Бурхантай холбогдох холбоо маань дахин сэрэх үед, амьдралын жинхэнэ мөн чанар бидэнд илчлэгдэж, бид энэ хуурмаг ертөнц болон энд бидэнд тохиолдож буй бүх зүйлээс илүү амархан салж чадна.

Индонезоос Ратнагын индонез хэлээр ирүүлсэн сэтгэлийн үгийг олон хэлний хадмал орчуулгатай одоо хүргэж байна:

Сайн байна уу Их Багш аа, би Индонези хүн, 2022 оны 4-р сард авшиг хүртсэн. Их Багш маань үргэлж эрүүл энх байж, Оройн Дээд Бурханаар үргэлж хамгаалагдаж байх болтугай.

Анхны жирэмслэлтийнхээ үеэр би дутуу төрөлтийг амсаж, туулсан. Үр зулбах үедээ би удаан уйлах гэх мэт гүн гүнзгий гуниг мэдрээгүй. Үгээр илэрхийлж чадахгүй амар амгалангийн мэдрэмж төрж байв. Тэр орой, гэртээ ирсний дараа би үр зулбасан гэдгээ эмчээс мэдсэн. Тэр шөнө би унтах гээд нүдээ аньтал, маш тод Гэрэл харсан. Хэдийгээр Гэрэл их тод байсан ч, миний нүдийг гялбуулсангүй. Тэр Гэрлийн дотор би дулаан, баяр баясгалан болон хамгаалалтыг мэдэрсэн. Би зүгээр л хий юм харж байна уу гэж өөрөөсөө асуусан. Тэгээд би нүдээ дахин анив, тэр даруйдаа би Гэрлийг дахин харсан. Би нүдээ дахин дахин нээж, аниж үзэхэд, аних бүрд Гэрэл дахин гарч ирж байлаа. Тэгтэл миний дотор нэгэн дуу хоолой сонсогдсон нь; Төгс Гэгээрсэн Их Багш Чин Хай байв.

Намайг үр зулбасан тэр шөнө Их Багш надтай хамт явсан. Тиймээс би огтхон ч гуниг мэдрээгүй бөгөөд гүнээ адислагдсанаа мэдэрсэн. Тэр шөнө Их Багш намайг харж хамгаалж байна гэж би мэдэрсэн тул ямар ч гуниггүйгээр тайван сайхан унтаж чадсан юм. Миний бүхий л бие, оршихуй Их Багшаар адислагдаж, хамгаалагдсан. Их Багш аа, миний төлөөх Таны онцгой аугаа Хайранд би туйлын их талархаж, сэтгэл гүнээ хөдөлсөн. Их Багш аа, надад бүр Та авшиг хүртээх боломж олгосонд туйлын их баярлалаа.

Ээж, ах дүүс, нагац эгч маань ч бас авшиг хүртсэн. Одоо би үзэсгэлэнтэй, эрүүл хүүхэдтэй болсон. Тэрээр мөн төрсөн цагаасаа хойш веган байгаа. Нөхөр маань ч бас веган болж эхэлсэн. Энэ бүхэн бол Их Багшийн Ивээлээс өөр юу ч биш юм.

Их Багш аа, энэ дэлхийд төрсөнд Тань баярлалаа. Бидэнд зориулсан Таны ер бусын Хайр, нинжин сэтгэлд Тань баярлалаа. Энэ насандаа Их Багштай биечлэн уулзах боломж надад ирэх болтугай. Их Багш үргэлж эрүүл энх, аз жаргалтай байж, веган дэлхий удахгүй цогцлох болтугай. Хайртай, хайртай, Тандаа хайртай, Их Багш аа. Ратна, Индонези улсаас

Дөлгөөн Ратна, Сэтгэлийн үгээ бидэнд хуваалцсанд баярлалаа.

Их Багш танд эелдэг үгээ хүргэж байна: “Элэгсэг Ратна, гэр бүлийн тань эерэг өөрчлөлтийн талаар уншихад таатай байлаа. Дотоод Их Багш хэрэгтэй үед тань үргэлж тантай хамт байдаг. Авшиг бол үнэхээр хамгийн аугаа Бэлэг юм. Бурхантай холбогдох холбоо маань дахин сэрэх үед, амьдралын жинхэнэ мөн чанар бидэнд илчлэгдэж, бид энэ хуурмаг ертөнц болон энд бидэнд тохиолдож буй бүх зүйлээс илүү амархан салж чадна. Бид Бурханаас өөрийгөө тусгаар мэт мэдэрч, бие махбодын бодит байдлаас цааш юу ч мэддэггүй байх үед амьдралын үйл явдлууд бидэнд илүү гүнзгий нөлөөлдөг. Дотоод Их Багшийн Бурханлаг дэмжлэгийг биеэр мэдэрснийг сонсоход үнэхээр гайхамшигтай. Та ямагт үнэхээр хамгаалагдсанаа анх удаа одоо биечлэн ойлгожээ. Үргэлжлүүлэн сайн дадуулж, дотоод сэтгэл ханамжаа олоорой. Та болон Индонезийн ухамсартай ард түмэн Тэнгэрлэг Гэрлээр бялхаж байх болтугай. Танд болон таны Арьяабалын бясалгалын авшигтан гэр бүл, хайртай хүмүүст нь маш их Хайр илгээе. Бүгдэнд нь тэврэлт!”