ਸ਼ੂਗਰ ਰੋਗੀਆਂ ਲਈ ਦਰਦ-ਮੁਕਤ ਟੀਕੇ, ਤਿੰਨ ਹਿਸਿਆਂ ਦਾ ਪਹਿਲਾ ਭਾਗ

ਸਿਰਫ ਤੁਹਾਨੂੰ ਦੱਸਣ ਲਈ ਕਿ ਉਹ ਲੂੰਬੜੀ-ਵਿਅਕਤੀ ਜੋ ਪਿਛਲੀ ਵਾਰ ਆਈ ਸੀ, ਉਹ ਕਈ ਵਾਰ ਵਾਪਸ ਆਈ - ਬਹੁਤ ਦੂਰੋਂ। ਮੇਰਾ ਮਤਲਬ ਹੈ ਕਿ ਉਸਦੇ ਲਈ, ਇਹ ਇੱਕ ਲੰਮਾ, ਦੂਰ ਦਾ ਸਫ਼ਰ ਹੈ। ਇਹ ਅਗਲਾ, ਨੇੜਲਾ ਜੰਗਲ ਹੈ। ਇਹ ਇਸ ਜੰਗਲ ਨਾਲ ਵੀ ਜੁੜਿਆ ਹੋਇਆ ਹੈ। ਇਹ ਸਿਰਫ਼ ਇੱਕ ਵੱਖਰੀ ਕਿਸਮ ਦਾ ਭਾਗ ਹੈ, ਅਤੇ ਇਹ ਸਾਰੇ ਇੱਕੋ ਟੁਕੜੇ ਵਿੱਚ ਇਕੱਠੇ ਨਹੀਂ ਹਨ। ਉਹ ਮੈਨੂੰ ਬੱਸ ਇਹ ਕਹਿਣ ਆਈ ਸੀ, "ਡਰੋ ਨਾ, ਸ਼ਾਂਤੀ ਨੇੜੇ ਹੈ।" ਮੈਂ ਉਸਨੂੰ ਸ਼ੁਭਕਾਮਨਾਵਾਂ ਦਿੰਦੀ ਹਾਂ। ਅਤੇ ਮੇਰਾ ਦਿਲ ਬਹੁਤ ਛੂਹਿਆ ਗਿਆ। ਮੈਂ ਉਸਨੂੰ ਸੱਚਮੁੱਚ ਬਹੁਤ ਪਿਆਰ ਕਰਦੀ ਹਾਂ। ਉਸਦਾ ਕੋਈ ਨਾਮ ਨਹੀਂ ਹੈ। ਮੈਨੂੰ ਉਸਨੂੰ ਕੋਈ ਨਾਮ ਦੇਣ ਦੀ ਇਜਾਜ਼ਤ ਨਹੀਂ ਹੈ, ਇਸ ਲਈ ਮੈਂ ਉਸਨੂੰ ਲੇਡੀ ਫੌਕਸ ਕਹਿੰਦੀ ਹਾਂ, ਕਿਉਂਕਿ ਉਹ ਇੱਕ ਔਰਤ ਹੈ। ਪਰ ਕਿਸੇ ਤਰ੍ਹਾਂ, ਮੈਨੂੰ ਉਸਨੂੰ ਇਹ ਕਹਿਣ ਦੀ ਇਜਾਜ਼ਤ ਨਹੀਂ ਹੈ। ਮੈਨੂੰ ਉਸਨੂੰ "ਬਿਨਾਂ-ਨਾਮ ਵਾਲੀ ਲੂੰਬੜੀ" ਕਹਿਣਾ ਚਾਹੀਦਾ ਹੈ, ਫਿਰ ਉਹ ਨੇੜੇ ਆ ਸਕਦੀ ਹੈ ਅਤੇ ਮੈਨੂੰ ਜਵਾਬ ਦੇ ਸਕਦੀ ਹੈ। ਓਹ, ਫਿਰ ਉਹ ਇੱਥੇ ਬਹੁਤ ਤੇਜ਼ ਦੌੜਦੀ ਹੈ! ਅਤੇ ਗਾਉਣ-ਵਾਲੇ ਨੋਟਾਂ ਵਿੱਚ ਚੀਕਦੀ ਹੈ, ਇੰਨੀ ਸੁੰਦਰ ਆਵਾਜ਼, ਸੁੰਦਰ ਆਵਾਜ਼, ਸੁਰੀਲੀ ਧੁਨ, ਆਵਾਜ਼, ਸਪੱਸ਼ਟ ਤੌਰ 'ਤੇ ਉੱਚੀ ਸੁਰ ਅਤੇ ਖੁਸ਼ ਤਾਲ!

ਇੰਨੀ ਸੋਹਣੀ, ਸੁੰਦਰ ਰੂਹ - ਇਕ ਪਿਛਲੇ ਜੀਵਨ ਵਿੱਚ ਗਲਤ ਕਦਮ ਚੁੱਕੇ। ਦਰਅਸਲ, ਉਹ ਇਕ ਪਿਛਲੇ ਜਨਮ ਵਿੱਚ ਮੇਰੀ ਪੈਰੋਕਾਰ ਨਹੀਂ ਸੀ। ਉਸਨੇ ਸਿਰਫ਼ ਉਸ ਸਮੇਂ ਮੇਰੇ ਵੱਲੋਂ ਸਿਖਾਈਆਂ-ਗਈਆਂ ਗੱਲਾਂ ਦੀ ਖੋਜ ਕਰਨ ਦੀ ਕੋਸ਼ਿਸ਼ ਕੀਤੀ, ਤਾਂ ਜੋ ਉਹ ਮੇਰਾ, ਮੇਰੀਆਂ ਸਿੱਖਿਆਵਾਂ ਦਾ ਮਜ਼ਾਕ ਉਡਾ ਸਕੇ, ਅਤੇ ਸਾਰੀਆਂ ਉਲਟ ਗੱਲਾਂ ਕਰ ਸਕੇ, ਸਿਰਫ਼ ਅਗਿਆਨਤਾ ਕਾਰਨ ਮਜ਼ਾ ਲੈਣ ਲਈ, ਮੈਨੂੰ ਲੱਗਦਾ ਹੈ। ਇਹ ਸਭ ਮੈਨੂੰ ਗਲਤ ਸਾਬਤ ਕਰਨ ਲਈ! ਅਤੇ ਇਸ ਲਈ ਹੁਣ ਉਹ ਇੱਕ ਲੂੰਬੜੀ-ਵਿਅਕਤੀ ਬਣ ਗਈ ਹੈ, ਅਤੇ ਉਸਨੂੰ ਬਹੁਤ ਪਛਤਾਵਾ ਮਹਿਸੂਸ ਹੁੰਦਾ ਹੈ। ਇਸ ਲਈ ਉਹ ਆਈ ਅਤੇ ਨੇੜੇ ਹੋਣ ਦਾ ਕੋਈ ਬਹਾਨਾ ਬਣਾਉਣ ਦੀ ਕੋਸ਼ਿਸ਼ ਕੀਤੀ, ਅਤੇ ਮੇਰੀ ਸਿੱਖਿਆ ਲਈ ਮੇਰੀ ਦਿਆਲਤਾ ਦਾ ਬਦਲਾ ਵੀ ਚੁਕਾਉਣ ਦੀ ਕੋਸ਼ਿਸ਼ ਕੀਤੀ, ਭਾਵੇਂ ਕਿ ਉਸ ਸਮੇਂ ਉਹ ਇਸਦੀ ਕਦਰ ਨਹੀਂ ਕਰਦੀ ਸੀ, ਅਤੇ ਹੁਣ ਉਹ ਇਹ ਜਾਣਦੀ ਹੈ।

ਜ਼ਿਆਦਾਤਰ, ਤੁਸੀਂ ਆਪਣਾ ਸਰੀਰ ਛੱਡਣ ਤੋਂ ਬਾਅਦ ਹੋਰ ਜਾਣਦੇ ਹੋ, ਪਰ ਕਈ ਵਾਰ ਬਹੁਤ ਦੇਰ ਹੋ ਜਾਂਦੀ ਹੈ, ਕਿਉਂਕਿ ਕਰਮ ਹਮੇਸ਼ਾ ਤੁਰੰਤ ਜਾਂ ਜਲਦੀ ਨਹੀਂ ਆਉਂਦੇ। ਅਤੇ ਕੁਝ ਲੋਕ ਵੀ ਜੋ ਬਹੁਤ ਮਾੜੇ ਕਰਮ ਕਰਦੇ ਹਨ, ਅਤੇ ਉਨ੍ਹਾਂ ਦੇ ਸੂਖਮ ਸਰੀਰ ਨੂੰ ਪਹਿਲਾਂ ਹੀ ਕੈਦ ਜਾਂ ਨਰਕ ਵਿੱਚ ਸਜ਼ਾ ਦਿੱਤੀ ਜਾ ਚੁੱਕੀ ਹੈ, ਪਰ ਉਹ ਭੌਤਿਕ ਸਰੀਰ ਵਿੱਚ ਹਨ। ਜਦੋਂ ਉਹ ਅਜੇ ਵੀ ਜ਼ਿੰਦਾ ਹੁੰਦੇ ਹਨ, ਉਹ ਕੁਝ ਵੀ ਮਹਿਸੂਸ ਨਹੀਂ ਕਰ ਸਕਦੇ, ਉਹ ਕੁਝ ਵੀ ਜਾਣ ਨਹੀਂ ਸਕਦੇ। ਇਸ ਤਰ੍ਹਾਂ, ਉਹ ਕਰਮ ਕਿਸਮ ਦੇ ਬਦਲੇ ਵਿੱਚ ਵਿਸ਼ਵਾਸ ਨਹੀਂ ਰੱਖਦੇ, ਇਸ ਲਈ ਉਹ ਬੁਰੇ ਕੰਮ ਕਰਦੇ ਰਹਿੰਦੇ ਹਨ। ਇਹ ਅਫਸੋਸ ਦੀ ਗੱਲ ਹੈ. ਮੈਨੂੰ ਉਮੀਦ ਹੈ ਕਿ ਲੂੰਬੜੀ-ਵਿਅਕਤੀ ਦੀ ਇਹ ਉਦਾਹਰਣ ਲੋਕਾਂ ਨੂੰ ਆਪਣੇ ਕੰਮਾਂ, ਆਪਣੇ ਵਿਚਾਰਾਂ, ਅਤੇ ਆਪਣੀ ਬੋਲੀ ਬਾਰੇ ਹੋਰ ਸੋਚਣ ਦਾ ਮੌਕਾ ਦੇਵੇਗੀ।

ਅੱਜ ਦਾ ਦਿਨ ਬਹੁਤ ਹੀ ਮੁਸ਼ਕਲ-ਭਰਿਆ ਸੀ, ਕਿਉਂਕਿ ਮੈਨੂੰ ਇੱਕ ਅਖੌਤੀ ਪੈਰੋਕਾਰ ਲਈ ਸਖ਼ਤ ਸੰਘਰਸ਼ ਕਰਨੀ ਪਈ। ਅੱਜ ਬਹੁਤ ਸਾਰੀਆਂ ਮਿਲੀਆਂ-ਜੁਲੀਆਂ ਗੱਲਾਂ ਹਨ।

ਉਥੇ ਬਾਹਰ ਕੋਈ ਵੀ ਹੋਵੇ - ਕਿਰਪਾ ਕਰਕੇ ਆਪਣੇ ਸਟਾਕ ਨੂੰ ਦੁਬਾਰਾ ਭਰਨ ਦੀ ਕੋਸ਼ਿਸ਼ ਕਰੋ, ਸਿਰਫ ਕਿਸੇ ਵੀ ਐਮਰਜੈਂਸੀ ਸਥਿਤੀ ਵਿੱਚ ਜਿਥੇ ਤੁਹਾਡੇ ਕੋਲ ਖਾਣ ਲਈ ਭੋਜਨ ਨਾ ਹੋਵੇ। ਚੀਜ਼ਾਂ ਖਰੀਦੋ - ਉਹ ਭੋਜਨ ਖਰੀਦੋ ਜੋ ਟਿਕਾਊ ਹੋਵੇ ਅਤੇ ਕੁਝ ਅਜਿਹਾ ਜਿਸਨੂੰ ਪਕਾਉਣ ਜਾਂ ਕਿਸੇ ਹੋਰ ਚੀਜ਼ ਦੀ ਲੋੜ ਨਾ ਹੋਵੇ, ਜੇਕਰ ਤੁਹਾਡੇ ਕੋਲ ਪਕਾਉਣ ਲਈ ਲੋੜੀਂਦਾ ਬਾਲਣ ਨਾ ਹੋਵੇ। ਜੰਗਲ ਵਿੱਚ, ਮੈਨੂੰ ਇਸ ਬਾਰੇ ਬਹੁਤੀ ਚਿੰਤਾ ਨਹੀਂ ਹੈ ਕਿਉਂਕਿ ਹਰ ਪਾਸੇ ਬਹੁਤ ਸਾਰੀਆਂ ਸੁੱਕੀਆਂ ਟਾਹਣੀਆਂ ਪਈਆਂ ਹਨ। ਇਹ ਸਿਰਫ਼ ਤੁਹਾਡੇ ਲੋਕਾਂ ਲਈ ਹੈ ਜੋ ਸ਼ਹਿਰ ਵਿੱਚ ਰਹਿੰਦੇ ਹਨ, ਇਹ ਮੁਸ਼ਕਲ ਹੋ ਸਕਦਾ ਹੈ। ਇਸ ਲਈ ਕਿਰਪਾ ਕਰਕੇ ਕੁਝ ਭੰਡਾਰ ਕਰਨ ਦੀ ਕੋਸ਼ਿਸ਼ ਕਰੋ, ਘੱਟੋ ਘੱਟ ਐਮਰਜੈਂਸੀਆਂ ਲਈ, ਜਦੋਂ ਕੁਝ ਵੀ ਵਾਪਰਦਾ ਹੈ ਅਤੇ ਮੁਰੰਮਤ ਕਾਫ਼ੀ ਤੇਜ਼ ਨਹੀਂ ਹੁੰਦੀ, ਜਾਂ ਜੇਕਰ ਇਸਦੀ ਮੁਰੰਮਤ ਕੀਤੀ ਵੀ ਜਾ ਸਕਦੀ ਹੈ। ਹਮੇਸ਼ਾ ਸਾਵਧਾਨ ਰਹੋ। ਹਮੇਸ਼ਾ ਅੱਗੇ ਸੋਚੋ। ਅਸੀਂ ਅਜੇ ਵੀ ਹਰ ਪਾਸੇ ਜੰਗ ਵਿੱਚ ਹਾਂ। ਇਹ ਅਫ਼ਸੋਸ ਦੀ ਗੱਲ ਹੈ ਕਿਉਂਕਿ ਮਨੁੱਖ ਬਹੁਤ ਬੁੱਧੀਮਾਨ ਹਨ। ਉਹ ਚੰਦਰਮਾ, ਮੰਗਲ ਆਦਿ 'ਤੇ ਵੀ ਜਾ ਸਕਦੇ ਸਨ, ਅਤੇ ਬਹੁਤ ਸਾਰੇ ਕੰਮ ਕਰ ਸਕਦੇ ਸਨ ਜਿਨ੍ਹਾਂ ਬਾਰੇ ਕੁਝ ਦਹਾਕੇ ਪਹਿਲਾਂ ਜਾਂ ਸੌ ਸਾਲ ਪਹਿਲਾਂ ਸੋਚਣਾ ਵੀ ਅਵਿਸ਼ਵਾਸ਼ਯੋਗ ਸੀ। ਪਰ ਉਹ ਅਜੇ ਵੀ ਇੱਕ ਦੂਜੇ ਨਾਲ ਸ਼ਾਂਤੀ ਰੱਖਣ ਅਤੇ ਇੱਕ ਦੂਜੇ ਦੀ ਰੱਖਿਆ ਕਰਨ ਦਾ ਮਨ ਨਹੀਂ ਬਣਾ ਸਕਦੇ, ਭਾਵ ਆਪਣੀ ਰੱਖਿਆ ਕਰਨ ਦਾ।

ਅੱਜ, ਮੈਨੂੰ ਨਰਕ ਦੀਆਂ ਸਮੱਸਿਆਵਾਂ ਨਾਲ ਜੂਝਣਾ ਪਿਆ ਤਾਂ ਜੋ ਮੈਂ ਇੱਕ ਅਜਿਹੇ ਪੈਰੋਕਾਰ ਨੂੰ ਆਜ਼ਾਦ ਕਰਵਾ ਸਕਾਂ ਜਿਸਨੂੰ ਬਚਾਉਣਾ ਬਹੁਤ, ਬਹੁਤ ਔਖਾ ਸੀ। ਪਰ ਮੇਰੇ ਪੈਰੋਕਾਰ ਸਮੂਹ ਵਿੱਚੋਂ ਕੁਝ ਅਜੇ ਵੀ ਇੱਕੋ ਜਿਹੇ ਹਨ, ਘੱਟ ਜਾਂ ਵੱਧ। ਅਤੇ ਇਸਨੇ ਮੇਰੇ ਉੱਤੇ ਊਰਜਾ ਅਤੇ ਸਮੇਂ ਦਾ ਬਹੁਤ ਬੁਰਾ ਪ੍ਰਭਾਵ ਪਾਇਆ। ਅਤੇ ਇਹ ਦੋਵੇਂ ਮੇਰੇ ਲਈ ਬਹੁਤ ਮਹੱਤਵਪੂਰਨ ਹਨ। ਮੈਨੂੰ ਉਹਨਾਂ ਦੀ ਲੋੜ ਹੈ। ਮੈਨੂੰ ਊਰਜਾ ਦੀ ਲੋੜ ਹੈ। ਮੈਨੂੰ ਸਮਾਂ ਚਾਹੀਦਾ ਹੈ। ਨਰਕ ਤੋਂ ਉਸ ਪੈਰੋਕਾਰ ਲਈ, ਮੇਰੇ ਲਈ ਇੰਨਾ ਛੋਟਾ ਨੋਟਿਸ ਕਿਉਂ?

ਮੈਂ ਉਹ ਲੇਡੀ ਫੌਕਸ ਨੂੰ ਦਿਲੋਂ ਬਹੁਤ ਪਿਆਰ ਕਰਦੀ ਹਾਂ। ਮੈਂ ਉਸਨੂੰ ਉਹ ਸਭ ਪਿਆਰ ਭੇਜਦੀ ਹਾਂ ਜੋ ਮੈਂ ਭੇਜ ਸਕਦੀ ਹਾਂ, ਉਹ ਸਭ ਜੋ ਉਹ ਪ੍ਰਾਪਤ ਕਰ ਸਕਦੀ ਹੈ, ਇਹ ਜਾਣਦੇ ਹੋਏ ਕਿ ਮੈਂ ਉਸਨੂੰ ਬਹੁਤ ਪਿਆਰ ਕਰਦੀ ਹਾਂ, ਕਿ ਕੋਈ ਅਜੇ ਵੀ ਉਸਨੂੰ ਪਿਆਰ ਕਰਦਾ ਹੈ, ਉਸਦੀ ਪਰਵਾਹ ਕਰਦਾ ਹੈ। ਮੈਂ ਪ੍ਰਮਾਤਮਾ ਦੀ ਕਿਰਪਾ ਨਾਲ ਉਸਨੂੰ ਸ਼ੁੱਭਕਾਮਨਾਵਾਂ ਦਿੰਦੀ ਹਾਂ। ਮੈਂ ਉਸਦੀ ਰੱਖਿਆ ਲਈ, ਉਸਨੂੰ ਸੁਰੱਖਿਅਤ ਰੱਖਣ ਲਈ ਪ੍ਰਮਾਤਮਾ ਦਾ ਧੰਨਵਾਦ ਕਰਦੀ ਹਾਂ। ਮੈਂ ਕੰਮ ਕਰ ਰਹੀ ਸੀ, ਪਰ ਫਿਰ ਮੈਂ ਪਾਣੀ ਉਬਾਲਣ ਲਈ ਬਾਹਰ ਗਈ, ਅਤੇ ਫਿਰ ਮੈਨੂੰ ਕੁਝ ਬਹੁਤ ਹੀ ਹਲਕੀ ਆਵਾਜ਼ ਸੁਣਾਈ ਦਿੱਤੀ। ਮੈਂ ਸੋਚਿਆ ਸੀ ਕਿ ਇਹ ਸੁਪਰੀਮ ਮਾਸਟਰ ਟੀਵੀ ਤੋਂ ਹੈ, ਪਰ ਇਹ ਨਹੀਂ ਸੀ। ਅਤੇ ਫਿਰ ਮੈਂ ਪੁੱਛਿਆ, "ਕੀ ਇਹ ਤੂੰ ਹੈਂ, ਬੇਨਾਮ ਲੂੰਬੜੀ?" ਅਤੇ ਉਸਨੇ ਤੁਰੰਤ, ਓਹ, ਇੱਕ ਬਹੁਤ ਹੀ ਖੁਸ਼ ਆਵਾਜ਼, ਬਹੁਤ ਉੱਚੀ ਆਵਾਜ਼ ਵਿੱਚ, ਮੈਨੂੰ ਦੱਸਣ ਲਈ ਕਿ ਇਹ ਉਹੀ ਹੈ। ਅਤੇ ਫਿਰ ਕੁਝ ਦੇਰ ਤੱਕ ਜਾਰੀ ਰਹੀ, ਮੈਨੂੰ ਇਹ ਅਤੇ ਉਹ ਦੱਸਦੀ ਰਹੀ।

ਅਤੇ ਮੈਂ ਕਿਹਾ, "ਓਹ ਕਿਰਪਾ ਕਰਕੇ, ਤੁਹਾਨੂੰ ਮੇਰੇ ਲਈ ਇੰਨੀ ਦੂਰੀ 'ਤੇ ਜਾਣ ਦੀ ਲੋੜ ਨਹੀਂ ਹੈ। ਆਪਣਾ ਖਿਆਲ ਰੱਖਣਾ। ਕੀ ਅੱਜ ਤੁਹਾਡੇ ਕੋਲ ਕਾਫ਼ੀ ਖਾਣਾ ਸੀ?" ਉਸਨੇ ਕਿਹਾ, "ਹਾਂਜੀ।" ਅਤੇ ਉਸਨੇ ਇੱਕ ਡਰਿੰਕ ਪੀਤਾ। ਮੈਂ ਕੁਝ ਪੀਣ-ਵਾਲੇ ਪਦਾਰਥ ਬਾਹਰ ਰੱਖਦੀ ਹਾਂ, ਆਪਣੇ ਤੰਬੂ ਦੇ ਨੇੜੇ, ਜਿੱਥੇ ਵੀ ਮੈਂ ਜੰਗਲ ਦੀਆਂ ਝਾੜੀਆਂ ਵਿੱਚ ਘੁੰਮ ਸਕਦੀ ਹਾਂ, ਜਾਂ ਨੇੜੇ, ਜਿੱਥੇ ਵੀ ਖਾਲੀ ਥਾਂ ਹੋਵੇ ਅਤੇ ਇਹ ਸਭ - ਮੈਂ ਕੁਝ ਪਾਣੀ ਪਾ ਦਿੰਦੀ ਹਾਂ। ਮੈਨੂੰ ਖਾਣਾ ਖੁਆਉਣ ਦੀ ਇਜਾਜ਼ਤ ਨਹੀਂ ਹੈ, ਪਰ ਕਈ ਵਾਰ ਮੈਂ ਇਸਨੂੰ ਰੋਕ ਨਹੀਂ ਸਕਦੀ। ਮੈਂ ਕੁਝ ਬਾਹਰ ਰੱਖਦੀ ਹਾਂ, ਕੁਝ ਸੁੱਕਾ ਪ੍ਰੋਟੀਨ, ਤਾਂ ਜੋ ਇਹ ਕੁਝ ਸਮੇਂ ਲਈ ਰਹੇ, ਜੇਕਰ ਉਹ ਇਹਨੂੰ ਤੁਰੰਤ ਨਾ ਲਭ ਸਕਣ।

ਮੇਰੇ ਰੱਬਾ! ਮੇਰੇ ਰੱਬਾ, ਮੇਰਾ ਦਿਲ ਕਦੇ ਵੀ ਸ਼ਾਂਤੀ ਮਹਿਸੂਸ ਨਹੀਂ ਕਰ ਸਕਦਾ, ਭਾਵੇਂ ਸ਼ਾਂਤੀ ਆ ਗਈ ਹੈ ਅਤੇ ਸਾਰਾ ਗ੍ਰਹਿ ਇਸਦਾ ਆਨੰਦ ਮਾਣਦਾ ਹੈ, ਜਿਸ ਕੋਲ ਵੀ ਇਸ ਨੂੰ ਮਹਿਸੂਸ ਕਰਨ ਲਈ ਕਾਫ਼ੀ ਯੋਗਤਾ ਹੈ, ਉਹ ਸ਼ਾਂਤੀ ਊਰਜਾ ਤੋਂ ਆਸ਼ੀਰਵਾਦ ਪ੍ਰਾਪਤ ਕਰ ਸਕਦਾ ਹੈ। ਫਿਰ ਵੀ, ਮੈਂ ਖੁਦ, ਉਹ ਸ਼ਾਂਤੀ ਮਹਿਸੂਸ ਨਹੀਂ ਕਰਦੀ। ਇਹ ਬਸ ਹੋਰ ਅਤੇ ਹੋਰ ਵੀ ਕੰਮ ਅਤੇ ਹੋਰ ਅਤੇ ਹੋਰ ਮੁੱਦੇ ਬਣਦੇ ਜਾਂਦੇ ਹਨ, ਕਿਉਂਕਿ ਨਕਾਰਾਤਮਕ ਸਾਡੇ 'ਤੇ ਹਮਲਾ ਕਰਨ ਦੀ ਬਹੁਤ ਕੋਸ਼ਿਸ਼ ਕਰ ਰਿਹਾ ਹੈ। ਪਰ ਮੈਨੂੰ ਲੱਗਦਾ ਹੈ ਕਿ ਇਹ ਬਿਲਕੁਲ ਇੱਕ ਮੋਮਬੱਤੀ ਵਾਂਗ ਹੈ। ਇਹ ਬੁਝਣ ਤੋਂ ਪਹਿਲਾਂ ਹੀ ਚਮਕ ਉੱਠਦਾ ਹੈ। ਇਸ ਲਈ ਮੈਨੂੰ ਸੱਚਮੁੱਚ ਉਮੀਦ ਹੈ ਕਿ ਸਾਡੇ ਕੋਲ ਜਲਦੀ ਹੀ ਅਧਿਕਾਰਤ ਵਿਸ਼ਵ ਸ਼ਾਂਤੀ ਦਾ ਐਲਾਨ ਹੋਵੇਗਾ। ਮੈਨੂੰ ਇਹ ਹਰ ਸਮੇਂ ਸਾਰੇ ਜਾਨਵਰ-ਲੋਕਾਂ ਤੋਂ, ਸਾਡੇ MAPA ਤੋਂ ਅਤੇ ਅਤਿਅੰਤ ਸ਼ਕਤੀਸ਼ਾਲੀ ਟ੍ਰਿਨਿਟੀ ਤੋਂ ਦੱਸਿਆ ਜਾਂਦਾ ਹੈ, ਪਰ ਮੇਰੇ ਕੋਲ ਅਜੇ ਵੀ ਉਦੋਂ ਤੱਕ ਇੰਤਜ਼ਾਰ ਕਰਨ ਲਈ ਕਾਫ਼ੀ ਸਬਰ ਨਹੀਂ ਹੈ।

ਪਰ ਮੈਨੂੰ ਕਰਨਾ ਪਵੇਗਾ, ਕਿਉਂਕਿ ਇਸ ਵੇਲੇ ਹੋਰ ਕੁਝ ਨਹੀਂ ਕੀਤਾ ਜਾ ਸਕਦਾ। ਜਿਵੇਂ ਕਿ ਰਾਜਿਆਂ ਵਿਚੋਂ ਇਕ ਨੇ ਤੁਹਾਨੂੰ ਦੱਸਿਆ ਸੀ, ਜੇਕਰ ਅਸੀਂ ਆਪਣੀ ਸਾਰੀ ਸ਼ਕਤੀ ਨਕਾਰਾਤਮਕਤਾ ਨੂੰ ਨਸ਼ਟ ਕਰਨ ਲਈ ਵਰਤਦੇ ਹਾਂ, ਤਾਂ ਇਹ ਸੰਸਾਰ ਜਿਵੇਂ ਵੀ ਹੈ, ਤਬਾਹ ਹੋ ਜਾਵੇਗਾ, ਕਿਉਂਕਿ ਨਕਾਰਾਤਮਕਤਾ ਨੂੰ ਨਸ਼ਟ ਕਰਨ ਲਈ ਬਹੁਤ ਸ਼ਕਤੀ ਦੀ ਲੋੜ ਹੁੰਦੀ ਹੈ, ਕਿਉਂਕਿ ਉਨ੍ਹਾਂ ਵਿੱਚੋਂ ਬਹੁਤ ਸਾਰੇ ਮਨੁੱਖੀ ਸਰੀਰਾਂ ਦੇ ਅੰਦਰ ਵੀ, ਨਾਲ ਹੀ ਕਿਸੇ ਵੀ ਚੀਜ਼ ਵਿੱਚ, ਕਿਤੇ ਵੀ ਲੁਕੇ ਹੋਏ ਹਨ। ਖੇਤ ਵਿੱਚ ਇੱਕ ਖਾਲੀ, ਅਣਗੌਲੀ ਝੌਂਪੜੀ, ਦਰੱਖਤ ਵਿੱਚ ਇੱਕ ਟੋਆ, ਜ਼ਮੀਨ ਵਿੱਚ ਇੱਕ ਟੋਆ, ਪੱਥਰ ਵਿੱਚ ਤਰੇੜ, ਉਦਾਹਰਣ ਵਜੋਂ ਇਸ ਤਰਾਂ, ਜਾਂ ਵੱਡੀਆਂ ਝਾੜੀਆਂ, ਇੱਕ ਅਣਗੌਲਿਆ ਘਰ, ਖਾਲੀ ਇਮਾਰਤਾਂ - ਉਹ ਕਿਤੇ ਵੀ ਲੁਕ ਸਕਦੇ ਹਨ ਅਤੇ ਮੁਸੀਬਤ ਪੈਦਾ ਕਰ ਸਕਦੇ ਹਨ, ਅਤੇ ਉਹ ਮੇਰੇ 'ਤੇ ਬਹੁਤ ਧਿਆਨ ਕੇਂਦ੍ਰਤ ਕਰਦੇ ਹਨ। ਇਸ ਲਈ ਮੈਨੂੰ ਕਦੇ ਕਦੇ ਸਿਰ ਦਰਦ ਹੁੰਦਾ ਹੈ। ਜਿਵੇਂ ਮੈਂ ਹੁਣ ਤੁਹਾਡੇ ਨਾਲ ਗੱਲ ਕਰ ਰਹੀ ਹਾਂ, ਮੈਨੂੰ ਵੀ ਕੁਝ ਸਿਰ ਦਰਦ ਹੈ, ਪਿਛਲੀ ਵਾਰ ਪਤਝੜ ਦੇ ਲੰਬੇ ਸਮੇਂ ਤੱਕ ਰਹਿਣ-ਵਾਲੇ ਪ੍ਰਭਾਵਾਂ ਕਾਰਨ। ਪਰ ਮੈਂ ਠੀਕ ਹਾਂ, ਨਹੀਂ ਤਾਂ ਮੈਂ ਠੀਕ ਹਾਂ। ਕਿਰਪਾ ਕਰਕੇ ਚਿੰਤਾ ਨਾ ਕਰੋ। ਮੈਂ ਤੁਹਾਨੂੰ ਸਿਰਫ਼ ਆਪਣੀਆਂ ਚੀਜ਼ਾਂ, ਆਪਣੀਆਂ ਗਤੀਵਿਧੀਆਂ, ਮੇਰੇ ਨਾਲ ਕੀ ਵਾਪਰਿਆ ਅਤੇ ਇਹ ਸਭ ਕੁਝ ਦੱਸ ਰਹੀ ਹਾਂ, ਕਿਉਂਕਿ ਤੁਸੀਂ ਹਰ ਸਮੇਂ ਜਾਣਨਾ ਚਾਹੁੰਦੇ ਹੋ।

ਅਤੇ ਅਕਸਰ, ਮੈਂ ਤੁਹਾਨੂੰ ਨਹੀਂ ਦੱਸਿਆ। ਮੈਂ ਤੁਹਾਨੂੰ ਬਹੁਤ ਕੁਝ ਨਹੀਂ ਦੱਸਿਆ, ਭਾਵੇਂ ਕਿ ਅਜਿਹਾ ਲੱਗ ਰਿਹਾ ਸੀ ਕਿ ਮੈਂ ਤੁਹਾਨੂੰ ਪਹਿਲਾਂ ਹੀ ਬਹੁਤ ਕੁਝ ਦੱਸ ਦਿੱਤਾ ਹੈ - ਪਰ ਇਹ ਕੁਝ ਵੀ ਨਹੀਂ, ਸਿਰਫ਼ ਬਰਫ਼ ਦੇ ਟੁਕੜੇ ਦੀ ਇੱਕ ਨੋਕ ਹੈ। ਪਰ ਜੇ ਮੈਂ ਚਾਹੁੰਦੀ ਵੀ ਹਾਂ, ਤਾਂ ਮੇਰੇ ਕੋਲ ਇੰਨਾ ਸਮਾਂ ਨਹੀਂ ਹੈ ਕਿ ਮੈਂ ਤੁਹਾਨੂੰ ਸਭ ਕੁਝ ਦੱਸ ਸਕਾਂ ਕਿ ਮੈਂ ਹਰ ਰੋਜ਼ ਕੀ ਕਰਦੀ ਹਾਂ। ਮੈਂ ਸਿਰਫ਼ ਕੁਝ ਇਸ ਲਈ ਕਹਿੰਦੀ ਹਾਂ ਤਾਂ ਜੋ ਘੱਟੋ-ਘੱਟ ਤੁਹਾਨੂੰ ਪਤਾ ਲੱਗੇ ਕਿ ਮੈਂ ਕੁਝ ਕਰ ਰਹੀ ਹਾਂ ਅਤੇ ਥੋੜ੍ਹੀ ਜਿਹੀ ਸਮਝ ਆਵੇ ਕਿ ਇੱਕ ਗੁਰੂ ਨੂੰ ਕੀ ਕਰਨਾ ਚਾਹੀਦਾ ਹੈ। ਪਰ ਜੇ ਤੁਸੀਂ ਸੱਚਮੁੱਚ ਕਿਸੇ ਗੁਰੂ ਨੂੰ ਸਮਝਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਇੱਕ ਬਣਨਾ ਪਵੇਗਾ। ਇਸ ਬਾਰੇ ਕੋਈ ਵੀ ਤੁਹਾਨੂੰ ਸਭ ਕੁਝ ਨਹੀਂ ਦੱਸ ਸਕਦਾ।

ਮੇਰੀ ਟੀਮ ਵੱਲੋਂ ਰਾਜਿਆਂ ਦੀਆਂ ਬਹੁਤ ਸਾਰੀਆਂ ਰਿਪੋਰਟਾਂ ਹਨ। ਉਹਨਾਂ ਨੇ ਇਸਨੂੰ ਹੁਣੇ ਤੁਹਾਡੇ ਲਈ ਫਲਾਈ-ਇਨ ਨਿਊਜ਼ 'ਤੇ ਪਾਇਆ ਹੈ, ਇਸ ਲਈ ਤੁਹਾਡੇ ਕੋਲ ਜਾਣਨ ਲਈ ਬਹੁਤ ਸਾਰੀਆਂ ਚੀਜ਼ਾਂ ਹਨ, ਭਾਵੇਂ ਇਹ ਬਹੁਤ ਜ਼ਿਆਦਾ ਨਹੀਂ ਹਨ। ਪਰ ਇਸ ਵੇਲੇ, ਪ੍ਰਮਾਤਮਾ ਹੁਣ ਕਿਸੇ ਵੀ ਰਾਜੇ ਨੂੰ ਮੇਰੇ ਕੋਲ ਨਹੀਂ ਆਉਣ ਦਿੰਦਾ। ਪਿਛਲੀ ਵਾਰ, ਜਦੋਂ ਪ੍ਰਮਾਤਮਾ ਚਾਹੁੰਦਾ ਸੀ ਕਿ ਮੈਂ ਇਹ ਐਲਾਨ ਕਰਾਂ ਕਿ ਮੈਂ ਮੇਤ੍ਰ‌ਿਆ ਬੁੱਧ ਹਾਂ, ਜਿਸਨੂੰ ਯਿਸੂ ਮਸੀਹ ਵੀ ਕਿਹਾ ਜਾਂਦਾ ਹੈ, ਵਾਪਸ ਆਇਆ ਹਾਂ, ਸਾਰੇ ਰਾਜੇ ਕਿਸੇ ਵੀ ਤਰ੍ਹਾਂ ਆਏ, ਇੱਥੋਂ ਤੱਕ ਕਿ ਬੁਰੇ ਰਾਜੇ ਵੀ, ਜਿਵੇਂ ਕਿ ਯੁੱਧ ਰਾਜੇ ਜਾਂ ਨਕਾਰਾਤਮਕ ਰਾਜੇ, ਹਰ ਤਰ੍ਹਾਂ ਦੇ ਰਾਜੇ ਪਹਿਲਾਂ ਹੀ ਸਤਿਕਾਰ ਦੇਣ ਲਈ ਆ ਗਏ ਸਨ। ਇਸ ਲਈ ਸਿਰਫ਼ ਕੁਝ ਰਾਜੇ, ਸਭ ਤੋਂ ਸ਼ਕਤੀਸ਼ਾਲੀ ਰਾਜਾ-ਬੁੱਧ, ਆ ਸਕਦੇ ਹਨ, ਜਿਵੇਂ ਕਿ ਮੈਂ ਤੁਹਾਡੇ ਲਈ ਦਰਜ ਕੀਤਾ ਹੈ - ਕੁਝ ਛੋਟੇ, ਕੁਝ ਲੰਬੇ। ਸ਼ੁਰੂ ਵਿੱਚ, ਮੈਂ ਇਸ ਬਾਰੇ ਕੁਝ ਵੀ ਰਿਕਾਰਡ ਕਰਨ ਬਾਰੇ ਨਹੀਂ ਸੋਚਿਆ ਸੀ। ਇਸੇ ਲਈ ਪਹਿਲੇ ਕੁਝ, ਕੁਝ ਪਹਿਲਾਂ ਹੀ ਪ੍ਰਸਾਰਿਤ ਹੋ ਚੁੱਕੇ ਹਨ, ਕੁਝ ਨਹੀਂ ਹੋਏ, ਛੋਟੇ ਹਨ ਅਤੇ ਬਹੁਤੇ ਵੇਰਵੇ ਵਾਲੇ ਨਹੀਂ ਹਨ। ਅਤੇ ਬਾਅਦ ਵਿੱਚ, ਮੈਂ ਸੋਚਿਆ, ਠੀਕ ਹੈ, ਜਦੋਂ ਪ੍ਰਮਾਤਮਾ ਇਜਾਜ਼ਤ ਦੇਵੇਗਾ, ਤਾਂ ਮੈਂ ਥੋੜਾ ਹੋਰ ਰਿਕਾਰਡ ਕਰਾਂਗੀ, ਜੋ ਵੀ ਮੈਨੂੰ ਯਾਦ ਹੈ। ਅਤੇ ਹੁਣ ਪ੍ਰਮਾਤਮਾ ਨੇ ਇਸਨੂੰ ਰੋਕ ਦਿੱਤਾ, ਕੋਈ ਵੀ ਰਾਜਾ ਬਿਲਕੁਲ ਨਹੀਂ ਆ ਸਕਦਾ। ਠੀਕ ਹੈ, ਕੀ ਕਰ ਸਕਦੇ, ਕੀ ਕਰ ਸਕਦੇ। ਕਿਉਂਕਿ ਜੇ ਉਹ ਆਉਂਦੇ ਹਨ, ਤਾਂ ਉਹ ਹੋਰ ਜ਼ਿਆਦਾ ਮਦਦ ਨਹੀਂ ਕਰ ਸਕਦੇ ਕਿਉਂਕਿ ਜੇ ਹੋਰ ਸ਼ਕਤੀ ਆਉਂਦੀ ਹੈ, ਤਾਂ ਗ੍ਰਹਿ ਪੂਰੀ ਤਰ੍ਹਾਂ ਤਬਾਹ ਹੋ ਜਾਵੇਗਾ।

ਤਾਂ ਤੁਸੀਂ ਹੁਣ ਸਮਝ ਗਏ। ਹੋਰ ਜੋ ਵੀ ਮੈਂ ਰਿਕਾਰਡ ਕਰ ਸਕਦੀ ਹਾਂ, ਮੈਂ ਤੁਹਾਨੂੰ ਦੱਸ ਸਕਦੀ ਹਾਂ, ਮੈਂ ਕਰਾਂਗੀ। ਸ਼ਾਂਤੀ ਰੱਖੋ, ਸ਼ਾਂਤੀ ਦਾ ਆਨੰਦ ਮਾਣੋ, ਅਤੇ ਦੂਜਿਆਂ ਦੀ ਮਦਦ ਕਰੋ, ਜੋ ਵੀ ਤੁਸੀਂ ਕਰ ਸਕਦੇ ਹੋ, ਖਾਸ ਕਰਕੇ ਇੱਕ ਜੀਵਤ ਗੁਰੂ ਦੁਆਰਾ ਪ੍ਰਮਾਤਮਾ ਦੀ ਸਿੱਖਿਆ ਦੀ ਸੱਚਾਈ ਬਾਰੇ ਗਿਆਨ ਸਾਂਝਾ ਕਰਨਾ। ਅਸੀਂ ਆਪਣੇ ਇਕਲੌਤੇ ਮਾਤਾ-ਪਿਤਾ, ਪ੍ਰਮਾਤਮਾ ਦਾ, ਸਾਰੀ ਦਇਆ, ਸਾਰੀ ਮਾਫ਼ੀ, ਸਾਰੀ ਬਖਸ਼ਿਸ਼, ਸਾਰੀ ਕਿਰਪਾ, ਸਾਰੇ ਪਿਆਰ ਲਈ ਧੰਨਵਾਦ ਕਰਦੇ ਹਾਂ। ਤੁਹਾਡਾ ਧੰਨਵਾਦ, ਯਹੋਵਾਹ। ਤੁਹਾਡਾ ਧੰਨਵਾਦ, ਤੁਹਾਡਾ ਬਹੁਤ ਬਹੁਤ ਧੰਨਵਾਦ। ਤੁਸੀਂ ਵੀ ਠੀਕ ਰਹੋ, ਸ਼੍ਰੀਮਾਨ ਜੀ। ਆਮੇਨ। ਅਸੀਂ ਤੁਹਾਨੂੰ ਪਿਆਰ ਕਰਦੇ ਹਾਂ।

ਓਹ, ਅਤੇ ਵੈਸੇ, ਮੇਰੇ ਕੋਲ ਕੁਝ ਚੰਗੀ ਖ਼ਬਰ ਹੈ ਜੋ ਬਹੁਤੇ ਨਹੀਂ ਜਾਣਦੇ ਅਤੇ ਮੈਂ ਸਾਰਿਆਂ ਨਾਲ ਸਾਂਝੀ ਕਰਨਾ ਚਾਹਾਂਗੀ ਸ਼ੂਗਰ ਲਈ ਇਹ ਨਵੀਂ ਖੋਜੀ ਗਈ ਅਤੇ ਟੀਕਾ-ਮੁਕਤ ਦਵਾਈ ਜੋ ਬਹੁਤ ਸਾਰੇ ਲੋਕਾਂ ਦੀਆਂ ਜਾਨਾਂ ਬਚਾਏਗੀ, ਸਹੂਲਤ ਪ੍ਰਦਾਨ ਕਰੇਗੀ, ਅਤੇ ਵਿੱਤੀ ਮਦਦ ਵੀ ਕਰੇਗੀ। ਅਸੀਂ ਬਾਰ ਬਾਰ, ਬਾਰ ਬਾਰ, ਅਤੇ ਬਾਰ ਬਾਰ ਪ੍ਰਮਾਤਮਾ ਦਾ ਧੰਨਵਾਦ ਕਰਦੇ ਹਾਂ। ਉਹ ਲੋਕ ਅਤੇ ਜਾਨਵਰ-ਲੋਕ ਜਿਨ੍ਹਾਂ ਨੂੰ ਸ਼ੂਗਰ ਹੈ, ਉਨ੍ਹਾਂ ਨੂੰ ਇਕ ਸੂਈ ਦਾ ਟੀਕਾ ਲਗਾਉਣ ਦੀ ਜ਼ਰੂਰਤ ਨਹੀਂ ਹੈ, ਜੋ ਕਿ ਚੋਭਣ ਵਾਲਾ ਅਤੇ ਕਸ਼ਟਦਾਇਕ ਹੈ, ਕਿਉਂਕਿ ਆਸਟ੍ਰੇਲੀਆ ਵਿੱਚ ਉਨ੍ਹਾਂ ਨੇ ਇਸ ਕਿਸਮ ਦੀ ਬਿਨਾਂ-ਸੂਈ ਵਾਲੀ ਦਵਾਈ ਵਿਕਸਤ ਕੀਤੀ ਹੈ ਅਤੇ ਹੁਣ ਵੇਚਦੇ ਹਨ। ਤੁਸੀਂ ਇਸਨੂੰ ਚਮੜੀ 'ਤੇ ਲਗਾਓ ਅਤੇ ਇਹ ਤੁਰੰਤ ਕੰਮ ਕਰਦਾ ਹੈ। ਇਸ ਲਈ ਇਹ ਕੋਈ ਦਰਦ ਨਹੀਂ ਹੈ ਅਤੇ ਕਿਸੇ ਵੀ ਮਨੁੱਖ ਅਤੇ ਕੁੱਤੇ-ਲੋਕਾਂ ਲਈ ਬਹੁਤ ਸੌਖਾ ਹੈ।

Photo Caption: "ਜੰਗਲੀ-ਕੁਦਰਤ ਵਿੱਚ ਸਦਭਾਵਨਾ ਨੂੰ ਵੇਖਣਾ ਮਨੁੱਖਾਂ ਦੇ ਵਿਸ਼ਵ ਭਵਿੱਖ ਬਾਰੇ ਸੋਚਣਾ!"

ਫੋਟੋ ਡਾਊਨਲੋਡ ਕਰੋ