм.)
“AP Archive-ийн мэдээ – 2021.11.16:
Ворис (эр): Бид тэнд хоёр давхарт номлогчдын залгамжлагчдын төлөө голлон залбирч байна. Тэдний олонх нь үнэний өмнө харалган байна. Тэдний итгэл нь гуйвж итгэлийн зааврыг умартжээ. Харин одоо тэд ч бид ч үүний үрээр зовж шаналцгааж байна.
Рандиси (эр): Эндээс хамба нарт хандан Кэноны 915-р хуулийг дагаж мөрдөхийг шаардах ёстой бөгөөд энэ хууль мөнх бусын нүгэл үйлддэг, үр хөндөлтийг дэмждэг хүмүүсийг, улс төрчдийг хүлээн зөвшөөрдөггүй ба тийм хүмүүс Ариун Нэгдэлд оролцох ёсгүй.”
“CBS-ийн мэдээ – 2021.06.17: Кордилеон хэлэхдээ тэр өөрөө ерөнхийлөгч Байденыг сүмийн хувьд ноцтой асуудлын эсрэг байр суурь олон нийтийн өмнө баримталж байгаа тул Ариун Нэгдэлд оруулахгүй гэв. (Бид магтах үедээ магтана, гэхдээ бид засах шаардлагатай зүйлсийг залруулах хэрэгтэй.)”
“EWTN-ийн мэдээ – 2020.10.30: Тэд өөрсдийгөө Католикчууд гэх хэр нь үр хөндөлтийг хуульчлахыг дэмжинэ гээд яваад байгаа нь бас нэг асуудал тарьж байна. Учир нь тэд бусдын итгэлийг төөрөгдүүлж “би сайн Католик шашинтан гэхдээ үүнийг дэмжиж байна. Та ч гэсэн үр хөндөлтийг дэмжиж болно”гэж байна.”
“EWTN-ийн мэдээ – 2021.01.29: Түүний сүнс аюулд орсонд итгэлтэй байна. Мөн тэд юмсыг эерүүлэн зөөллөж хэлдэг... Хүний үндсэн эрхэнд халдан хүчирхийлэл үйлдчихээд эерүүлэн зөөллөж ярьдаг. Тэгээд энэ бол ядуусын эрүүл мэндийг хамгаалж буй хэрэг гэнэ. Ямар эрүүлийг хамгаалах арга хоёр хүний нэгийг нь үхүүлээд нөгөөг нь сэтгэл санааны, сүнсний, тэр ч бүү хэл биеийн хувьд шархлуулж орхидог байна аа?”
“EWTN-ийн мэдээ – 2020.10.30: Гэм зэмгүй хүний амийг таслах үйлд ёс суртахууны ямар ч үндэслэл үгүй. Үр хөндөлт бол хүний аминд хамгийн эмзэг, амиа хамгаалах хамгийн чадамжгүй үед нь халддаг.”
“Focus on the Family-ийн мэдээ – 2021.11.06: Бид арван долоо хоногтой хүүхдийн хэт авиан болон дүрс бичлэг, зургуудыг харцгаалаа. Тэд хэвлий дотор дээш доош болж эргэж хөрвөөн хөдөлж байна.”
Ялангуяа тэр бяцхан хүмүүс сул дорой байгаа шүү дээ. (Тийм, биеэ хамгаалж чадахгүй.) Тэд яг л дэлгэрээгүй, эсвэл хагас дэлгэрч эхэлсэн цэцэгс шиг бүрэн гүйцэд боловсрох хугацаагаа л хүлээж байгаа. Энэ бол үнэхээрийн харамсалтай хэрэг. Мөн үүнийг дэмжих нь хүртэл харгис муу нүглээс ч дор. (Тийм, Багш аа.)
(Шашны удирдагчид юуны өмнө бүхий л амийг хамгаалах ёстой...) Тийм. Та нарт олон удаа хэлж байсанчлан чөтгөрүүд зөвхөн муу хүмүүсийг л шийтгэдэг. Гэтэл ураг, нялхас ямар ч гэм зэмгүй. (Тийм. Ямар ч гэмгүй. Яг үнэн.)
Номлогч гэгдэх хүмүүс үр хөндөлтийг дэмжээд байгаад би итгэж чадахгүй юм! Яагаад гэвэл Ариун нэгдэлд үүнийг дэмжсэн төр засгийн эрх мэдэлтэн, аливаа бүлэг, хүн, ямар нэг төр засгийн тэргүүнийг оруулах л юм бол та нар үүнийг хөхиүлэн дэмжсэн хэрэг болно. (Тийм.) Наад зах нь та нар үүнийг үл тоож, эсвэл тэдгээр хүмүүст энэ бол нүгэл гэдгийг нь мэдрүүлж, сэрээж сэхээрүүлэхгүй байна гэсэн үг. Гэтэл тэр янзаар нь байлгаж байна.
Дахин хэдэн хүүхэд, төрөөгүй нялхас, дөнгөж төрсөн үрс хүн төрөлхтнийг сэрж сэхээрэх хүртэл энэ зэрлэг балмад байдлаар, бузар харгислалд алуулсаар байх юм бол. (Яг үнэн.) Амьтны аймгийн ард иргэдийг ч хүртэл алах ёсгүй шүү дээ. (Яг тийм.) […]
Бүхий л төрөлтөн амьдралд хайртай учраас (Яг үнэн.) амьтны аймгийн ард иргэдийг идэхээ зогсоох учиртай. (Тийм.) Өөрсдийн төрөл зүйлийн, өөрсдийн мах цусны тасархай, өөрсдийн хэвлий дэх үрсийн талаар бол ярих ч юм биш. Аймшигтай юм. […]
“Focus on the Family-ийн мэдээ- 2021.06.20: 1973 оноос хойш жаран хоёр сая хүүхэд гэдэг бол Калифорни болон Флорида мужийн нийт хүн амын хэмжээнд хүрсэн гэсэн үг. Би Флоридад амьдардаг юм. Флоридад бид далайн яст мэлхийн зулзагыг өндөг байхад нь хамгаалдаг. Хэрэв Пенсакола эрэг дээр очоод төрөөгүй байгаа, эх нь элсэнд булж орхисон далайн яст мэлхийнүүдийг сүйтгэвэл нэг жил хорих ял авч 100,000 ам. доллароор торгуулна. АНУ-д хуулийн дагуу 62 сая хүүхдийн амийг авна гэдэг бол Эзэн Бурханы нүдний өмнө гарцаагүй нүгэл үйлдэж буй хэрэг.”
Ийм хамгийн хүнд нүглийг үл тоож, эсвэл дэмжиж, бүр хайхрахгүй байгаа бүх номлогч энэ үйлийнхээ үрийг эдлэх болно. (Тийм.) Тэр нялхас хэвлийд байхдаа үзэж туулсныг, гэхдээ бүр маш олон дахин удаа тамд эдлэн тарчилна. (Ай. Тэгнэ.) Ялангуяа буруу зөвийг нь хэдийнээ мэддэг номлогч хүн байж ийм жигшүүрт хэргийг (Яг тийм.) хүлээн зөвшөөрч, тэр бүү хэл бодол сэтгэлдээ эсвэл ямарваа нэг шалтгаанаар хийж байгаа бол ингэдэг л жамтай. Хүүхдийг заавал өөрийн гараар хөнөөгөөгүй байлаа ч лай ланчгаа үүрэх л болно. Тэгж байж энэрэл нигүүлсэл гэж юу болохыг, зовлон шаналал гэж юу болохыг мэдэж авна. (За, Багш аа.) […]
Бусдад хийсэн зүйл өөрт чинь эргэж ирэх болно. (Тэгнэ.) Энэ бол энэ физик ертөнцийн хууль юм. Хэн ч зугтааж чадахгүй. (Тийм.) Тэр тусмаа нүгэл гэдгийг нь мэдсээр байж хүлээн зөвшөөрсөн эсвэл ийм үйлийг (Тийм, Багш аа.) өөгшүүлсэн, үл хайхарсан хүмүүс бүр ч зугтаж чадахгүй. (Тийм. Тэд одоо болтол үр дагаврыг ойлгохгүй л байна. […])
Энэ бүх үнэхээр сул доройгоос ч сул дорой амьтны аймгийн ард иргэд болон нялх хүүхдүүдийн төлөө би маш их уйлсаар байгаа. Хүмүүс тэдэнд тамаас дор хандаж байна шүү дээ. (Тийм ээ. Итгэмээргүй.) Ямар ч гэмт хэргээс дор. (Тэдэнд яадаг ч байсан ингэж хандах ёсгүй.) Ёсгүй! Гэмт хэрэгтнүүдэд хүртэл тэднийг өмгөөлөх өмгөөлөгч гэж байдаг биз дээ. (Тийм.) Ялыг нь хөнгөлж, эсвэл бүр тэр хэрэгт буруутгахын тулд бүхий л баримт нотолгоо байх ёстой. Гэтэл энэ нялхас ямар ч буруу зүйл хийгээгүй. (Тийм.) (Тийм. Үнэхээр зүрх сэтгэлгүй явдал.) […]
“CBS This Morning-ийн мэдээ 2021.06.17: Сан Диегогийн хамба Роберт МакЭлрои өнгөрсөн сард Эвхаристыг зэвсэглэх нь манай улсыг зовоож байсан тэрхүү аймшигт партизаны хуваагдлыг мөргөлийн ёслолд авч ирэх болно гэж бичжээ.”
(Багш аа, бага хурлаар яригдсан асуудлын нэг нь үр хөндөлтийг дэмжигч улс төрчдийг ариун ёслолд оролцуулсан хэвээр байхгүй бол зөрчил үүсэж Ариун нэгдлийг улс төржүүлсэн хэрэг болно хэмээн зарим номлогчид үзээд байгаа явдал юм. Үнэхээр тэгэх үү, Багш аа?)
Үгүй. Тийм юм болохгүй. Тэд нэгдмэл байж, зөрчилгүй байхыг хүсвэл Есүсийн, Бурханы, Библийн сургаалыг дагацгаах (Тийм.) (Ойлголоо, Багш аа.) ёстой шүү дээ. Ойлгов уу? (Тийм.) “Амь тасалж болохгүй.” Маш энгийн. (Тийм.) Үүнд маргаад байх юм байхгүй. (Тийм.) Тэд нар бүр номлогч шүү дээ. (Яг тийм.) Тэд энэ бүх хуулийг цээжээрээ мэднэ. (Тийм.) Тэд юугаар ч дутаагүй. Хүмүүс тэднийг шүтэж, тэдэнд итгэж байхад тэд хүмүүсийг зөв зам руу чиглүүлэх учиртай. (Тийм.) […]
Өдөр бүр ямар олон хөөрхий сул дорой, биеэ хамгаалж чадахгүй нялх үрс ингэж зовж үхэж байгаа бол? (Тийм, Багш аа.) Номлогчид болон Католикийн эзэнт гүрний хаан пап гэгч, эд нар тэднийг өгдөөж байна. (Тийм.) “Алив ээ тэг, үр хөндөлт хий” гэж шууд хэлэхгүй байлаа ч үүний эсрэг юу ч хэлэхгүй байснаар зүгээр юм байна гэдэг ойлголт төрүүлснээр өөгшүүлж байна. (Тийм, Багш аа.) “Гуйя, хүүхдийн амь, эсвэл эхийн амь нас, эсвэл хоёуланд нь үнэхээрийн гарцаагүй нөхцөл үүсээгүй л бол битгий” гэсэнгүй. (Тийм, Багш аа.)
Тэд бол билиг ухаан болон зөв зүйтэй зүйлд, ёс суртахууны хувьд бамбар болон чиглүүлэх учиртай хүмүүс. (Тийм. Үнэн.) Үүний төлөө л хүмүүс тэдэнд итгэж, (Яг үнэн.) нөлөө бүхий нэгэн болгон оршин суух том сүм барьж өгсөн. (Тийм, Багш аа.) Гэтэл ийм янзын зүйлийг үл тоон, эсвэл дэмжих л юм бол чөтгөрийн гар хөл болсноос өөрцгүй. (Тийм. Яг үнэн.)
Тэд хүмүүст хуулиудыг, “Амь тасалж болохгүй” гэдгийг зааж сургах ёстой. Өөртөө учраасай гэж хүсээгүй зүйлийг бусдад бүү учруул. Их энгийн шүү дээ. (Тийм ээ, их энгийн.) Таван настай хүүхэд ч ойлгоно. (Тийм.) […]
Адис ерөөлт жинхэнэ номлогчид бол амь амьдрал, энэрэл нигүүлслийн төлөө байдаг. (Тийм, Багш аа.) Эд нар ямар гээч номлогчид юм байгаа юм. […]
Библид та нар бүгдээрээ ахан дүүс, бүгдээрээ Бурханы үр сад учраас бие биеэ хайрлах ёстой гэж сургасан байдаг. Гэтэл өөрийн ахан дүүсээ, тэр бүү хэл өөрийн үр хүүхдээ яаж шуудхан хороож чадаж байна вэ? Хэвлийд байгаа үрсийг. (Ойлгож байна, Багш аа.) […] Бүгд Бурханы бүтээл шүү дээ. Бурхан тэднийг бусдад тустай ямар нэг юм хийлгэхээр дэлхий рүү илгээхийг хүссэн. (Тийм, тийм.) Ямар ч нялхасгүй болж бид бүгд үхэж үрэгдээд дуусна гээд төсөөл дөө. (Тийм ээ. Сайнгүй.) Бурхан үүнийг хүснэ гэж үү? (Үгүй.) Үгүй! Бурхан биднийг амьдралаа үргэлжлүүл гэж дэлхийг бүтээсэн. (Тийм, Багш аа.) […]
Өөр өөр шашнуудын хувьд ч санваартан нь итгэгчдийнхээ гэрэлт цамхаг нь байдаг. (Тийм, яг тийм.) Тэд бусдыг замчлахын тулд юуны өмнө гэгээрсэн байх ёстой. (Тийм.) […] Ихэнх номлогч, лам, гэлэнмаа нар орхимж, өмсгөл нөмрөх төдий л байх юм. (Яг үнэн.) […]
Дээр дурдсан номлогчид бол Библид гардагчлан үнэхээр хонины арьс нөмөрсөн чононууд байна. Библи бидэнд “Хонины арьс нөмөрсөн тэдгээр чононууд”-аас болгоомжил гэж анхааруулж. (Тийм) Тэр нь эдгээр номлогчид. Мөн мэдээж хэрэг пап ч ялгаагүй. (Тийм.) “Үр жимсээрээ танигдах болно.” (Тийм, Багш аа.) […] Тэгэхээр эдгээр номлогчид Есүсийн сургаалыг дагахгүйгээр... Харин ч эсрэгээр, ярьж байгаа нь ч, хийж байгаа нь ч хүн төрөлхтөнд хор хөнөөлтэй байна. Тиймээс л тэд хонины арьс нөмөрсөн чононууд. (Тийм, Багш аа.)
“60 Minutes Australia-ийн мэдээ 2015: Католикийн Сүм хохирогчдыг хамгаалахын оронд хүчирхийлэгчдийг хамгаалсан аймшигтай түүхтэй боллоо.”
“AI Jazeera-ийн мэдээ 2021.10.23: Хууль зүйч эрдэмтэн Марси Хамилтон 17 жилийн турш хүүхдэд бэлгийн хүчирхийлэл үйлдсэн гэмт хэрэгт нэхэмжлэл гаргахад илүү цаг хугацаа олгох хуулийн төлөө тэмцсэн байна. Гэтэл улс даяар муж мужийн нийслэлд Католикийн Сүм түүний дайсан байсаар иржээ.”
“AI Jazeera-ийн мэдээ 2021.10.06: Ромын Католик Сүм дэлхий даяар бага залуу, эмзэг дорой хүмүүсийн итгэл бишрэлийг асар их хэмжээнд хөсөрдүүлж байна.”
“AI Jazeera-ийн мэдээ 2017.02.17: Энэ бол үндсэндээ мафи байсан. Тэдэнд хүчирхэг найз нөхөд бий. Тэд ивээн тэтгэгчидтэй. Тэдэнд сүмтэй ойр дөт холбоотой байхыг хүссэн хүмүүс бий.”
“Huffington post-ийн ярилцлага 2019.04.12: Энэ бүхэн 300 жилийн турш үргэлжилж байна. Ватиканд ч энэ бүхэн байгаа гэдэг нь баримттай ч болсон. Гэтэл тэд төр засгаас маань илүү хүчирхэг.”
“60 Minutes Australia-ийн ярилцлага 2015: Эдгээр хүмүүс бол угтаа эрүүгийн хариуцлага хүлээх ёстой хүмүүс юм. Зүгээр л пап болон сүмийн зүгээс авсан арга хэмжээ, эсвэл хэвлэл мэдээллийн анхаарлыг татаад өнгөрч болохгүй. Тэд бол хүүхдийг хүчирхийлэхийг зөвшөөрсөн, заримдаа олон жилийн турш зөвшөөрсөн гэх хүмүүс. Энэ бол уучилшгүй гэмт хэрэг.”
Тэдгээр итгэлт гэр бүлүүдийн жаахан хүүхдүүд болон тахилч охид хөвгүүдийг хүчирхийлж хүчиндсэн хүмүүсийг бусдын адил ердийн иргэний шүүхэд өгч шалгуулах ёстой. (Тийм, Багш аа.) Өмссөн хувцас нь тэднийг нүглээсээ чөлөөлөгдөх тусгай эрх өгөхгүй. […] Католикийн сүмийн номлогч байлаа гээд тэднийг ялаас мултлах шалтгаан болохгүй. (Шийтгэл.) […]
Тэднийг үргэлжлүүлэн ажиллахыг зөвшөөрөх ёсгүй. (Яг тийм.) “Орхимж нөмөрлөө гээд лам болохгүй.” Ау Лак (Вьетнам)-д бид ингэж хэлдэг, өөр олон оронд ч ингэж хэлдэг байж магадгүй. […] Библид өгүүлсэнчлэн хонины арьс нөмөрлөө гээд чоно хонь болчихгүй. (Тийм.) (Тийм, Багш аа.) Ватиканы төлөө ажилладаг гээд бусад улс орны ард иргэдэд нь хор хөнөөл учруулчхаад байхад тэр улсын хууль үйлчлэхгүй гэсэн үг биш. […]
Ватикан бол юу ч биш. Хэрэв тэнд ёс суртахуун байхгүй, Есүсийн сургаал хэрэгжихгүй юм бол юу ч биш. (Тийм, Багш аа.) (Ойлгож байна, Багш аа.) Зүгээр л хоосон хана бөгөөд номлогчид нь ердөө л хөндий цогцсууд. (Тийм.) Хувцас нь тэдний нүглийг Тэнгэрт ч, Газарт ч далдлахгүй. […]
Хүүхэд хохироосон, тэднийг хүчирхийлсэн, тэднийг хүчиндсэн, тэднийг тамласан, тэднийг хөнөөсөн Католикийн Сүмийн тэдгээр номлогчид бол хүн төрөлхтний эсрэг гэмт хэрэгтнүүд. Тэднийг бүр олон улсын шүүх Гаагад шалгах ёстой юм. Хэрэв ямар ч улс тэднийг шалгахгүй юм бол тэнд шалгаж болно. (Тийм, Багш аа.) Эс бөгөөс тэд энэ бүх нүглээ үргэлжлүүлсээр дахин маш олон хүүхдийг хохирооно. Одоо ч, ирээдүйд ч тэр. Намайг ингээд ярьж байхад хүртэл хэчнээн хүүхэд харанхуй бөглүүд зовж, хэн ч тэднийг хайхрахгүй байгаа юм билээ. Дараа нь тэд тэднийг зүгээр л алга болгочихно. (Ёстой аймаар.) Саяхан олдсон маш олон үл таних цогцсуудын нэгэн адил. Америкт хүртэл саяхан олдсон. Өмнө нь Канадад тэр сургуулиудад бас олдож байсан.
Төсөөлж байна уу? (Хөөх.) Маш олон, өө бүр тоймгүй олон хүүхэд эмэгтэйчүүд жил бүр, хаа сайгүй ор сураггүй (Өө, аймшигтай.) алга болдог. Мэргэжлийн гэмт хэрэгтнүүд л үйлдээд байдаг биш. Энэ бүхнийг номлогчид хийсэн. (Тэд хэрэгтнүүдээс ч дор.) Хамгаалагдсан учраас хэрэгтнүүдээс ч дор. (Үнэн.) (Тийм.) Хэн ч сэжиглэдэггүй. Тэд мэдлээ ч, сэжиглэлээ ч тэднийг том албан тушаалд нь байлгасаар л байдаг. (Яг тийм. Тийм.) Тэгээд тэд хаалганы цаана үргэлжлүүлж болохоор болж, хүүхдүүдийг улам сурмагаар хүчирхийлдэг болно. (Бурхан минь.) Тэгээд хэн ч мэдэхгүй. Одоо тэд улам болгоомжтой, улам сурмаг байх болно. (Тийм, Багш аа.) Тэднийг дахин илрүүллээ гэхэд пап тэднийг өршөөчихнө. (Өө, Бурхан минь. Үгүй байлгүй дээ.) (Итгэх аргагүй юм.) Харж байгаа биз дээ. (Тийм, Багш аа.) Юу ч хийсэнгүй!
Тийм болохоор Ватикан, энэ бүх цусан толботой, оюуны харгислал үйлдэгч бүх сүмүүд үгүй болох хэрэгтэй. (Яг зөв. Тийм, Багш аа.) Асрамжийн газар болгодог юм уу эсвэл хүмүүсийн нүглийг арилгах газар болго. (Санал нэг байна. Тийм.) […] Тэд юу ч хийдэггүй! (Өө, Бурхан минь.) […]
Энэ тухай ярихаар зүрх сэтгэл минь тэсэхийн аргагүй болох юм. […] Энэ өвдөлт шаналал... заримдаа тэсэх аргагүй. (Эвий, Багш минь!) Бие махбодын өвдөлт шаналлыг хүмүүс мэднэ, гэтэл энэ бол хэнд ч үл үзэгдэх ухаан санааны, сэтгэлийн, (Тийм, Багш аа.) сүнсний өвдөлт. (Багш минь...) Би л мэдэрнэ. Тэгээд бүр тэдгээр сул дорой, маш их айж мэгдсэн, сүрдсэн, ганцаардсан хохирогч хүүхдүүдийг тэр бүдүүн тарган номлогчид няц даруулах зовлонгийн хаана ч хүрэхгүй (Ээ, Бурхан минь.)
“KHOU-ийн ярилцлага 2019.01.11: Санваартнууд хүүхдүүдийг бэлгийн хүчирхийлэлд оруулж амьдралыг нь үүрд өөрчилж, сүнсийг нь хөнөөж байна...
Харгис бузар явдал гэхээс өөрөөр үүнийг тодорхойлох аргагүй.
Хүүхэд тэр царайг хэзээ ч мартаж чадахгүй.
Бурхнаас намайг үхүүлээд өгөөч гэж би гуйдаг байсан. Тэр надад дахин ийм зүйл хийхийг хүсэхгүй болохоор үхүүлж өгөөч гэж гуйна.”
“WRAL Documentaries-ийн ярилцлага 2018 оны 4 сар: Үнэндээ би түүнийг буруутгалгүй өөрийгөө л буруутгасан. Цаг ирэх тусам энэ буруутгал өөрийгөө үзэн ядах болж хувирсан. ”
“The Guardian-ийн ярилцлага 2016 оны 2 сар: Би энэ тухай хэнд ч хэлье гэж бодож байсангүй. Ахлах багш чинь чамайг хүчирхийлбэл хэнд хэлэх юм бэ? Тархин дахь шүүгээндээ хийгээд тэр шүүгээнийхээ хаалгыг хааж орхисон. (Тэр үргэлж хар дарж ухаан санаа нь алдагдан ГДСХ (гэмтлийн дараах сэтгэл хямрал)-аар өвчилсөн гэж оношлогдсон.)”
“WRAL Documentaries-ийн ярилцлага 2018 оны 4 сар: Тэрхүү нууцыг дотроо хадгалж эхлэх үед надад дотроо яг л хор хадгалж байгаа юм шиг санагдсан. (Үүнээс болоод сэтгэл гутралд орж өөрийгөө тусгаарлан амиа хорлох бодол тээх болж. Бас архи, мансууруулах бодист автах болжээ.)”
“HuffPost-ийн мэдээ 2019.04.12: Гэлэнмаа Жюдит Фишер 37-той, би 13-тай байлаа. Тэр явдал миний ертөнцийг өөрчилчихсөн.
Тэр миний амьдралыг сүйтгэсэн. Тэр бэлгийн амьдралыг минь, оюун санааны амьдралыг минь сүйтгэсэн. Тэр амьдралын минь байж болох бүхнийг бусниулсан. Түүнээс болж гэр бүлээ алдлаа. Одоо би сэргэж байна. 1994 оноос хойш энэ зүйлээс болж бүдчиж явна.
Хүүхдийг ингэж гүн гүнзгий гэмтээх нь оюун санааны хүчирхийлэл юм. Насан туршдаа нүүрээ барсан мэт. Одоо харин бүхнийг өнгө оруулж эхэлнэ. Амьдралд минь үүн шиг намайг гэмтээх зүйл тохиолдоно гэж би төсөөлж ч чадахгүй. Хэчнээн хүчтэй байлаа ч, хэдий их эмчлүүллээ ч, ямар их хайр байгаад ч, эсвэл өөр олон зүйлс, шалтгууд байлаа ч гэсэн ийм шарх бол үүрд үлддэг учраас оюун санааны хүчирхийлэл юм. Үнэхээр тийм. Үнэхээр тийм, огт алга болохгүй. Итгэлийг чинь хулгайлна. Итгэдэг хүмүүст би атаархдаг.”
“The Guardian-ийн ярилцлага 2016 оны 2 сар: Би сүмд очихоо больсон. (Итгэл чинь алдарсан уу?) Би итгэлээ алдсан. Бостоны сүм муу муухайгаа яг л хивсэн доороо хогоо хийж нууж байгаа шиг хэрхэн нууж буйг хардаг, улсын хэмжээнд болон дэлхий даяар болсон энэ бүх хэргүүдийг уншдаг бол. Тийм ээ. Би итгэлээ алдсан.”
Бурхан минь та ямар нэг зүйл хийгээч! Та энэ дэлхийг хонины арьс нөмөрсөн энэ харгис чононуудын хяналтад байхыг бүү зөвшөөрөөч. Таны ариун сүмийг, мөн Ватиканыг тэд цус урсгасан яргын газар болгож байна. Гуйя, гуйя. Бидэнд туслаач, гуйж байна. Хүүхдүүдэд туслаач. Биеэ хамгаалах чадваргүй нялхас хүүхдүүдэд туслаач, гуйж байна. Тэд хүмүүсээс хэт их хүчтэй байна. Хүн төрөлтний тархийг бүрмөсөн угааж тэдний хэлсэн болгонд хүмүүс итгэсээр байна. Гэхдээ тэд бол номлогчид биш, Таны сургаалыг тэд номлохгүй байна. Тэд нялх үрсийг, хүүхдүүдийг алж байна, тэд Таны сургаалын яг эсрэг, Есүсийн сургаалын яг эсрэг зүйлсийг хийж байна. […]
Хүмүүс сэрж, тэднийг шүтэхээ больж, тэднийг хүндлэхээ больж тэдний буруу, гаж, харгис үзэл бодлыг сонсохгүй болно гэж найдаж байна. Өөрсдийн эрүүл саруул ухаанаар нялх үрсээ хүүхдүүдээ хамгаалахыг гуйя. Тэднийг энэ чөтгөрүүдийн гарт бүү өгөөрэй. Яагаад гэвэл тэд хүүхдүүдийг чинь зовооно. Тэднийг бүү сонсоорой, нялх үрсээ хэвлийд байхад нь битгий алаарай. Гудамжинд тусламж горьдон яваа хүүхдийг гараа дэлгэн тэвэрч хаа нэгтээ аюулгүй газар хүргэдэг шигээ үр хүүхдээ бас тэгж хамгаалаарай. Хэвлийдээ байгаа хүүхдэдээ яг ингэж хандаарай, гуйж байна. Тэд таны яс махны тасархай шүү. Энэ чөтгөрийн санваартнуудыг бүү сонсоорой. Бүү сонсоорой! Яагаад гэвэл та тамд очно. […]
Өөр зүйл байна уу? (Тийм, Багш аа.)
(Католикийн хамба нарын бага хурлын үеэр,) За (үр хөндөлтийн эсрэг байр суурьтай Канзас Хотын Хамба лам Жозеф Науманн хамба бусдадаа хандан сүмийн эрхэм зорилго болох “хүнийг эрхэмлэн дээдлэх”-ийг улс төрчдөөр хүлээн зөвшөөрүүлэх нэгдмэл байр суурьд хүрэхийг уриалсан юм. Гэхдээ тэр тэдэнд “өөрсдийн үүргээ биелүүлэхээс айхгүй байх, улс төрчдөд сүмийн сургаалаас санал зөрөх нь ямар их нухацтай асуудал гэдгийг ойлгуулах”-ыг уриалсан байна) Тийм үү!
(Багш аа, яагаад үүнтэй бүрэн санал нийлэхгүй хамба лам нар байгаа юм бэ? Яагаад итгэгч хүн хүний үндсэн эрхийг хамгаалах, сүмийн сургаалыг хамгаалахын төлөө ажиллахаас айгаад байдаг юм бэ?) […]
Би хаа нэгтээ мэдээнээс уншиж байсан л даа тэд яагаад айдаг вэ гэвэл Католик шашин шүтэгчдийн 60% үр хөндөхийг дэмждэг, үр хөндөх нь зүгээр гэж үздэг гэсэн. (Тийм, Багш аа.) Энэ асуудал дээрээс эхтэй! (Тийм.) Пап Католик шашинтнуудын ихэнх нь эмэгтэйчүүд гэдгийг мэдэж байгаа. (Тийм.) Тиймээс тэдний хүсэл зоригийн эсрэг зүйл хэлбэл тэднийг алдана гэж айж байна. (Ойлголоо, Багш аа.) Энэ бүхэн зөвхөн алдар нэр ашгийн төлөө зүйл. […]
Би нэг мэдээгээр пап бүр Байдены өмнө толгой гудайлган түүнд мэхийн ёсолж байхыг харсан. Итгэж байна уу? (Хөөх.) Өө, Бурхан минь. (Пөөх.) Тэр Католик тогтолцооны албан ёсны ван, бас Дэлхий дээрх Бурханы төлөөлөгч гэж нэрлэгддэг атлаа төрийн эрх мэдлийн өмнө шашны бус, энгийн эрх мэдэлтэн (Хөөх.) ертөнцийн хар хүний өмнө бөхийж байна. (Тийм ээ.) Тэр үнэхээр толгойгоо дахин дахин бөхөлзөн мэндэлсэн. […] Даруу зангаасаа болж тэгээгүй. Муу хүн гэдгийг нь мэдсээр байж тэр түүнд мэхийн бялдуучилж байна. Та нар харсан уу? (Итгэмээргүй юм.) […] Зөвхөн өөрийгөө тэр суудалд Ватиканы суудалдаа байлгахыг л хичээж байна. […]
Тэд магадгүй түүний (Байдены) чөтгөрийн хүчнээс айж байж магадгүй. Бүр папыг хүртэл мэхийлгэж байна. (Тийм.) Пап Байденыг бодвол чөтгөрийн хүч нь арай бага. […]
Тэгэхээр тэд айцгааж байна. Тэд бүгдээрээ муу талынх биш. Тэд бүгдээрээ ч чөтгөрийн талынх биш, тэдний зарим нэг нь бусад санваартнуудын чөтгөрийн хүчний нөлөөнд автсан, (За.) Эсвэл тэд өшөө авна гэхээс нь их эмээж байгаа байх. […]
Өөр асуултууд байна уу? […]
(2016 онд Пап Францис Католик шашны дэлхийн бүх санваартнуудад үр хөндөлтийн үйлийн үрийг үргэлж өршөөхийг бүрмөсөн зөвшөөрсөн. Багш аа, санваартнууд яагаад Библийн сургаал, Есүсийн сургаалыг дагахгүйгээр папын үгийг хамгийн дээд үнэн хэмээн дагаж байна вэ?) Харин тийм ээ. Яагаад тэр вэ? Яагаад? Сайн асуулт байна.
Маш сайн асуулт. Би бас өөрөөсөө асууж байна. Гэхдээ би та нарт түрүүн хэлсэнчлэн тэд бол чөтгөрүүд. Тэд Сатанд ажиллаж байна. Яг л тагнуулч шиг. (За, Багш аа.) Тэд бол нууц тагнуулууд, Сатаны нууц ажилтнууд. (Хөөх!) […]
Гэмт хэргийн талд орж байгаа санваартнууд, үр хөндөлт гэх гэмт хэргийг дэмжин зөвшөөрч өршөөж байна. (Тийм ээ.) Тийм амархан гэнэ. Хүүхдээ алаад сүмд очоод тэнд таван доллар тавиад эсвэл нэгэн санваартан дээр очоод түүнийгээ хэлээд нүгэл нь цайрна гэж бодож байна. Хм! Хоёр настай хүүхэд ч үүнд итгэхгүй. Бүр санваартан нь өөрөө нүгэлтэй, муу зүйлс хийж байна. (Тийм ээ.) Яаж тэд бусдын нүглийг өршөөх билээ? Санваартан яаж бусдын нүглийг авч цэвэрлэж өгч чадах юм бэ? (Ойлголоо, Багш аа.) Есүсийн нэрийг бариад ч бүтэхгүй. Есүс эдгээр бохир хогийн саваар дамжуулж ажиллаж таарахгүй. […]
Тэдний нүгэл тэнгэрээс их болжээ. Тэгэхээр яаж чадах юм? Нүгэлтэй үйл үйлдсэн хүн түүнийгээ хүлээж, наманчлахад л хангалттай гэж үү? Энэ бол буруу ойлголт (Тийм, Багш аа.) Тэд илүү олон дагалдагчтай болж илүү хандив авч, илүү эрх мэдэлтэй, том том сүмтэй болохын тулд (Аан, тийм байна.) элдэв шалтаг хайж байна. […] Бүгдийг нь халах хэрэгтэй. […]
Тэд бүгд зайлж, зугтах хэрэгтэй, Хаа нэгтээ зайлж, өөрсдийн гэм нүглээ наманчлах хэрэгтэй. Эс бөгөөс тэдний хойноос чөтгөр мөшгөж очоод, тэднийг тамлан зовоож, алж, тамд тэдний амьдралын мөч бүрд тарчлаан зовоох болно. (Хөөх.) Үнэхээр ийм л зүйл болно. (За.) Тэд ертөнцийн хуулиас зугтаж чадахгүй. Тэд Бурханы Уур хилэнгээс зугтаж чадахгүй. […]
Тэд томчууд, хүүхэд, нялхас ялгалгүй хүн төрөлхтний эсрэг төсөөлшгүй муу муухай гэмт хэргүүдийг үйлдсэн. Тэд гэмт хэрэгтнүүдээс дор. Тэд чөтгөрөөс дор. Тэд тамын ёроолд үүрд үлдэх ёстой. (Тийм, санал нийлж байна.) Чөтгөрүүд тэдэнд дуртай зүйлээ хийх болно. Хэн ч тэдэнд туслахгүй. Хэдий тэд гэмшсэн ч гэлээ гагцхүү тэд үнэнээсээ эргэлт хийгээгүй л бол Бурхан тэдэнд хэр зөөлөн хандахыг мэдэхгүй. Веган болж, бүхий л амьдралын турш, секунд бүрд гэмшвэл магадгүй юм (За.) Гэсгээлт магадгүй арай бага байж магадгүй юм. […]
Эмэгтэйчүүд, залуу охид, залуу эмэгтэйчүүд, тэд эцэг эх болох тал дээр тийм их туршлага байхгүй. (Тийм ээ.) Магадгүй анхны жирэмслэлт ч байж болно. (Тийм.) Ийм эмзэг нөхцөл байдалд тэд дэлхийн элдэв материаллаг хэрэгцээ шаардлагын улмаас сэтгэл, оюун санааны хувьд эмзэг сул болж ирдэг, (Үнэн. Тийм, Багш аа.) Буруу зөвлөгөөнд ч автаж мэдэхээр эмзэг болдог. Зүрх сэтгэлдээ өөрийн хүүхдээ алах нь буруу гэдгийг мэдсэн ч хэрвээ пап эсэргүүцэхгүй зүгээр гэж байвал, хийж болохгүй гэж сургаж (Ойлгож байна.) зөвлөхгүй бол үр хөндүүлсээр л байна. Ойлгож байна уу? (Тийм.) Маш олон нэр нөлөө бүхий номлогчид бүгд зөвшөөрч байна. Тийн нөхцөл байдлын дарамтаас болоод тэд үр хөндөлт хийдэг. Тэдний эсрэг зогсдог хэн юм? […] Тэд (эмэгтэйчүүд) эмзэг нөхцөлд байгаа учраас тэднийг дагана. (Тийм ээ.) Материаллаг хэрэгцээ дэлхийн муу эрчмийн нөлөөнд хүч дорой болсон учраас. (Тийм ээ.) Тийм учраас тэд өөрсдийн хүслийн эсрэг, өөрсдийн зөв бодлыг үл харгалзан үр хөндөлт хийлгэж байна. […]
Тэдэнд жинхэнэ тусламж сэтгэл зүйн дэмжлэг хэрэгтэй болохоос чөтгөрийн зөвлөгөө хэрэггүй. (Тийм, Багш аа. Номлогчид илүү сайн мэдэж байх учиртай.) […]
Тэднийг яаж өршөөж чадах юм бэ? Тэдэнд хүч байхгүй. (Ойлголоо, Багш аа.) Тэд Бурханы хуулиудын эсрэг явж байна (Тийм ээ.) Тэд Есүсийн сургаалын эсрэг үйл хийж байна. […] Эмзэг, сул дорой эмэгтэйчүүдэд туслах байтал, түүний хэвлийд бүрдсэн амийг хамгаалах байтал тэд тэднийг буруу, нүгэлтэй зам руу түлхэж байна. (Тийм ээ. Үнэхээр аймшигтай.) Тиймээс энэ үйлийн үр, нүгэл, үүнийхээ үр дагавраас тэд зайлж чадахгүй. (Тийм ээ, Их Баг шаа.) Бүр хамгийн хүчирхэг Их Багш ч тэднийг аварч чадахгүй. (Хөөх.) Тэд тамд очихоос өөр замгүй. […] Яагаад гэвэл “юу тарина, түүнийгээ хурааж авна.” Ертөнцийн хууль хэн гэдгээс үл хамааран бүхий л хүмүүст адил үйлчилдэг. (За, Багш аа.) […]
Бурхан харж байгаа. Диваажин бүхнийг харж байна. Та юу ч хамаагүй хийгээд гэм зэмгүй гарна гэж байхгүй. Хэзээ ч үгүй. (Тийм. Багш аа.) […]
Есүсийн жинхэнэ сургаалыг зааж байгаа, Бурханаас айдаг, Бурханыг шүтдэг хүн л адислагдана. (Тийм ээ.) Би тэдэнд тусална. Би тэдэнд оюун санааны тусламж үзүүлнэ. […]
За, баярлалаа, өөрийн чадлаараа дэлхийн төлөө хийж байгаа бүхэнд нь би та нарт талархаж байна. Гэхдээ Бурханд бидэнд энэ бүхнийг өгсөнд талархах хэрэгтэй. (За.) Энэ бэлгэнд нь. (Бурханд талархъя.) Бид юу ч үгүй төрсөн гэдгээ санаж байна уу? (Тийм, Багш аа.) Тэгэхээр бид юу ч хөгжүүлсэн бүгд Бурханы Таалал, Бурханы Адислал. (За, Багш аа, Яг тийм.) Бидэнд учирсан сайн бүхний төлөө Бурханд талархаж биднийг бүхий л буруу үзэл, чөтгөрөөс хамгаалж байгаад нь бид талархаж байна. (Тийм ээ.) […]
Энд байгаа болон холоос ажиллаж байгаа та нартаа бүгдэд нь […] зөв зүйл хийж буйд нь, дотоодынхоо Бурханы дуудлагыг сонсон, өөрийн ажлаараа дамжуулан Бурханы адислалыг ойлгож, талархаж байдагт дахин баярлалаа. (Баярлалаа, Багш аа.) (Бурханд баярлалаа.) Дэлхий та нарт талархаж байна. (Багш аа, баярлалаа.) Амьтан ард түмэн та нарт талархаж байна. Диваажин та нарт талархаж байна. Түр баяртай. (Түр баяртай, Багш аа.) (Биеэ бодоорой, Багш аа.) (Багш аа бид Танд хайртай.) (Бид Танд хайртай.) (Багш аа, Тандаа баярлалаа.) Та нартаа хайртай шүү. […]
Хөтлөгч: Хамгаас Нигүүлсэнгүй Их Багш Тандаа амьдралын суурь зарчмуудыг бидэнд сануулж, Билиг Ухаанаа хуваалцсанд Тань гүнээ талархъя. Энэ асуудалд холбоотой хэн бүхэн дотоод ухамсраа сонсож эхлэн, сүмдээ Есүс Эзний сургаалыг хадгалахын төлөө бүхий л зөв зүйтэй шаардлагатай алхмуудыг авч хэрэгжүүлэх болтугай. Мөн нялхас хүүхэд зовлон гэгчийг үл мэдэх, Бурханы сургаал номлолыг баримталдаг нийгэм цогцлоосой хэмээн бид залбиръя. Хайрт Их Багш минь ямагт лагшин тунгалаг байж, бүхий л Агуу Диваажингаар хамгаалагдах болтугай.
Төгс Гэгээрсэн Их Багш Чин Хай пап болон ноён Байдены уулзалт мөн бусад зүйлийн талаар хэрхэн айлдсаныг үзэхийг хүсвэл уг конференцийг бүрэн эхээр нь Багш шавийн шүтэлцээгээр 12-р сарын 20-ны даваа гарагт хүлээн авч үзээрэй.
